ជំងឺរលាកបំពង់សម្លេងតែងបង្កឡើងដោយបាក់តេរី វីរុស ឬមេរោគផ្សិត ព្រមទាំងការមានរបួសនៅលើបំពង់នេះដោយសារតែផ្សែងបារី ឬការប្រើប្រាស់សម្លេងច្រើនជ្រុលពេក។ ជំងឺរលាកបំពង់សម្លេងមិនមែនតែងតែចម្លងគេឯងនោះទេ តែវាអាចរាល់ដាលទៅអ្នកដទៃបានលុះត្រាតែបំពង់សម្លេងនោះមានការបង្ករោគប៉ុណ្ណោះ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
នៅពេលបំពង់សម្លេងរងការរលាក ឬការបង្ករោគ អ្នកប្រហែលជាមានអារម្មណ៍ស្ងួត ស្អក និងឈឺនៅបំពង់កបែបរមាស់ៗ។ ការរលាកបំពង់សម្លេងអាចឆ្លងបាននៅពេលវាបង្កឡើងដោយបាក់តេរី វីរុស ឬមេរោគផ្សិត។ មូលហេតុមួយចំនួនដូចជា ការជក់បារីរយៈពេលយូរជាធម្មតាគឺមិនចម្លងទៅគេឯងឡើយ។
ដូច្នេះមិនមែនឲ្យតែទម្រងរលាកបំពង់សម្លេងសុទ្ធតែឆ្លងទាំងអស់ឡើយ។ ខាងក្រោមនេះគឺជមូលហេតុខ្លះៗនៃការបង្ករោគទៅលើបំពង់សម្លេង ដែលអាចចម្លងទៅអ្នកដទៃបាន៖
- ការរលាកបំពង់សម្លេងដោយវីរុស៖ ប្រភេទនៃការរលាកបំពង់សម្លេងនេះបង្កឡើងដោយវីរុសដូចជា វីរុសបង្កជំងឺផ្តាសាយដែរ។ នេះគឺជាប្រភេទរលាកបំពង់សម្លេងដែលកើតឡើងញឹកញាប់បំផុត ប៉ុន្តែវាមានអត្រានៃការឆ្លងតិចតួចបំផុត។ វាច្រើនតែបាត់ទោវិញក្នុងរយៈពេលមួយទៅពីរសប្តាហ៍ដោយមិនបាច់ព្យាបាលអ្វីទាំងអស់។ តែក្នុងករណីអ្នកមានជំងឺរលាកបំពង់សម្លេងប្រភេទនេះ តែមានឱកាសចម្លងខ្លាំងបំផុតគឺក្នុងពេលក្តៅខ្លួន។
- ការរលាកបំពង់សម្លេងបង្កឡើងដោយបាក់តេរី៖ ការរលាកបំពង់សម្លេងប្រផេទនេះបង្កឡើងដោយការលូតលាស់បាក់តេរីបង្ករោគច្រើនជ្រុលដូចជា Methicillin-resistant Staphylococcus Aureus (MRSA)។ វាគឺប្រភេទរលាកបំពង់សម្លេងដែលឆ្លងខ្លាំងជាងវីរុស។ ករណីបែបនេះអ្នកត្រូវតែប្រើថ្នាំផ្សះដែលចេញដោយវេជ្ជបណ្ឌិតត្រឹមត្រូវ។
- ការរលាកបំពង់សម្លេងបង្កឡើងដោយមេរោគផ្សិត៖ ការរលាកបំពង់សម្លេងប្រផេទនេះបង្កលើងដោយការលូតលាស់មេរោគផ្សិតក្នុងបំពង់សម្លេងច្រើនជ្រុលដូចជា Candida ដែលវាមានការឆ្លងខ្លាំងជាងបង្កឡើងដោយវីរុស។
អាការៈញឹកញ៉ាប់នៃការរលាកបំពង់សម្លេងមួយចំនួនមានដូចជា៖
- សម្លេងស្អក
- ពិបាកនិយាយ ឬមិនអាចនិយាយបាន
- រមាស់ៗក្នុងបំពង់ក ជាពិសេសនៅពេលព្យាយាមនិយាយ ឬលេបទឹកមាត់
- ឈឺ ឬតឹងក្នុងបំពង់ក
- ស្ងួតបំពង់ក ជាពិសេសនៅពេលអាកាសធាតុក្តៅហើយស្ងួត ឬអង្គុយមុខកង្ហា
- ក្អកស្ងួតជាប់ដោយគ្មានមូលហេតុអ្វីផ្សេងជាក់ស្តែងឡើយ។
អាការៈមួយចំនួនដែលអ្នកអាចសម្គាល់ដឹងដែរនៅពេលមានការរលាកបំពង់សម្លេងបង្កឡើងដោយការបង្ករោគមានដូចជា៖
- ក្លិនមាត់អាក្រក់ ឬខុសធម្មតា
- ឈឺចាប់ដូចមុននៅពេលនិយាយ ឬលេបទឹកមាត់
- ក្តៅខ្លួន(អាន:ថ្នាំងងុយគេង ពេលអ្នកគួរប្រើ)
- មានខ្ទុះ ឬហូរទឹករំអិលនៅពេលក្អក ឬហីសសម្បោ៕