តុលាការរុស្ស៊ីបានប្រកាសគួរឱ្យភ្ញាក់ផ្អើលថា យុវជនរុស្ស៊ី ម្នាក់បានក្លាយជាជនស៊ីសាច់មនុស្ស និងបិសាចជញ្ជក់ឈាម បន្ទាប់ពីអានរឿងឃាតកម្មបែបសាសនាតាមអ៊ិនធឺណិតច្រើនពេក នេះបើយោងតាមគេហទំព័រម៉េលអនឡាញ ចុះផ្សាយកាលពីថ្ងៃទី២០ ខែកក្កដា។
ស្ត្រីរងគ្រោះឈ្មោះ អូលហ្គា ប៊ូឌូណូវ៉ា (Olga Budunova) អាយុ ៤៥ ឆ្នាំត្រូវបានប្រុសស្នេហ៍ វ័យក្មេងឈ្មោះ ដ្មីទ្រី លូជីន (Dmitry Luchin) វ័យ ២១ ឆ្នាំសម្លាប់យ៉ាងឃោរឃៅ ដោយយកដប ស្រាកំបែកចាក់ក្បាល ២៥ដង មុនពេលយកកាំបិតបុ័ងតោកាប់ចិញ្ច្រាំសាកសពនៅផ្ទះ របស់ជន រងគ្រោះ នៅតំបន់ប្រជុំជនវ៉ាល់ដៃ (Valdai) ប្រទេសរុស្ស៊ី។
បន្ទាប់មក ជនល្មើសបានខ្វេះយកខួរក្បាលរបស់ជនរងគ្រោះទៅបំពងស៊ី និងថែមទាំងផឹកឈាម របស់ជនរងគ្រោះទៀតផង។ តុលាការបញ្ជាក់ថា ឃាតករដែលជាអតីតទាហានរូបនេះគ្មានជំងឺ សរសៃប្រសាទទេ ហើយអាចយកទៅកាត់ទោសបាន។
ឃាតកម្មដ៏សាហាវនេះ បានកើតឡើងនៅផ្ទះរបស់ជនរងគ្រោះនៅថ្ងៃសិទ្ធិនារីអន្តរជាតិ ដែលជា ថ្ងៃបុណ្យជាតិដ៏ធំមួយនៅប្រទេសរុស្ស៊ី ខណៈពេលពួកគេទាំងពីរផឹកស៊ីសាសងស្នេហាផ្អែមល្ហែម។
ក្រោយពេលត្រូវឃាត់ខ្លួន ជនល្មើសសារភាពប្រាប់ប៉ូលិសថា “ខ្ញុំចូលចិត្តរសជាតិខួរក្បាលរបស់ នាង។ បន្ទាប់មក ខ្ញុំក៏ផឹកឈាមរបស់នាង”។
សូមបញ្ជាក់ថា ជននេះប្រឈមទោសជាប់ពន្ធនាគារ មួយជីវិត ប្រសិនបើតុលាការរកឃើញដូចការ ចោទប្រកាន់ខាងលើមែន៕
ប្រភព៖ rasmeinews.com