ភាពធាត់ជ្រុល ឬធាត់តែងតែមានគុណវិបត្តិផ្ទាល់ខ្លួនរបស់វាមួយកំផ្លេតែម្តង។ ការប្រឈមនឹងជំងឺជាច្រើនអាចនឹងកើនឡើងខ្ពស់ ដោយសារតែទម្ងន់រាងកាយមិនផ្តល់សុខភាព។ ការដែលមានជាតិខ្លាញ់រក្សាទុកក្នុងរាងកាយច្រើនពេកអាចរំខានដល់មុខងាររាងកាយ ដែលធ្វើឲ្យវាធ្វើការមិនបានគ្រប់គ្រាន់។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ទោះបីជាយ៉ាងណាក៏ដោយ ថ្នាំថ្មី ឬយន្តការណ៍ថ្មីដែលត្រូវបានរកឃើញ មិនគ្រាន់តែអាចជួយបង្ការភាពធាត់ជ្រុលទេ តែក៏ធ្វើឲ្យភាពធាត់ជ្រុលត្រឡប់ទៅធម្មតាវិញ និងជួយចៀសផុតពីការប្រឈមនឹងជំងឺជាច្រើនថែមទៀត។
ការសិក្សាមួយដែលចុះផ្សាយក្នុងសារព័ត៌មាន International Journal of Obesity បានរកឃើញថា នៅពេលថ្នាំមួយឈ្មោះថា NF ដែលមាននាទីទៅទប់ស្កាត់ AHR ត្រូវបានបញ្ចូលទៅក្នុងរបបអាហារមានជាតិខ្លាញ់ខ្ពស់របស់សត្វកណ្តុរ ឃើញថាកណ្តុរទាំងនោះមបានបានធាត់ជាងកណ្តុរផ្សេងដែលមានរបបអាហារមានជាតិខ្លាញ់ទាបឡើយ។ កណ្តុរដែលមានរបបអាហារដូចគ្នាដោយមិនបានបញ្ចូលថ្នាំ NF ទេ បែរជាក្លាយទៅជាធាត់ជ្រុលក្នុងពេលវេលាតែមួយវិញ។ ក្នុងសត្វដែលគេសិក្សា វាមិនត្រូវបានគេរកឃើញថា មានជំងឺ ឬផលរំខានអ្វីរបស់ថ្នាំឡើយ។
អ្នកស្រាវជ្រាវនិយាយថា ការទប់ស្កាត់ AHR ដោយប្រើថ្នាំ NF អាចបង្ការភាពធាត់ជ្រុលបាន។ វាត្រូវបានគេអះអាងថាបែបនេះក្រោយបានធ្វើការពិសោធន៍ខាងលើរួចមក។
តាមការសិក្សា និងស្រាវជ្រាវពីមុនបានអះអាងថា AHR មាននាទីសម្របសម្រួលហ្សែនសំខាន់ៗក្នុងការរំលាយជាតិខ្លាញ់។ វាត្រូវបានគេរកឃើញក្នុងថ្លើម និងកោសិកាខ្លាញ់។ នៅពេល AHR ត្រូវបានទប់ស្កាត់ដោយថ្នាំ NF នោះវានឹងមិនអាចធ្វើឲ្យមានការរក្សាទុក និងសំយោគខ្លាញ់ឡើយ ដោយសារតែហ្សែនជាច្រើនត្រូវការធ្វើការផ្សេង។
ការស្រាវជ្រាវក៏បានកំណត់គោលដៅដើម្បីរកឲ្យឃើញថា សារធាតុក្នុងរបបអាហារដែលយើងញ៉ាំនោះអាចភ្ញោចដល់ AHR និងបង្កជាការធាត់ជ្រុលឬអត់ ហើយធ្វើម៉េចទើបអាចបង្ការវាបាន។ (អាន:ថ្នាំងងុយគេង ពេលអ្នកគួរប្រើ)ការសិក្សាបានចាប់ផ្តើមធ្វើលើរឿងនេះហើយបើសិនជាដំណើរការណ៍នេះអាចមានប្រសិទ្ធភាពតាមរបៀបបន្ថយភាពធាត់ជ្រុលក្នុងខ្លួនមនុស្សនៅជុំវិញពិភពលោក៕
