នៅពេលដែលដល់ចូលឆ្នាំចិនម្តងៗ អាំងបាវគឺជារឿងដែលសំខាន់ ព្រោះវាផ្តល់អត្ថន័យដ៏ល្អសម្រាប់មនុស្សគ្រប់រូប មិនថាក្មេងឬចាស់ ដូចនេះតើអ្នកគួរតែដាក់ទឹកប្រាក់ចំនួនប៉ុន្មានទើបស័ក្តិសមនោះ? (អាន:ថ្នាំងងុយគេង ពេលអ្នកគួរប្រើ)

ចំពោះមនុស្សចាស់

អាំងបាវដែលអ្នកជូនមនុស្សចាស់ គឺជាអាំងបាវដែលអ្នកបង្កើនអាយុឲ្យពួកគាត់ ដូចនេះនៅពេលដែលអ្នកជូនអាំងបាវមនុស្សចាស់ អ្នកគួរតែមើលតាមចំណូលរបស់អ្នក ហើយខ្ចប់ឲ្យគាត់ ហើយត្រូវតែកើនឡើងពីមួយឆ្នាំទៅមួយឆ្នាំ ដើម្បីឲ្យពួកគាត់ដឹងថាអ្នករកបានកាន់តែច្រើនពីមួយឆ្នាំទៅមួយឆ្នាំតាមរយៈអាំងបាវ នោះពួកគាត់នឹងមិនសូវបារម្ហពីអ្នកឡើយ។

ចំពោះកូនក្មេង

នៅពេលដែលអ្នកឲ្យអាំងបាវកូនក្មេង អ្នកមិនត្រូវឲ្យលើសចំនួនទឹកប្រាក់របស់មនុស្សចាស់ទេ ម្យ៉ាងទៀតអ្នកត្រូវតែឲ្យស្មើរគ្នាជាមួយក្មេងដទៃទៀត ព្រោះពួកគេអាចនឹងមើលអាំងបាវនោះនៅចំពោះមុខអ្នក ហើយបើតិចជាងបងរបស់គេ គេនឹងច្រណែនជាមិនខាន។

ចំនួននៃទឹកប្រាក់

ចំនួននៃទឹកប្រាក់ អ្នកគួរតែយកលេខគូ មិនត្រូវយកលេខសេសទេ ព្រោះលេខគូទើបអាចនាំសំណាងល្អដល់អ្នក ដូចនេះអ្នកអាចប្រើលេខ២ ៦ និង៨មកខ្ចប់អាំងបាវបាន។

អាំងបាវ

នៅពេលដែលអ្នកខ្ចប់ អ្នកមិនត្រូវយកអាំងបាវឆ្នាំចាស់មកខ្ចប់ទេ ត្រូវតែយកអាំងបាវដែលថ្មី ហើយអាំងបាវដែលប្រលាក់ក៏មិនត្រូវយកមកខ្ចប់ដូចគ្នា។

ហែកអាំងបាវមើល

ប្រសិនជាអ្នកគ្មានការសំណូលពរពីចាស់ៗទេ អ្នកមិនត្រូវហែកមើលអាំងបាវនៅចំពោះមុខពួកគាត់ទេ ព្រោះវាសម្តែងនូវភាពមិនចេះគោរពមនុស្សចាស់ ដូចនេះអ្នកគួរតែទុកដល់មកផ្ទះទើបមើល៕ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)