Join with Health.com.kh on Telegram

ជំងឺគ្រួសក្នុងតម្រងនោម ពេលខ្លះអាចបង្កជាការឈឺចាប់ដែរនៅពេលវាកំពុងតែព្យាយាមចេញពីផ្លូវទឹកម៉ូត្រ។ គ្រួសក្នុងតម្រងនោមត្រូវបានគេហៅថា Nephrolithiasis ហើយក៏កើតឡើងជាញឹកញាប់ផងដែរ។ វាគឺជាការកកកុញជាតិរ៉ែ អំបិលរហូតដល់រឹងក្លាយទៅជាគ្រួសតែម្តង។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) អាការៈញឹកញាប់បំផុតរបស់ជំងឺនេះមានដូចជា ឈឺចាប់ខ្លាំងក្លាជាមួយគ្នានឹងការចង្អោ។ ភាគច្រើនគ្រួសក្នុងតម្រងនោមអាចធ្លាក់មកតាមរយៈការប្រើថ្នាំ ញ៉ាំទឹក ។ល។ ខណៈពេលដែលពពួកគ្រួសធំៗអាចនឹងត្រូវការវះកាត់។ ទោះបីជាគ្រួសក្នុងតម្រងនោមមិនបង្កជាការខូចខាតជាប់រហូត តែយកល្អគួរតែចៀសវាង និងបង្ការកុំឲ្យវាកើតឡើងតាមរបៀបដូចខាងក្រោមនេះ៖

ញ៉ាំទឹកឲ្យគ្រប់គ្រាន់

ការញ៉ាំទឹកគឺជារឿងសំខាន់បំផុតសម្រាប់មុខងាររាងកាយជាច្រើន ហើយក៏ដើរតួនាទីសំខាន់ក្នុងការជំរុញដល់មុខងារដ៏មានប្រសិទ្ធភាពរបស់តម្រងនោមដែរ។ ការញ៉ាំទឹកនឹងជួយបញ្ចេញចោលកាកសំណល់ទាំងអស់ពីរាងកាយរួមទាំង ជាតិរ៉ែ និងអំបិលសម្រាប់បង្កើតជាគ្រួសក្នុងតម្រងនោមដែរ។ ក្រៅពីទឹក ការញ៉ាំទឹកក្រូចឆ្មា និងទឹកក្រូចធម្មតា ដែលផ្ទុកទៅដោយសារធាតុ Citrate អាចមានផលល្អសម្រាប់ការបង្ការគ្រួសក្នុងតម្រងនោម។ 

បន្ថយការញ៉ាំប្រៃឬសូដ្យូម

ការញ៉ាំប្រៃច្រើនពេកមិនគ្រាន់តែមិនផ្តល់សុខភាពដល់បេះដូងទេ តែក៏មានផលប៉ះពាល់ដល់តម្រងនោមរហូតដល់កើតគ្រួសក្នុងតម្រងនោមបានដែរ។ យោងទៅតាម Urology Care Foundation បានឲ្យដឹងថា ៨០ភាគរយនៃគ្រួសក្នុងតម្រងនោមត្រូវបានបង្កើតឡើងដោយជាតិកាលស្យូម។ ការញ៉ាំសូដ្យូមច្រើនពេកអាចទប់ស្កាត់កាតបឺតស្រូបឡើងវិញនៃជាតិកាលស្យូមពីក្នុងទឹកនោម ចូលទៅក្នុងឈាម ដូច្នេះវាអាចធ្វើឲ្យកើតជាគ្រួសក្នុងតម្រងនោមបាន។

ការបង្កើនការញ៉ាំជាតិកាលស្យូម

មនុស្សភាគច្រើនគិតថា ចាប់តាំងពីគ្រួសក្នុងតម្រងនោមគឺជាប្រភេទជំងឺគ្រួសក្នុងតម្រងនោមកើតឡើងញឹកញ៉ាប់បំផុតមក វាក៏អាចកាត់បន្ថយបានតាមរយៈរបបអាហារដែរ។ ប៉ុន្តែវាគឺជារឿងផ្ទុយគ្នាទៅវិញទេ។ ការបញ្ចូលអាហារសម្បូរជាតិកាលស្យូមក្នុងរបបអាហារវិញ អាចបន្ថយការកើតគ្រួសក្នុងតម្រងនោម ប៉ុន្តែថ្នាំបំប៉នជាតិកាលស្យូមបង្កើនការប្រឈមមុខវិញ។ អាហារសម្បូរជាតិកាលស្យូមអាចបន្ថយការកើតគ្រួសផង និងជំងឺពុកឆ្អឹងផង។ 

កាត់បន្ថយការញ៉ាំប្រូតេអ៊ីនសត្វ

គ្រួសដោយសារតែអាស៊ីតអ៊ុយរិកមិនសូវជាកើតឡើងច្រើនដូចគ្រួសដោយសារកាលស្យូមទេ។ អាហារសម្បូរទៅដោយប្រូតេអ៊ីនសត្វអាចបង្កើនចំនួនអាស៊ីតក្នុងទឹកនោមបាន។ រឿងនេះអាចនឹងធ្វើឲ្យអាស៊ីតអ៊ុយរិក និងកាលស្យូមអុកសាឡាតកកកុញទៅជាគ្រួសក្នុងតម្រងនោមបាន។ (អាន:ថ្នាំងងុយគេង ពេលអ្នកគួរប្រើ)ចូរចៀសវាងការញ៉ាំអាហារជាច្រើនដូចជា សាច់គោ សាច់បក្សី ត្រី សាច់ជ្រូក ។ល។ ដើម្បីបង្ការកុំឲ្យកើតគ្រួសក្នុងតម្រងនោមបាន៕