Join with Health.com.kh on Telegram

ទោះបីជាអ្នកវិទ្យាសាស្រ្តកំពុងតែធ្វើការយ៉ាងខ្លាំងដើម្បីរកការព្យាបាលជំងឺបង្កឡើងដោយវីរុសរលាកសួតថ្មី Coronavirus ក៏ដោយ ក៏ប្រទេសចិនកំពុងតែប្រើប្រាស់ថ្នាំព្យាបាលជំងឺអេដស៍ពីរប្រភេទដើម្បីសម្លាប់វីរុសប្រភេទថ្មីនេះដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យោងទោតាមសេចក្តីរាយការណ៍មួយបានឲ្យដឹងថា រដ្ឋមន្ត្រីជាច្រើននៅឯទីក្រុងប៉េកាំងនៃ China’s National Health Commission បាននិយាយថា ការផ្សំចូលគ្នានៃថ្នាំពីរមុខ Lopinavir និង Ritonavir ដែលធ្លាប់តែប្រើសម្រាប់សម្លាប់មេរោគអេដស៍ ឥឡូវនេះកំពុងតែប្រើវាដើម្បីព្យាបាលអាការៈជំងឺរលាកសួតថ្មីបង្កឡើងដោយវីរុស 2019-nCoV ហើយ។

យោងទៅតាមសេចក្តីរាយការណ៍មួយក្នុងទីក្រុង Bloomberg បានឲ្យដឹងថា អ្នកជំងឺដែលឆ្លងដោយវីរុស Coronavirus ត្រូវបានណែនាំឲ្យលេបថ្នាំ Lopinavir និង Ritonavir ចំនួនពីរដងក្នុងមួយថ្ងៃ។ វីរុសដែលធ្វើឲ្យផ្ទុះជំងឺរលាកផ្លូវដង្ហើមថ្មីក្នុងទីក្រុងវ៉ូវហាន ត្រូវបានគេបញ្ជាក់ថា យ៉ាងហោចណាស់ក៏មានអ្នកមានជីវិតរស់នៅ ៨០នាក់ក្នុងប្រទេសចិន និងកំពុងតែឆ្លងវីរុសនេះច្រើនជាង ២៧០០នាក់ទៀតក្នុងប្រទេស។ 

សម្រាប់ការអវត្តមាននៃថ្នាំសម្លាប់វីរុសដ៏មានប្រសិទ្ធផាពគ្រប់យ៉ាង ប្រទេសចិនកំពុងតែណែនាំដល់អ្នកជំងឺឲ្យប្រើថ្នាំសម្រាប់សម្លាប់វីរុសបង្កជំងឺអេដស៍ Lopinavir និង Ritonavir មួយថ្ងៃពីរដង និងប្រើពពួកថ្នាំ Alpha-interpheron មួយដូស តាមរយៈការឆ្ពុង ពីរដងជារៀងរាល់ថ្ងៃ។ 

ប៉ុន្មានសប្តាហ៍ចុងក្រោយនេះ លោក Peter Hotez សាស្រ្តាចារ្យ និងជាព្រឹត្តបុរសនៃសាលា Nation School of Trophical Medicine នៅឯ Baylor College of Medicine (BCM) ក្នុងទីក្រុង Houston រដ្ឋតិចសាស ដែលលោកក៏ជាអ្នកវិទ្យាសាស្រ្តស្រាវជ្រាវខាងវ៉ាក់សាំងដែរនោះ បានបង្ហើបឲ្យដឹងថា អ្នកវិទ្យាសាស្រ្តអាមេរិក និងចិនកំពុងតែធ្វើការជាមួយគ្នាដើម្បីរស្វែងរកនូវវ៉ាក់សាំងប្រឆាំងនឹងវីរុស Coronavirus ថ្មីនេះ។ តាមភ្នាក់ងារសារព័ត៌មាន Xinhua ដែលបានដកស្រង់សម្តីរបស់លោក Hotez បាននិយាយថា “ប៉ុន្តែការបង្កើតវ៉ាក់សាំងមិនមែនជាដំណើរការណ៍មួយលឿនឡើយ ហើយវាក៏មិនច្បាស់ថាយើងនឹងមានវ៉ាក់សាំងមួយដែលរួចរាល់សម្រាប់ប្រើមុនពេលការផ្ទុះជំងឺនេះចប់ដែរ។ 

ជាមួយគ្នានេះដែរ National Institute of Health របស់អាមេរិក ដែលកំពុងតែស្រាវជ្រាវមើលហ្សែនកូដរបស់វីរុស សង្ឃឹមថាអាចចាប់ផ្តើមធ្វើការពិសោធន៍ទៅលើមនុស្សដើម្បីបង្កើតជាវ៉ាក់សាំដ៏មានសក្តានុភាពមួយក្នុងរយៈពេលបីខែ។(អាន:ថ្នាំងងុយគេង ពេលអ្នកគួរប្រើ) ទោះបីជាយ៉ាងណាក៏ដោយ ដោយសារតែវីរុស Coronavirus នេះជាវីរុសថ្មី ហើយមានអត្រានៃការឆ្លងខ្ពស់ ដូច្នេះទោះបីជាវាស្ថិតក្នុងដំណាក់កាលសង្ងំក៏ដោយ ក៏វាអាចចម្លងទៅអ្នកដទៃបានដែររហូតដល់ ១៤ថ្ងៃឯណោះ ហើយសមត្ថភាពក្នុងការចម្លងរបស់វីរុសនេះគឺខ្លាំងជាងមុនទៅទៀត៕