ការថែរក្សាស្បែកគឺជាផ្នែកមួយដ៏សំខាន់បំផុត។ អាហារដែលអ្នកញ៉ាំក៏មានឥទ្ធិពលយ៉ាងខ្លាំងចំពោះសុខភាពស្បែកដែរ ដូច្នេះអញនកត្រូវតែញ៉ាំអាហារណាដែលផ្តល់សុខភាព។ ក្រៅពីរបបអាហារ អ័រម៉ូន ស្រ្តេស របៀបរស់នៅ និងកត្តាបរិដ្ឋានក៏អាចប៉ះពាល់ទៅលើសុខភាពស្បែកដែរ។ បញ្ហាស្បែកដ៏ញឹកញាប់មួយនោះគឺជំងឺមុនតែម្តង ហើយអ្វីដែលធ្ងន់ធ្ងរជាងមុនដែលឈឺខ្លាំងទៀតនោះគឺ មុខមានស្នាកស្នាម និងសម្លាកក្រោយពីមុននេះជាហើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)បញ្ហាស្បែកមួយផ្សេងទៀតគឺស្បែកមុខទៅជាឡើងខ្មៅតែម្តង។ យ៉ាងណាមិញបញ្ហាទាំងពីេនះអាចព្យាបាលបានតាមរយៈវិធីធម្មជាតិ ជាមួយនឹងទឹកឃ្មុំ និងក្រូចឆ្មា។
អ្នកអាចបង្កើតបង្កើតជាម៉ាសបិតមុខដោយធ្វើពីក្រូចឆ្មា និងទឹកឃ្មុំដើម្បីបំបាត់ស្នាកស្នាមដោយសារតែមុន និងស្នាមខ្មៅៗលើមុខបាន។ ទឹកក្រូចឆ្មាផ្ទុកទៅដោយសារធាតុជួយឲ្យស្បែកភ្លឺរលោង ដែលអាចបំបាត់ស្នាមអ៊ុចខ្មៅៗបាន។ វាក៏មានវីតាមីន C ដែលជាអង់ទីអុកស៊ីដង់សម្រាប់ផ្តល់ភាពភ្លឺដល់ស្បែកបាន។ ទឹកឃ្មុំវិញ នឹងជួយជំរុញដល់ស្បែកកុំឲ្យស្ងួតពេក។ វាមានសារធាតុផ្តល់សំណើម សម្រាប់ជំរុញដល់ទឹកក្រូចឆ្មាកុំឲ្យធ្វើឲ្យស្បែកស្ងួតតាមបែបធម្មជាតិ និងកុំឲ្យកើតមុនបានទៀត។ ទឹកឃ្មុំក៏សម្បូរទៅដោយសារធាតុសម្លាប់បាក់តេរី និងអង់ទីអុកស៊ីដង់ផងដែរ សម្រាប់ជួយបន្ថយអាការៈនៃភាពចាស់ ផ្តល់ជីវជាតិដល់ស្បែក និងបំបាត់ស្នាកស្នាមដោយសារតែពន្លឺព្រះអាទិត្យ។
វាពិតជារឿងងាយបំផុតក្នុងការបង្កើតម៉ាសបិតមុខធ្វើពីទឹកឃ្មុំ និងក្រូចឆ្មា។ ចូរច្របាច់ក្រូចឆ្មាមួយចំហៀងដាក់ក្នុងចានគោមមួយ ឬកំប៉ុងដែលមានគម្របអាចបិតជិតសម្រាប់រក្សាទុកក្នុងទូរទឹកកក។ បន្ទាប់មកចូរលាយទឹកឃ្មុំកន្លះស្លាបព្រាកាហ្វេចូល ហើយកូវាឲ្យសព្វ។ បើសិនជាអ្នកមិនអាចប្រើស្លាបព្រាកូលាយវាបានទេ អ្នកក៏អាចប្រើម្រាមដៃជំនួសបានដែរ។(អាន:ថ្នាំងងុយគេង ពេលអ្នកគួរប្រើ) ចូរលាងសម្អាតមុខឲ្យស្អាត ហើយជូតឲ្យស្ងួត។ បន្ទាប់មកចូរលាបល្បាយខាងលើនេះលើមុខដោយប្រើច្រាស ឬម្រាមដៃ ប៉ុន្តែចូរប្រាកដថាច្រាស ឬម្រាមដៃនោះស្អាតល្អផង៕