គម្រោងដ៏មានប្រសិទ្ធភាពមួយអាចជួយអ្នកសម្រកទម្ងន់ដែលកំពុងតែលើស ហើយក៏ចៀសវាងការឡើងទម្ងន់វិញបាន។ ជាទូទៅវាមិនត្រូវបានណែនាំឲ្យប្រើវិធីសាស្រ្តសម្រកទម្ងន់លឿនទេ ព្រោះវាមិនអាចមានប្រយោជន៍រយៈពេលវែងឡើយ តែបើសិនជាអ្នកអាចផ្លាស់ប្តូររបៀបរស់នៅវិញ វានឹងជួយឲ្យអ្នកមានរាងសមសួនបានពេញមួយជីវិត។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ហើយបើសិនជាអ្នកកំពុងតែស្វែងរកមធ្យោបាយដើម្បីជួយដល់ការសម្រកទម្ងន់លឿន តែមិនមែនក្រោមមួយសប្តាហ៍ទេនោះ គន្លឹះខាងក្រោមនេះអាចជួយអ្នកបាន៖

ញ៉ាំអាហារពេញលេញ

ចូរសម្របខ្លួនទៅតាមរបបអាហារធម្មតាៗដែលមានលក្ខណៈពេញលេញដូចជា បន្លែ និងផ្លែឈើស្រស់ ខណៈពេលកាត់បន្ថយការញ៉ាំអាហារកៃឆ្នៃ ឬអាហារមិនផ្តល់សុខភាព។ បន្លែ និងផ្លែឈើមិនសូវមានកាឡូរីទេ ប៉ុន្តែវាមានជាតិសរសៃ និងជីវជាតិសំខាន់ៗផ្សេងទៀតខ្ពស់ ដែលអាចមានប្រយោជន៍សម្រាប់ទម្ងន់ និងសុខភាពទូទៅ។ ចចូរបញ្ចូលបន្លែមានកាបូអ៊ីដ្រាតទាប និងសាច់គ្មានខ្លាញ់ក្នុងរបបអាហារកាន់តែច្រើនដើម្បីសម្រកទម្ងន់កាន់តែបានលទ្ធផលល្អ។ 

បន្ថយការញ៉ាំកាបូអ៊ីដ្រាត

ការស្រាវជ្រាវបានបង្ហាញថា របបអាហារមានកាបូអ៊ីដ្រាតទាបអាចជួយអ្នកសម្រកទម្ងន់បានលឿន ព្រមទាំងពង្រឹងដល់សុខភាពទូទៅ។ ការបន្ថយការញ៉ាំកាបូអ៊ីដ្រាត ទោះបីជាពីរបីថ្ងៃ ក៏អាចជួយបន្ថយការហើមពោះ និងការលើសទម្ងន់ដោយសារតែទឹកបាន។ ដើម្បីទទួលបានប្រយោជន៍ខ្ពស់ ចូរព្យាយាមលុបបំបាត់ ឬបន្ថយការញ៉ាំផ្អែម និងអាមីដុងរយៈពេលមួយសប្តាហ៍។ អ្នកអាចជំនួសអាហារទាំងនេះបានដោយជ្រើសរើសអាហារផ្តល់សុខភាពជាងដូចជា សាច់សុទ្ធ ស៊ុត ត្រី ។ល។

ចូរអនុវត្តការគ្រប់គ្រងចានញ៉ាំអាហារ

រឿងនេះនឹងមិនគ្រាន់តែជួយដល់ការសម្រកទម្ងន់ទេ តែក៏ជួយបង្ការការញ៉ាំអាហារផ្តល់ថាមពលខ្លាំងពេកបាន ដែលរឿងនេះមិនចាំបាច់ឡើយ។ ការស្រាវជ្រាវបានភ្ជាប់ទំនាក់ទំនងមួយរវាងចានដាក់អាហារធំៗ និងការប្រឈមខ្ពស់នឹងភាពធាត់ជ្រុល។ ដូច្នេះចូរបែងចែកចានឲ្យញ៉ាំចានតូចៗ និងដាក់បាយញ៉ាំតែពាក់កណ្តាលបានហើយ។ គន្លឹះដ៏សាមញ្ញមួយក្នុងការគ្រប់គ្រងទម្ងន់គឺជ្រើសរើសចានដែលធំៗមែនតែ ត្រូវមានអាហារដែលផ្ទុកថាមពលទាបវិញ។

ចូរចៀសវាងការចាលជាតិទឹកក្នុងខ្លួន

ខាងក្រោមនេះ យើងនឹងនិយាយអំពីការលើសទម្ងន់ដោយសារតែទឹកក្នុងខ្លួនច្រើន និងមិនមែនជាការចាលជាតិទឹករ៉ាំរ៉ៃឡើយ ដែលអាចបញ្ជាក់អំពីបញ្ហាសុខភាពធ្ងន់ធ្ងរដូចជា តម្រងនោម ឬអ័រម៉ូន ធ្វើការខុសប្រក្រតី។ ការពិតនោះគឺថា ការហើម ឬការលើសទម្ងន់ដោយសារតែទឹកអាចបណ្តាលមកពីរបៀបរស់នៅមិនល្អដែលអាចព្យាបាលដោយខ្លួនឯងដោយមិនបាច់ទៅជួបពេទ្យទេ។ ការញ៉ាំកាហ្វេប្រហែលជាអាចជួយរំលាយជាតិខ្លាញ់កាន់តែច្រើន និងបំបាត់ការលើសជាតិទឹកបាន ដោយសារតែវត្តមានរបស់ជាតិកាហ្វេអ៊ីន។ 

បង្កើនសកម្មភាពរាងកាយ

ចូរបង្កើនសកម្មភាពរាងកាយប្រចាំថ្ងៃដើម្បីជួយរំលាយកាឡូរីកាន់តែច្រើន និងសម្រកទម្ងន់បាន។ (អាន:ថ្នាំងងុយគេង ពេលអ្នកគួរប្រើ) ការបង្កើតនូវការផ្លាស់ប្តូររបៀបរស់នៅសាមញ្ញដូចជា ការឡើងកាំជណ្តើរជំនួសការជិះជណ្តើរយន្ត ការជិះកង់ ការដើរលឿនៗជាប្រចាំ នឹងធានាថា អ្នកនឹងធ្វើចលនាបានកាន់តែច្រើន ព្រមទាំងសម្រកទម្ងន់ដោយមិនបាច់ទៅក្លិបទេ៕