អ្នកជំនាញនៃមជ្ឈមណ្ឌលសម្រាប់បង្ការ និងគ្រប់គ្រងជំងឺ (CDC) ប្រទេសចិនបានធ្វើការដាក់ដាច់ដោយឡែកពីគេយ៉ាងជោគជ័យនូវវីរុស Coronavirus (2019-nCov) ជាលក្ខណៈ Environmental Samples ដែលមានក្នុងផ្សារលក់អាហារសមុទ្រក្នុងទីក្រុងវ៉ូវហាន ដែលរឿងនេះសបញ្ជាក់ថា ប្រភពវីរុសនេះកើតចេញពីសត្វសមុទ្រដែលលក់នៅទីផ្សារ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

យោងទៅតាមសេចក្តីរាយការណ៍របស់សារព័ត៌មាន Xinhua បានឲ្យដឹងថា ៣៣ករណីនៃ Environmental Samples ចំនួន ៥៨៥ករណី ដែលយកពី Wuhan’s Huanan Seafood Wholesale Market ត្រូវបានគេរកឃើញថា មានផ្ទុកនូវអាស៊ីតនុយក្លេអ៊ិចនៃវីរុស Coronavirus។ 

សេចក្តីរាយការណ៍មុននេះបន្តិចដែលរាយការណ៍ដោយអ្នកជំនាញបានឲ្យដឹងថា ការផ្ទុះជំងឺយ៉ាងធំជាលក្ខណៈភូមិសាស្រ្តបែបនេះមានជាប់ទាក់ទងគ្នាយ៉ាងស្និទ្ធស្នាលជាមួយនឹងទីផ្សាលក់អាហារសមុទ្រ។

អ្នកជំនាញជាច្រើននៅក្នុងស្ថាប័នខាងលើបានយកថ្នាលបណ្តុះជាច្រើនកាលពីថ្ងៃទី១ខែមករា និងថ្ងៃទី ១២ខែមករា ដើម្បីសិក្សាក្នុង CDC។ ថ្នាលបណ្តុះវិជ្ជមានចំនួន ៣១ករណីក្នុងចំណោមថ្នាលបណ្តុះវិជ្ជមាន ៣៣ករណី គឺត្រូវបានប្រមូលយកពីតំបន់ភាគខាងលិចនៃទីផ្សាដែលដាក់លក់សត្វសមុទ្រ។

អ្នកជំនាញនិយាយថា ជាលទ្ធផលបញ្ជាក់ឲ្យដឹងថា ការផ្ទុះវីរុស Coronavirus មានជាប់ទាក់ទងគ្នាយ៉ាងខ្ពស់ជាមួយនឹងការលក់ដូរសត្វសមុទ្រ។(អាន:ថ្នាំងងុយគេង ពេលអ្នកគួរប្រើ) អ្នកជំនាញក៏បានបន្ថែមទៀតថា ការញែកដាក់ឲ្យដាច់ដោយឡែកពីគេយ៉ាងជោគជ័យបន្ថែមទៀតនៃវីរុស Coronavirus គឺផ្តល់នូវអំណះអំណាងយ៉ាងត្រឹមត្រូវថា ទីផ្សាលក់អាហារសមុទ្រក្នុងស្រុកហួណាន (Huanan Seafood Wholesale Market) គឺផ្ទុកទៅដោយបរិមាណវីរុស Coronavirus ក្នុងបរិមាណយ៉ាងធំមួយ៕