ក្រោយ​ខក​ខាន​ជួប​គ្នា​អស់​រយៈ​ពេល​ជាយូរ អតីត​តារា​សម្ដែង​តូច​ឆ្នើម​ Jimmy Lin និង​ Ashton Chen បាន​ជួបជុំ​គ្នា​អំឡុង​ពេល​ថត​រឿង​របស់​លោក​ Jackie Chan ឬឈិនឡុង។

២៤​ឆ្នាំ​ ក្រោយ​រឿង​ «កូននាគ​សៅលីង» បាន​បង្ហាញ​ខ្លួន​ ពេល​នេះ​តូ​សំខាន់​ ២​នាក់​ដែល​ធ្លាប់​សម្ដែង​ជា​តួ​កូន​សិស្ស​សៅលីង​ មាន​ឱកាស​ជួប​គ្នា​ជាថ្មី ព្រមទាំង​បង្ហាញ​នឹក​រលឹកចំពោះគ្នា​ទៀត។

ជាក់ស្ដែង​ មក​ទល់​ឆ្នាំ​នេះ​ Jimmy Lin មាន​អាយុ​ ៤៣ឆ្នាំ​ហើយ។ លោក​បាន​រៀបការ​កាល​ពី​ឆ្នាំ​ ២០០៩​ ហើយ​បច្ចុប្បន្ន​មាន​កូន ៣នាក់​សុទ្ធ​តែ​ប្រុស។ ទោះ​បី​វ័យ​ច្រើន​ និង​មាន​កូន​ពេញ​ផ្ទះ​ក្ដី​ ប៉ុន្តែ​ Jimmy នៅ​តែ​ក្មេង​មិន​​ចាស់​សោះ។

ចំណែក​ Ashton Chen ដែល​ប្រិយមិត្ត​មួយ​ចំនួន​ហៅ​ថា​ Shi Xiaolong វិញ​មាន​អាយុ​ ៣០​ឆ្នាំ​គត់។ តារា​ប្រុស​រូបនេះ​មិន​ទាន់​មាន​គូគាប់​នឹង​គេ​ទេ ព្រោះ​សព្វថ្ងៃ​លោក​កំពុង​មមាញឹក​នឹង​ការងារ​សិល្បៈ៕

ប្រភព៖ sabay.com.kh