នៅថ្ងៃចូលឆ្នាំចិន មានរឿងមួយចំនួនែលអ្នកមិនអាចធ្វើទេ បើអ្នកធ្វើ នោះវាអាចប៉ះពាល់ដល់អ្នកបាន។ តើមានរឿងអ្វីខ្លះទៅ? (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
- អ្នកមិនត្រូវចម្អិនម្ហូបថ្មីនោះទេ អ្នកត្រូវតែបរិភោគម្ហូបសែន ព្រោះវាអាចបញ្ជាក់ថារបស់នៅឆ្នាំចាស់អ្នកបរិភោគមិនទាន់អស់ ហើយអាចទុករហូតដល់ឆ្នាំថ្មី ដូចនេះទ្រព្យសម្បតិ្តអ្នកក៏សល់ដូចគ្នា។
- អ្នកមិនត្រូវបរិភោគបបរនោះទេ ព្រោះវាអាចនាំយកឧបសគ្គមករកអ្នកនៅពេលដែលអ្នកចេញដំណើរទៅឆ្ងាយក្នុងពេលឆ្នាំថ្មី។
- អ្នកមិនអាចប្រើកាំបិតបានឡើយ ព្រោះអត្ថន័យនៃកាំបិតគឺបំផ្លាញ ដូចនេះវានឹងនាំយកភាពសយមករកអ្នក។
- មិនត្រូវបោសសម្អាតផ្ទះឡើយ ប្រសិនជាអ្នកត្រូវតែបោសដោយខានពុំបាន អ្នកត្រូវបោសពីក្រៅចូលក្នុង ហើយសំរាមត្រូវតែទុកក្នុងផ្ទះ មិនត្រូវចាក់ចេញក្រៅឡើយ ព្រោះវាអាចនាំយកទ្រព្យសម្បតិ្តអ្នកហូរចេញក្រៅដូចគ្នា។
- អ្នកមិនត្រូវធ្វើឲ្យបែកចានទេ តែប្រសិនជាបែក អ្នកត្រូវនិយាយពាក្យថាសុខសប្បាយ ហើយយកក្រដាសក្រហមខ្ចប់ទុកដល់ថ្ងៃទី៥នៃចូលឆ្នាំចិន ទើបយកវាទៅបោះចូលទន្លេ។
- អ្នកមិនត្រូវមានជម្លោះជាមួយអ្នកដទៃទេ ហើយម្តាយក៏មិនត្រូវវ៉ៃ ឬស្តីឲ្យកូនដែរ ជាងនេះទៅទៀត មិនត្រូវទៅទារបំណុលអ្នកដទៃដូចគ្នា។
- អ្នកក៏មិនអាចយំបានដែរ ព្រោះបើអ្នកយំ ទេវតាទ្រព្យនឹងចាកឆ្ងាយពីអ្នកបាន ហើយក្នុងផ្ទះក៏គ្មានសិរីសួស្តីដែរ។
- អ្នកមិនអាចផឹកថ្នាំបានឡើយ ប៉ុន្តែបើអ្នកត្រូវតែផឹក អ្នកមិនត្រូវឲ្យអ្នកដទៃមើលឃើញទេ ហើយអ្នកមិនត្រូវនិយាយថាផឹកថ្នាំនោះទេ ត្រូវតែនិយាយថាញ៉ាំស្ករគ្រាប់វិញទើបល្អ៕ (អាន:ថ្នាំងងុយគេង ពេលអ្នកគួរប្រើ)