ខាងក្រោមនេះ យើងខ្ញុំនឹងបង្ហាញអ្នកពីផ្លែឈើដែលអាចជួយឲ្យសម្រស់អ្នកកាន់តែស្អាត ថែមទាំងជួយអ្នកមិនឲ្យជួបនឹងជំងឺផ្សេងៗផងដែរ។ តើមានអ្វីខ្លះទៅ? (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
- នៅពេលដែលអ្នកពិសារផ្លែប៉ោមរាល់ថ្ងៃ នឹងអាចចៀសផុតពីជំងឺទាំងឡាយ ថែមទាំងអាចធ្វើឲ្យអ្នកឆ្អែតផងដែរ។ ជាពិសេស ជំងឺមហារីកក៏មិនងាយមកជិតអ្នកផងដែរ ព្រោះក្នុងនោះមានសារធាតុដែលអាចជួយកំចាត់កោសិកាមហារីកបាន។
- នៅក្នុងទំពាំងបាយជូរ មានផ្ទុកសារធាតុដែលអាចជួយបង្កើនប្រព័ន្ធការពាររាងកាយរបស់អ្នក ថែមទាំងជួយប្រឆាំងមិនឲ្យស្បែកអ្នកឆាប់ចាស់ផងដែរ។ ដូចនេះ អ្នកអាចញ៉ាំទំពាំងបាយជូរបាន ដើម្បីសុខភាព និងសម្រស់របស់អ្នក។
- នៅក្នុងផ្លែសាលី មានផ្ទុកវីតាមីនជាច្រើន ថែមទាំងមានផ្ទុកសារធាតុផ្សេងទៀត ដែលអាចជួយជម្រះសារធាតុពុលដែលមានក្នុងរាងកាយអ្នកឲ្យចេញមកក្រៅអស់។ ជាពិសេស មានផ្ទុកកាលស្យូមដែលអាចជួយឲ្យឆ្អឹងអ្នកលូតលាស់បានរឹងមាំផងដែរ។ មិនត្រឹមតែប៉ុណ្ណោះ អាចជួយឲ្យសរសៃឈាមអ្នកមិនងាយរឹងនោះទេ។
- នៅក្នុងក្រូចថ្លុង ក៏មានផ្ទុកសារធាតុដែលជួយឲ្យសរសៃឈាមអ្នកដើរបានស្រួល ហើយបេះដូងក៏ដើរបានល្អផងដែរ។ ដូចនេះ អ្នកអាចពិសារក្រូចថ្លុងនេះបាន។
- នៅពេលដែលអ្នកមានអារម្មណ៍មួលម៉ៅ ហើយតានតឹងខ្លាំង សម្រស់ និងសុខភាពរបស់អ្នកនឹងបាក់ខ្លាំង។ ដូចនេះ អ្នកអាចពិសារផ្លែចេកបាន ព្រោះក្រោយពេលដែលអ្នកញ៉ាំរួច អារម្មណ៍អ្នកនឹងល្អឡើងវិញ៕ (អាន:ថ្នាំងងុយគេង ពេលអ្នកគួរប្រើ)