Join with Health.com.kh on Telegram

ការជក់បារីគឺជារឿងដែលគ្រោះថ្នាក់ចំពោះសុខភាព ហើយអ្នកក៏ប្រហែលជាដឹងដំណឹងនេះច្រើនដងរហូតដល់ធុញទ្រាន់ណាស់ហើយ។ ប៉ុន្តែយោងទៅតាមសារព័ត៌មានដែលចុះផ្សាយក្នុង British Journal of General Practice បាននិយាយថា ការអង្គុយគឺជាទម្រងនៃការជក់បារីថ្មីមួយទៀត។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) របៀបរស់នៅបែបស៊ីដេក មិនសូវមានសកម្មភាពរាងកាយ និងការងារនៅការិយាល័យច្រើនតែបញ្ជាក់អំពីមូលហេតុ និងជាកត្តាប្រឈមនឹងជំងឺជាច្រើនដូចជា ធាត់ជ្រុល ទឹកនោមផ្អែម មហារីក និងផ្សេងៗទៀត។ 

របៀបរស់នៅផ្តល់សុខភាពគឺជាគន្លឹះសំខាន់ក្នុងការបន្ថយការប្រឈមនឹងជំងឺ និងបញ្ហាសុខភាព។ ប៉ុន្តែទម្លាប់ប្រចាំថ្ងៃមួយចំនួនដែលយើងធ្វើរាល់ថ្ងៃក៏អាចប៉ះពាល់ដល់សុខភាពដែរដូចជា៖

ចូលចិត្តធ្វើអ្វីស្រួលៗពេក

មែនហើយ យើងតែងតែចង់ឲ្យមានហាងលក់ឥវ៉ាន់ប្រើប្រាស់ ឬអាហារនៅជាប់ផ្ទះតែម្តងដើម្បីស្រួលទិញ។ កម្មវិធីទូរស័ព្ទឆ្លាតវៃជាច្រើនបច្ចុប្បន្ននេះក៏កាន់តែស្រួលដែរ។ ប៉ុន្តែការរស់នៅដែលមានភាពងាយស្រួលបែបនេះពេកពិតជាអាចបន្ថយសកម្មភាពរាងកាយបាន ការដើរទៅផ្សារទិញឥវ៉ាន់ ការឡើងចុះតាមជណ្តើរកាំ អាចជាការហាត់ប្រាណដែលអ្នកពិរតជាមិនត្រូវការធ្វើឡើយ។ អ្នកអាចប្រើប្រាស់កម្មវិធីក្នុងទូរស័ព្ទដើម្បីផ្តល់ភាពងាយស្រួលដល់ការងារប្រចាំថ្ងៃនៅពេលអ្នកភ្លេចទិញអ្វីមួយ ប៉ុន្តែចូរព្យាយាមដើរទៅផ្សារខ្លះទៅចៀសជាងចេះតែកម្មង់គេយកមកដល់ផ្ទះពេក។ 

ក្រចូលគេង និងក្រភ្ញាក់ពីគេង

ការគេងពេលយប់ដ៏ល្អគឺជារឿងដ៏សំខាន់សម្រាប់សុខភាពរាងកាយ និងផ្លូវចិត្ត។ វាអាចជួយបង្ការជំងឺផ្លូវចិត្ត និងភាពនឿយហត់ខាងរាងកាយ។ វាអាចជួយអ្នកគ្រប់គ្រងស្រ្តេសបានយ៉ាងល្អ។ សម្រាប់រាងកាយវិញ វាអាចជួយអ្នកធ្វើសកម្មភាពទៅតាមតម្រូវការបានយ៉ាងល្អ និងចៀសផុតពីការប្រឈមនឹងភាពធាត់ជ្រុលបាន។ ការដែលមានទម្លាប់គេង និងភ្ញាក់បានទៀងទាត់ ជាពិសេសចូលគេងពីព្រលប់ភ្ញាក់ពីព្រលឹមគឺជារឿងដែលផ្តល់សុខភាព។ 

ឈប់ញ៉ាំអាហារសម្រន់នៅពាក់កណ្តាលយប់

យោងទៅតាមសេចក្តីរាយការណ៍មួយបានបង្ហាញថា ការរំលាយអាហាររបស់យើងមានជាប់ទាក់ទងនឹងពេលវេលាដែរ។ នៅពេលពាក់កណ្តាលយប់ ការរំលាយអាហារអាចនឹងយឺត ហើយការញ៉ាំអាហារនៅពេលថ្ងៃអាចជំរុញឲ្យឡើងទម្ងន់បាន។ អាហារដែលអ្នកញ៉ាំនៅពាក់កណ្តាលយប់ក៏ជារឿងនាំឲ្យមានសុខភាពល្អដែរ។ មនុស្សយើងភាគច្រើនពឹងផ្អែកទៅលើអាហារវិចខ្ចប់ដែលផ្ទុកទៅដោយសារធាតុរក្សាគុណភាពអាហារ ស្ករ ឬម្សៅកៃឆ្នៃនៅពេលយើងមានអារម្មណ៍ឃ្លាននៅពេលយប់ រហូតដល់ឡើងទម្ងន់បាន។ ការញ៉ាំអាហារបែបនេះនៅពេលយប់ក៏រំខានដល់ការគេងបានដែរ។ 

សម្រាកពីបច្ចេកវិទ្យាខ្លះ

បច្ចេកវិទ្យាទំនើបនឹងធ្វើឲ្យជីវិតរស់នៅកាន់តែងាយស្រួល ប៉ុន្តែវាក៏មានបញ្ហាផ្ទាល់ខ្លួនរបស់វាមួយឈុតផងដែរ។ កាលណាយើងកាន់តែជិតរកឃើញវិធីព្យាបាលជំងឺជាច្រើន វិធីថ្មីៗដែលធ្វើឲ្យគ្រូពេទ្យច្រឡំនោះក៏កំពុងតែជិតមានដែរ។ ជំងឺសម័យទំនើបដែលធ្វើឲ្យឈឺចាប់នៅមេដៃដោយសារតែចុះអក្សរច្រើនពេក និងប្រើប្រាស់ទូរស័ព្ទឆ្លាតវៃច្រើនជ្រុលឥឡូវនេះបានចាប់ផ្តើមកើតឡើងលើមនុស្សក្នុងទ្រង់ទ្រាយធំហើយ។ ការមើលទូរស័ព្ទច្រើនពេកអាចធ្វើឲ្យភ្នែកចុះខ្សោយ ឈឺក្បាល និងឈឺចាប់នៅកញ្ចឹងក និងស្មាបាន។ បណ្តាញសង្គមក៏ជាប់ទាក់ទងនឹងការមិនសូវស្រឡាញ់ខ្លួនឯង និងបញ្ហាសុខភាពផ្លូវចិត្តដែរ ជាពិសេសក្នុងចំណោមយុវវ័យតែម្តង។ ការសម្រាកមួយភ្លេតពីបច្ចេកវិទ្យាបែបនេះគឺជារឿងសំខាន់បំផុតដើម្បីប្រាកដថា អ្នកមានសុខភាពផ្លូវចិត្ត និងកាយល្អ។ 

របបអាហារមិនផ្តល់សុខភាព

មនុស្សវ័យក្មេងប្រហែលជានឹងញ៉ាំអាហារមិនផ្តល់សុខភាពជារៀងរាល់ថ្ងៃ ហើយក៏ប្រហែលជាឲ្យកូនតូចៗញ៉ាំបែបហ្នឹងដែរ រហូតដល់មិនផ្តល់សុខភាពមិនត្រឹមតែខ្លួនឯងឡើយ ថែមទាំងកើតឡើងលើក្មេងជំនាន់ក្រោយទៀត។ អាហារវិចខ្ចប់ សម្បូរខ្លាញ់ អាហារដឹកជញ្ជូនពីភោជនីយដ្ឋានបានក្លាយទៅជារឿងធម្មតាទៅហើយសម្រាប់ការរស់នៅសម័យនេះ។ អាហារដែលយើងញ៉ាំមានសារៈសំខាន់សម្រាប់សុខភាពកាន់តែល្អព្រោះវាជាប្រភពដ៏សំខាន់សម្រាប់រាងកាយទទួលបានជីវជាតិ។(អាន:ថ្នាំងងុយគេង ពេលអ្នកគួរប្រើ) អ្នកត្រូវតែព្យាយាមញ៉ាំអាហារណាដែលផ្តល់សុខភាព ញ៉ាំតិចតួច ជាពិសេសអាហារដែលធ្វើដោយខ្លួនឯងនៅផ្ទះវិញ ដោយបញ្ចូលបន្លែ និងផ្លែឈើឲ្យបានច្រើនជាងសាច់៕