​វីដេអូ​កាមេរ៉ា​សុវត្ថិភាព​ដែល​ទើប​បញ្ចេញ​នាពេល​ថ្មីៗ​នេះ​បានបង្ហាញ អ្នកបម្រើ​ម្នាក់​ក្នុង​រដ្ឋ​ច​ច​ចា​នៃ​សហរដ្ឋអាមេរិក​បាន​វាយបក​ប្រឆាំងនឹង​ការយាយី​ផ្លូវភេទ​ពី​សំណាក់​អតិថិជន​ម្នាក់ ដោយ​ចាប់​ក្របួច​ក​បោក​ឱ្យ​ដួល​ផ្ងារ​ក្រោយ​ខ្ទប់​ជញ្ជាំង បន្ទាប់ពី​គាត់​បាន​ស្ទាប​គូទ​របស់​នាង​នៅតាម​ផ្លូវ​ចេញពី​ភោជនីយដ្ឋាន​វិញ​។​

​នាង អេ​មី​លៀ ហូល​ដិ​ន អាយុ ២១ ឆ្នាំ​បាន​កំពុង​រៀបចំ​បញ្ជី​មុខម្ហូប​នៅ​ភោជនីយដ្ឋាន Vinnie Van Go-Go’s ក្នុង​ទីក្រុង​ឆ្នេរសមុទ្រ សាវ៉ា​ន់​ណា (Savannah) កាលពី​ថ្ងៃទី ៣០ ខែមិថុនា នៅពេល​នាង​ដឹងខ្លួន​ថា ត្រូវតែ​ការពារ​សេចក្តីថ្លៃថ្នូ​ររ​បស់​នាង​។​

​លោក​រ៉ា​យ​អ៊ែន ឆឺ​វីន​ស្គី អាយុ ៣១ ឆ្នាំ​មកពី​ទីក្រុង​ផាម​បេ រដ្ឋ​ផ្លរីដា បាន​កំពុង​ដើរ​ចេញពី​ភោជនីយដ្ឋាន​នៅ​ម៉ោង​ប្រហែល ១១ យប់ ហើយ​បាន​ដើរ​នៅ​ពីក្រោយ​នាង​ហូល​ដិ​ន ដែល​ឈរ​នៅក្បែរ​តុ​មួយ​។ កាសែត Savannah Now បាន​រាយការណ៍​ថា នៅពេលដែល​គាត់​ដើរមក​កៀក គាត់​ក៏​លូកដៃ​ស្ទាប​គូទ​នាង​តែម្តង​។​

​អ្វីដែល​បានកើត​ឡើង​បន្ទាប់ គឺ ការចាប់​បោក​ពី​សំណាក់​អ្នកបម្រើ​ស្រី​នោះ​យ៉ាង​អស្ចារ្យ​។​

​នាង​ហូល​ដិ​ន​និយាយថា “​ខ្ញុំ​ទើបតែ​បានធ្វើ​អ្វីដែល​ខ្ញុំ​មាន​អារម្មណ៍​ថា​ត្រឹមត្រូវ​បំផុត​។ ខ្ញុំ​បាន​ចាប់​បោក​បុរស​ម្នាក់​នោះ ហើយ​បានឱ្យ​អ្នក​រួមការ​ងារ​របស់​ខ្ញុំ​ទូរស័ព្ទ​ហៅ​ប៉ូលិស​”៕

ប្រភព៖ rasmeinews.com