កាលពីឆ្នាំ ២០១៥ ប្រជាជនអាមេរិកចំណាយលុយខ្ទង់ ១១ពាន់លានដូល្លាដើម្បីធ្វើឲ្យធ្មេញស ហើយក្នុងនោះក៏មាន ១.៤ពាន់លានដូល្លាដែរលើការប្រើប្រាស់ផលិតធ្វើឲ្យធ្មេញសនៅតាមផ្ទះ។ មានផលិតផលច្រើនណាស់ដែលអ្នកអាចប្រើប្រាស់បានដើម្បីជួយឲ្យធ្មេញស។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ប៉ុន្តែផលិតផលធ្វើឲ្យធ្មេញសភាគច្រើនគឺប្រើប្រាស់សារធាតុគីមីដើម្បីផ្តល់ភាពសដល់ធ្មេញ តែវាជារឿងគួរឲ្យព្រួយបារម្ភសម្រាប់មនុស្សភាគច្រើន។ បើសិនជាអ្នកចង់ឲ្យធ្មេញស តែមិនចង់ប្រើសារធាតុគីមីទេ អ្នកកំពុងតែអានអត្ថបទត្រូវហើយ។
មានកត្តាច្រើនណាស់ដែលធ្វើឲ្យធ្មេញទៅជាលឿង និងបាត់បង់ភាពសស្អាតបាន។ អាហារមួយចំនួនអាចបង្កកំណកនៅលើធ្មេញដែលនាំឲ្យស្រទាប់ខាងក្រៅបំផុតរបស់ធ្មេញប្រែទៅជាលឿងបាន។ ខាងក្រោមនេះខ្ញុំនឹងបង្ហាញអំពីវិធីសាស្រ្តសាមញ្ញៗដែលអ្នកអាចអនុវត្តនៅផ្ទះដោយខ្លួនឯងដើម្បីធ្មេញសស្អាតតាមបែបធម្មជាតិ៖
ដុសធ្មេញជាមួយម្សៅដុតនំ
ម្សៅដុតនំមានសមត្ថភាពជួយឲ្យសបែបធម្មជាតិ ហេតុដូច្នេះហើយទើបវាគឺជាគ្រឿងផ្សំដ៏ពេញនិយមមួយសម្រាប់ប្រើក្នុងផលិតផលថ្នាំដុសធ្មេញ។ វាមានសមត្ថភាពសម្អាតិតិចតួចដែលអាចជួយកំចាត់ចោលកំណកជាប់លើធ្មេញបាន។ លើសពីនេះទៅទៀត ម្សៅដុតនំបង្កើតបានជាមជ្ឈដ្ឋានអាលកាឡាំងក្នុងមាត់ ដែលអាចបង្ការបាក់តេរីកុំឲ្យលូតលាស់បាន។ រឿងនេះមិនគ្រាន់តែជាវិធីសាស្រ្តព្យាបាលដែលអាចជួយឲ្យធ្មេញសក្នុងពេលតែមួយយប់ទេ តែអ្នកគួរតែសម្គាល់ឃើញភាពខុសគ្នាចំពោះរូបរាងរបស់ធ្មេញគ្រប់ពេលដែរ។ ការសិក្សាមួយបានរកឃើញថា ថ្នាំដុសធ្មេញដែលផ្ទុកទៅដោយម្សៅដុតនំគឺមានសមត្ថភាពកំចាត់កំណកពណ៌លឿងលើធ្មេញជាងថ្នាំដុសធ្មេញធម្មតាដែលគ្មានម្សៅដុតនំ។ ដើម្បីបង្កើតវិធីព្យាបាលនេះ ចូរលាយម្សៅដុតនំមួយស្លាបព្រាកាហ្វេជាមួយនឹងទឹក២ស្លាបព្រាកាហ្វេ និងប្រើវាជាថ្នាំដុសធ្មេញ។ ចូរធ្វើបែបនេះពីរបីដងក្នុងមួយសប្តាហ៍។
ទឹកខ្មេះផ្លែប៉ោម
ទឹកខ្មេះផ្លែប៉ោមត្រូវបានគេប្រើប្រាស់ជាសារធាតុសម្លាប់មេរោគ និងលាងសម្អាតបែបធម្មជាតិអស់រយៈពេលច្រើនសតវត្សរ៍ទៅហើយ។ ជាតិ Acetic Acid ដែលជាធាតុផ្សំដ៏សំខាន់ និងសកម្មក្នុងទឹកខ្មេះផ្លែប៉ោមគឺអាចសម្លាប់បាក់តេរីបាន។ ក្រៅពីនេះវាក៏មានប្រយោជន៍ក្នុងការសម្អាតមាត់ និងធ្វើឲ្យធ្មេញសបានដែរ។ ការសិក្សាមួយទៅលើធ្មេញគោបានរកឃើញថា ទឹកខ្មេះផ្លែប៉ោមអាចធ្វើឲ្យធ្មេញគោសបាន។ ប៉ុន្តែវាក៏ត្រូវបានកេរកឃើញថា ធ្វើឲ្យធ្មេញទន់បានដែរ។ សារធាតុ Acetic Acid ក្នុងទឹកខ្មេះអាចធ្វើឲ្យស្រទាបការពារធ្មេញដាច់ដោចបាន។ ហេតុដូច្នេះហើយ អ្នកមិនគួរប្រើប្រាស់ទឹកខ្មេះផ្លែប៉ោមនេះរាល់ថ្ងៃឡើយ។ ដើម្បីប្រើប្រាស់ទឹកខ្មេះនេះជាទឹកខ្ពុរមាត់ ចូរលាយវាជាមួយទឹក ហើយចាំយកមកខ្ពុរក្នុងមាត់ច្រើននាទី។
ញ៉ាំបន្លែ និងផ្លែឈើ
របបអាហារសម្បូរទៅដោយផ្លែឈើ និងបន្លែប្រហែលជាល្អទាំងរាងកាយ និងធ្មេញ។ ខណៈពេលដែលវាមិនទាន់អាចជំនួសការដុសសម្អាតធ្មេញបាននោះ បន្លែ និងផ្លែឈើឆៅអាចជួយដុសសម្អាតកំណកចេញពីធ្មេញបាននៅពេលអ្នកទំពារញ៉ាំ។ ក្នុងនោះដែរ ស្ត្របឺរី និងម្នាស់គឺជាផ្លែឈើពីរប្រភេទដែលត្រូវបានគេរកឃើញថា ជួយធ្វើឲ្យធ្មេញសស្អាត។ ដើម្បីធ្វើឲ្យធ្មេញស ចូរលាយស្ត្របឺរីជាមយយនឹងម្សៅដុតនំដើម្បីក្លាយជាល្បាយតែមួយ។ ហើយយកវាទៅដុសសម្អាតធ្មេញ។ សារធាតុ Malic Acid ដែលមានក្នុងស្ត្របឺរីនឹងជួយសម្អាតចោលនូវធ្មេញដែលជាប់កំណក និងលឿងៗចេញ។ ការសិក្សាមួយបានរកឃើញថា ថ្នាំដុសធ្មេញដែលផ្ទុកទៅដោយសារធាតុ Bromelain ដែលជាអង់ហ្ស៊ីមួយក្នុងផ្លែម្នាស់ មានប្រសិទ្ធភាពកំចាត់ចោលកំណកជាប់ធ្មេញបានល្អជាងថ្នាំដុសធ្មេញធម្មតា។ (អាន:ថ្នាំងងុយគេង ពេលអ្នកគួរប្រើ)ប៉ុន្តែវាមិនទាន់មានអំណះអំណាងណាមួយថា ការញ៉ាំផ្លែម្នាស់នឹងមានប្រសិទ្ធភាពដូចគ្នាឡើយ៕