ការញ៉ាំគ្រឿងស្រវឹងជាទៀងទាត់បានក្លាយទៅជារឿងធម្មតាសម្រាប់យុវវ័យសម័យនេះទៅហើយ ជាពិសេសអ្នកដែលរស់នៅតាមទីក្រុងតែម្តង។ ថ្ងៃចុងសប្តាហ៍បានក្លាយទៅជារឿងមួយដែលគេត្រូវការជប់លៀងទៅហើយ ហើយក៏គេច្រើនតែយកវាដើម្បីបំបាត់ភាពស្រ្តេសផងដែរ។ យ៉ាងណាមិញ យោងទៅតាមសេចក្តីរាយការណ៍ថ្មីបានឲ្យដឹងថា រឿងនេះអាចធ្វើឲ្យមនុស្សស្លាប់ដោយសារតែគ្រឿងស្រវឹងកាន់តែច្រើនថែមទៀត។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ក្រៅពីនេះក៏មានមនុស្សស្លាប់ដោយសារតែជំងឺថ្លើមផងដែរ។ ហេតុដូច្នេះហើយ ខាងក្រោមនេះខ្ញុំសូមបង្ហាញអំពីវិធីបន្ថយការប្រឈមនឹងជំងឺមួយចំនួនដោយសារតែការញ៉ាំគ្រឿងស្រវឹងដើម្បីរស់នៅកាន់តែមានសុខភាពល្អ និងអាយុវែង។
កាត់បន្ថយបន្តិចម្តងៗ
យកល្អកុំចូលចិត្តបណ្តោយខ្លួនតាមការក្តក់របស់គេពេក ជាពិសេសនៅពេលការក្តក់នោះគឺជាការញ៉ាំគ្រឿងស្រវឹងតែម្តង។ បើសិនជាអ្នកគិតថា អ្នកបានកំពុងតែចាប់ផ្តើមញ៉ាំញឹកញ៉ាប់ ឬញ៉ាំច្រើនពេក យកល្អគួរតែចាប់ផ្តើមកាត់បន្ថយវាបន្តិចម្តងៗ។ អ្នកអាចកត់ត្រាក្នុងទូរស័ព្ទដៃ គ្រប់ពេលដែលអ្នកញ៉ាំ។ រឿងនេះនឹងជួយតាមដានការញ៉ាំគ្រឿងស្រវឹង ហើយក៏អាចកាត់បន្ថយបានដែរបើសិនជាអ្នកចង់កាត់បន្ថយ។
ហាត់ប្រាណ
ការហាត់ប្រាណអាចកែប្រែការខូចខាតដោយសារតែគ្រឿងស្រវឹងបាន។ ប៉ុន្តែចូរប្រាកដថាអ្នកមានទម្លាប់ហាត់ប្រាណជាទៀងទាត់ដែរ ព្រោះវានឹងជួយថែរក្សាថ្លើមឲ្យមានសុខភាពល្អ ច្រោះជាតិពុលពីរាងកាយ និងបន្ថយសកម្មភាពរ៉ាឌីកាលសេរីផង។
បង្គ្រប់ជាតិទឹកក្នុងខ្លួន
គ្រឿងស្រវឹងគឺជាសារធាតុបញ្ចុះទឹកនោម ដូច្នេះវាងាយនឹងធ្វើឲ្យខ្សោះជាតិទឹកក្នុងខ្លួនណាស់។ ការបង្គ្រប់ជាតិទឹកក្នុងខ្លួនគឺជារៀងសំខាន់បំផុតសម្រាប់សុខភាពទូទៅ ដូច្នេះអ្នកត្រូវតែប្រាកដថា បើសិនជាអ្នកផឹកមែន អ្នកត្រូវញ៉ាំទឹកបន្ថែមឲ្យបានច្រើនដើម្បីជម្នះឥទ្ធិពលរបស់គ្រឿងស្រវឹង ហើយក៏ដើម្បីបង្គ្រប់ជាតិទឹកក្នុងខ្លួនឡើងវិញដែរ។
ជ្រើសរើសភេសជ្ជៈផ្តល់សុខភាព
គ្មាននរណាកំពុងតែសុំឲ្យអ្នកកាត់បន្ថយការចូលរួមកម្មវិធីជប់លៀងឡើយ។ ប៉ុន្តែប្រហែលជាញ៉ាំបានមួយកែវរួច យកល្អគួរតែជ្រើសរើសភេសជ្ជៈអ្វីផ្សេងក្រៅពីគ្រឿងស្រវឹងដែលផ្តល់សុខភាពវិញទៅ អាចជា តែ ឬទឹកធម្មតា ព្រោះវានឹងមិនបង្កគ្រោះថ្នាក់ដល់រាងកាយ និងប្រឈមនឹងជំងឺជាច្រើនឡើយ។
ញ៉ាំអាហារផ្តល់សុខភាព
ខណៈពេលដែលអ្នកកំពុងតែញ៉ាំគ្រឿងស្រវឹង អ្នកនឹងប្រាកដថាអាចញ៉ាំគ្រឿងក្លែមខ្លះមិនខាន។ ដូច្នេះចូរប្រាកដថា គ្រឿងក្លែមនោះជាអាហារផ្តល់សុខភាពផង។(អាន:ថ្នាំងងុយគេង ពេលអ្នកគួរប្រើ) អាហារឆា ឬចៀន និងជម្រើសអាហារមិនផ្តល់សុខភាពណាផ្សេងអាចធ្វើឲ្យគ្រឿងស្រវឹងបំផ្លាញរាងកាយកាន់តែច្រើន រហូតដល់ធាត់ជ្រុល និងប្រឈមកាន់តែខ្ពស់នឹងជំងឺ៕