Join with Health.com.kh on Telegram

តាមការស្រាវជ្រាវថ្មីបានឲ្យដឹងថា របបអាហារប្រហែលជាដើរតួនាទីដ៏សំខាន់ចំពោះសុខភាពស្បែក ជាពិសេសនៅពេលនិយាយដល់ការកើតមុនតែម្តង។ តាមពិតទៅ ការសិក្សាបានបង្ហាញថា ជីវជាតិជាច្រើន និងរបៀបរបបនៃការញ៉ាំអាហារប្រហែលជាហេតុនាំឲ្យកើតមុនបាន។ ការញ៉ាំទឹកគឺជារឿងសំខាន់មួយដែលអាចជួយបង្ការកើតមុនតាមរយៈការជំរុញដល់ការផ្គត់ផ្គង់ទឹកគ្រប់គ្រាន់ដល់ស្បែក។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ស្បែកដែលស្ងួតអាចធ្វើឲ្យក្រពេញញើសផលិតជាតិប្រេងលើស្បែកកាន់តែច្រើន ហើយក៏ធ្វើឲ្យកើតមុនបានដែរ។ តាមការសិក្សាបានរកឃើញថា ការបង្កើនការញ៉ាំទឹកប្រហែលជាអាចជួយថែរក្សាស្បែកឲ្យទន់ និងរលោងនៅពេលប្រើវាផ្សំគ្នាជាមួយនឹងក្រែមផ្តល់សំណើម និងផលិតផលថែរក្សាស្បែកផ្សេងៗទៀត។ 

ការសិក្សាទៅលើមនុស្ស និងសត្វបានបង្ហាញថា ការបង្គ្រប់ជាតិទឹកក្នុងខ្លួនគ្រប់គ្រាន់ក៏អាចមានឥទ្ធិពលទៅលើមុខងារប្រព័ន្ធភាពស៊ាំដែរ។ ការគាំទ្រដល់ប្រព័ន្ធភាពស៊ាំប្រកបដោយសុខភាពល្អអាចជួយការពារាងកាយពីការបង្ករោគ ដែលអាចជួយបង្ការកុំឲ្យកើតមុនបាន។ ជាពិសេស Cutibacterium Acne (C. Acnes) គឺជាប្រភេទបាក់តេរីមួយដែលចូលរួមក្នុងការបង្កើតជាជំងឺមុនបាន។ ការសិក្សាបានបង្ហាញថា វាក៏ប្រហែលជាដើរតួនាទីដ៏សំខាន់មួយចំពោះសុខភាពនៃស្បែក ជាពិសេសបាក់តេរីនៅលើស្បែកដែលជួយថែរក្សាសុខភាពស្បែកតែម្តង។ 

ការសិក្សាជាច្រើនត្រូវតែបញ្ជាក់ផងថា តើការញ៉ាំទឹកច្រើនអាចជួយការពារបាក់តេរី C. Acnes ជាពិសេសដែរឬអត់ ប៉ុន្តែអំណះអំណាងបញ្ជាក់ថា វាអាចគាំទ្រដល់សមត្ថភាពរបស់រាងកាយក្នុងការប្រឆាំងនឹងការបង្ករោគលើសុខភាពទ្រទ្រង់របស់ស្បែក។ 

ថ្វីបើមានការកើនឡើងនៃរបបអាហារ និងថ្នាំបំប៉នច្រោះជាតិពុលក៏ដោយ ក៏តរាងកាយនៅតែមានប្រសិទ្ធភាពខ្ពស់ក្នុងការច្រោះជាតិពុលដោយខ្លួនឯងដែរ។ តាមពិតទៅ តម្រងនោម ថ្លើម សួត ផ្លូវរំលាយអាហារ និងស្បែកមានការចូលរួមក្នុងាករបញ្ចេញកាក់សំណល់ និងជាតិពុលពីក្នុងរាងកាយដែរ។ ទឹកក៏សំខាន់សម្រាប់ការច្រោះជាតិពុលយ៉ាងត្រឹមត្រូវ ព្រោះថាវានឹងជួយដឹកនាំជីវជាតិក្នុងរាងកាយ ច្រោះជាតិពុល និងថែរក្សាថ្លើម និងតម្រងនោមឲ្យធ្វើការកាន់តែមានប្រសិទ្ធភាព។ 

លើសពីនេះទៅទៀត ទឹកត្រូវបានបញ្ចេញចោលពីស្បែកជាលក្ខណៈញើស ដែលអាចជួយច្រោះជាតិពុល និងជាតិលោហៈធ្ងន់ពីរាងកាយតាមបែបធម្មជាតិ។ (អាន:ថ្នាំងងុយគេង ពេលអ្នកគួរប្រើ)ថ្វីបើការសិក្សាអំពីរឿងនេះមានដែនកំណត់ តែវាអាចជួយបង្ការកុំឲ្យរន្ធញើសស្ទះ រហូតដល់កើតមុនបានដែរ៕