ដើម្បីសម្រកទម្ងន់ ឬរក្សាទម្ងន់ឲ្យមានសុខភាពល្អ អ្នកត្រូវតែញ៉ាំអាហារឲ្យបានគ្រប់គ្រាន់ និងហាត់ប្រាណជាទៀងទាត់។ ប៉ុន្តែមនុស្សភាគច្រើន គឺពិបាកនឹងរកពេលវេលាដើម្បីធ្វើរឿងនេះណាស់។ យ៉ាងណាមិញ អ្នកវិទ្យាសាស្រ្តបានរកឃើញប្រូតេអ៊ីនម៉្យាងដែលអាចផ្តល់ជាប្រយោជន៍នៃការហាត់ប្រាណទោះបីជាមិនបានទៅក្លិបហាត់ប្រាណក៏ដោយ ជាពិសេសសម្រាប់អ្នកដែលរវល់នឹងការងារច្រើនតែម្តង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ការស្រាវជ្រាវបានធ្វើទៅលើសត្វរុយ និងកណ្តុរបានបង្ហាញថា សត្វទាំងនេះត្រូវបានឲ្យស៊ីប្រូតេអ៊ីនមួយឈ្មោះថា Sestrin ដែលអាចបង្កើនទំហំសាច់ដុំ រំលាយខ្លាញ់កាន់តែច្រើន និងកាន់តែមានភាពសមសួរនដោយមិនចាំបាច់ឲ្យហាត់ប្រាណឡើយ។ អ្នកស្រាវជ្រាវជឿថា ការរកឃើញនេះអាចជួយបំបាត់បញ្ហាខូចសាច់ដុំដោយសារតែភាពចាស់ និងមូលហេតុផ្សេងៗទឿតបាន។
កាលពីមុនអ្នកស្រាវជ្រាវបានតាមដានថា ប្រូតេអ៊ីន Sestrin មានការកកុញក្នុងសាច់ដុំក្រោយពីហាត់ប្រាណរួច។ អ្នកស្រាវជ្រាវបានណែនាំថា ប្រូតេអ៊ីនេះត្រូវបានបង្កើតឡើងក្នុងខ្លួនមនុស្ស តាមរយៈបង្ខំរាងកាយឲ្យផលិតវាឡើងដើម្បីជួយឲ្យរាងកាយកាន់តែមានភាពសមសួនដោយមិនបាច់ហាត់ប្រាណអ្វីទាំងអស់។ ការហាត់ប្រាណទៀងទាត់គឺមានប្រយោជន៍ខ្លាំងចំពោះសុខភាព ហើយយើងក៏មិនគួរណាមើលងាយការហាត់ប្រាណដែរ។ វាអាចជួយអ្នកសម្រកទម្ងន់ បន្ថយការប្រឈមនឹងជំងឺបេះដូង និងទឹកនោមផ្អែមប្រភេទទី២ និងពង្រឹងដល់សុខភាពទូទៅទាំងអស់ផង។ អាហារសម្បូរប្រូទេអ៊ីនដែលគួរញ៉ាំដើម្បីជំរុញដល់ការសម្រកទម្ងន់នោះមានដូចជា៖
សណ្តែក
សណ្តែកអាចជាអាហារដ៏ឆ្លាតវៃមួយប្រភេទដែលអ្នកគួរតែបញ្ចូលក្នុងរបបអាហារដើម្បីសម្រកទំ្ងន់។ សណ្តែកនេះអាចមានដូចជា សណ្តែកខ្មៅ សណ្តែកសៀង និងសណ្តែកផ្សេងទៀត គឺផ្ទុកទៅដោយជាតិសរសៃ និងប្រូតេអ៊ីនយ៉ាងគួរឲ្យកត់សម្គាល់ ដែលជីវជាតិទាំងពីរនេះត្រូវបានគេបង្ហាញថា ជំរុញដល់សុវត្ថិភាព និងជំនួយដល់ការសម្រកទម្ងន់។
ផ្កាខាត់ណា
បន្លែប្រភេទក្តោបៗនេះជាធម្មតាគឺមានជាតិសរសៃ ប្រូតេអ៊ីន វីតាមីន B កំផ្លេច និងជីវជាតិសំខាន់ៗផ្សេងទៀត អាចជំរុញដល់ការសម្រកទម្ងន់ បង្កើនការរំលាយអាហារ និងពង្រឹងដល់សុខភាព។ វាក៏សម្បូរទៅដោយអង់ទីអុកស៊ីដង់ និងសារធាតុ Phytonutrients ដែលអាចជួយការពារពីជំងឺមហារីកបាន។ វាត្រូវបានគេនិយាយទៀតថា ផ្កាខាត់ណាហាន់ជានំតូចៗមួយកូនចានចង្កឹះអាចផ្តល់ជាប្រូតេអ៊ីន ២ក្រាម និង ២៧កាឡូរី។
ស៊ុត
ស៊ុតផ្ទុកទៅដោយប្រូតេអ៊ីន និងខ្លាញ់ផ្តល់សុខភាព ហើយក៏ជាជីវជាតិដ៏ល្អសម្រាប់របបអាហារអ្នកផងដែរ។ ការសិក្សាបានឲ្យដឹងថា ការញ៉ាំស៊ុតអាចជួយឲ្យមានអារម្មណ៍ឆាប់ឆ្អែត និងចៀសផុតពីការញ៉ាំអាហារច្រើនជ្រុលនៅពេលក្រោយបាន។(អាន:ថ្នាំងងុយគេង ពេលអ្នកគួរប្រើ) អ្នកក៏អាចទទួលបានប្រូតេអ៊ីនពីអាហារមួយនេះដើម្បីបង្កើតសាច់ដុំ ឬជំនួយដល់ការសម្រកទម្ងន់បានដែរ៕