ថ្ងៃទី១នៃចូលឆ្នាំចិនជាថ្ងៃដែលសំខាន់បំផុត។ ដូចនេះនៅថ្ងៃនេះ អ្នកមិនអាចធ្វើរឿងទាំង១០ខាងក្រោមនេះទេ។ ប្រសិនជាអ្នកមិនប្រយ័ត្ន ហើយប្រព្រឹត្ត នោះអ្នកនឹងពុំអាចទទួលបានសំណាងល្អពេញមួយឆ្នាំឡើយ។ តើមានអ្វីខ្លះដែលមិនអាចធ្វើបានទៅ? (អាន:ថ្នាំងងុយគេង ពេលអ្នកគួរប្រើ)
- ប្រសិនជាអ្នកមានទម្លាប់ញ៉ាំបបរជាអាហារពេលព្រឹក សូមអ្នកប្តូរមកញ៉ាំបាយវិញនៅថ្ងៃទី១នេះ ព្រោះបើអ្នកពិសារបបរ វានឹងធ្វើឲ្យអ្នកក្រពេញមួយឆ្នាំ។ តែបើអ្នកបរិភោគបាយ នោះវានឹងធ្វើឲ្យអ្នកមានទ្រព្យពេញរយៈពេលមួយឆ្នាំ។
- អ្នកមិនអាចដាស់អ្នកដទៃឲ្យក្រោកពីគេង ដោយហៅឈ្មោះគេទេ ព្រោះអ្នកដែលត្រូវអ្នកហៅ អាចត្រូវគេតឿនឲ្យធ្វើការងារពេញមួយឆ្នាំ។
- អ្នកមិនអាចទៅឲ្យអាំងប៉ាវអ្នកដែលមិនទាន់ក្រោកពីគេងទេ ព្រោះវាអាចធ្វើឲ្យអ្នកដែលមិនទាន់ក្រោកនោះ អាចគេងលើគ្រែអ្នកជំងឺពេញមួយឆ្នាំ។
- អ្នកមិនអាចដាំបាយថ្មីឡើយ ដោយគួរតែញ៉ាំបាយដែលសល់ពីថ្ងៃសែន ព្រោះវាតំណាងឲ្យបាយដែលឆ្នាំមុនមិនទាន់អស់ ហើយសល់ដល់ឆ្នាំថ្មីនេះ។
- អ្នកមិនអាចបោកខោអាវនៅរយៈពេលពីរថ្ងៃដំបូងនៃចូលឆ្នាំចិនទេ ព្រោះវាអាចលាងចោលទ្រព្យអ្នកពេញមួយឆ្នាំអស់។
- កូនស្រីដែលរៀបការហើយ មិនអាចមកផ្ទះម្តាយខ្លួននៅថ្ងៃទី១ទេ ព្រោះវាអាចធ្វើឲ្យអ្នកផ្ទះអ្នកកាន់តែក្របាន។
- អ្នកមិនអាចកាន់អំបោសបោសផ្ទះឡើយ ព្រោះវាអាចនាំសំណាងអាក្រក់ចូលផ្ទះ។ បើអ្នកត្រូវតែបោសផ្ទះដោយខានពុំបាន អ្នកអាចបោសពីក្រៅចូលក្នុងបាន។
- អ្នកមិនអាចគេងថ្ងៃត្រង់ឡើយ ព្រោះវាអាចប៉ះពាល់ដល់លាភសំណាងការងារអ្នក។ ម្យ៉ាងទៀតអ្នកក៏មិនអាចគេងយូរពេលព្រឹកដែរ ព្រោះវាអាចធ្វើឲ្យអ្នកខ្ចិលពេញមួយឆ្នាំ។
- ជាពិសេស អ្នកមិនអាចញ៉ាំថ្នាំបានឡើយប្រសិនជាអ្នកមិនមានជំងឺធ្ងន់ធ្ងរ ព្រោះវានឹងធ្វើឲ្យអ្នកញ៉ាំថ្នាំពេញមួយឆ្នាំ។
- ចុងក្រោយ អ្នកមិនអាចឲ្យអ្នកដទៃលូកហោប៉ាវអ្នកដើម្បីយករបស់ទេ ព្រោះលាភសំណាងរបស់អ្នកពេញមួយឆ្នាំនឹងអាចឲ្យអ្នកដទៃយកទៅទាំងអស់៕ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)