នៅពេលដែលអ្នករៀបអាពាហ៍ពិពាហ៍ បន្ទប់គេងពិតជាសំខាន់ណាស់ ព្រោះវាជាកន្លែងដែលអ្នកទាំងពីរគេងជាមួយគ្នាជារៀងរាល់យប់ ដូចនេះគួរតែរៀបចំដូចម្តេចទើបល្អសម្រាប់មនោសញ្ចេតនារបស់អ្នកទាំងពីរនោះ? (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

ពណ៌ក្នុងបន្ទប់មិនត្រូវងងឹតពេក

ឥដ្ឋ ឬជញ្ជាំងដែលនៅក្នុងបន្ទប់អ្នកមិនត្រូវឱ្យមានពណ៌ងងឹតពេកទេ ដូចជា ៖ ពណ៌ផ្ទៃមេឃចាស់ បៃតងចាស់ ក្រហមចាស់ ឬប្រផេះចាស់ ទាំងអស់នេះសុទ្ធតែជាពណ៌ដែលអាចធ្វើឱ្យអ្នកទាំងពីរមានអារម្មណ៍ធុញធប់បាននៅពេលដែលចូលទៅដល់ក្នុងបន្ទប់នេះ។

បន្ទប់ត្រូវតែមានខ្យល់អាកាសចេញចូល

នៅពេលដែលបន្ទប់អ្នកមានខ្យល់អាកាសចេញចូល ទើបវាអាចស្រូបយកក្លិនមិនល្អពីក្នុងបន្ទប់អ្នកចេញទៅក្រៅ នោះអ្នកនឹងមានសុខភាពល្អ ដោយមិនប៉ះពាល់ខួរក្បាលដោយសារតែហិតក្លិនដែលមិនល្អទាំងនោះឡើយ។

ជញ្ជាំង វាំងនង និងគ្រឿងសង្ហារឹមមិនត្រូវប្រើពណ៌ផ្កាឈូកនោះទេ

នៅពេលដែលអ្នកប្រើពណ៌នេះ វានឹងអាចធ្វើឱ្យខួរក្បាលអ្នកចុះខ្សោយ មានភាពភ័យខ្លាចច្រើន នៅមិនស្ងប់ ងាយខឹងច្រឡោត ឆេវឆាវ ថែមទាំងងាយធ្វើឱ្យអ្នកទាំងពីរតែងតែមានជម្លោះជាមួយគ្នាជានិច្ច។

បន្ទប់ត្រូវតែស្ថិតនៅទិសដែលមានព្រះអាទិត្យគ្រប់គ្រាន់

បន្ទប់គេងរបស់អ្នកទាំងពីរត្រូវតែស្ថិតនៅទិសដែលមានពន្លឺព្រះអាទិត្យចាំងចូលគ្រប់គ្រាន់ ព្រោះបើគ្មានពន្លឺទេ វាអាចធ្វើឱ្យអ្នកទាំងពីរឆាប់មានអារម្មណ៍មួលម៉ៅខ្លាំងណាស់។

ពិដាននៃបន្ទប់មិនត្រូវមានពណ៌ និងផ្កាច្រើន

នៅពេលដែលវាមានពណ៌ច្រើន ជាពិសេសពណ៌ក្រហម និងពណ៌ផ្ទៃមេឃចាស់ នោះវាងាយនាំជំងឺផ្សេងៗមកឱ្យអ្នកខ្លាំងណាស់៕ (អាន:ថ្នាំងងុយគេង ពេលអ្នកគួរប្រើ)