ខាងក្រោមនេះ យើងខ្ញុំនឹងបង្ហាញអ្នកពីផលវិបាកដែលអ្នកអាចទទួលបានក្រោយពេលដែលមិនពិសារអាហារពេលល្ងាចក្នុងពេលយូរ។ តើមានអ្វីខ្លះទៅ? (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
- នៅពេលដែលអ្នកមិនបរិភោគអាហារពេលល្ងាចក្នុងរយៈពេលយូរ នោះក្រពះ និងពោះវៀនអ្នកតែងបញ្ចេញអាស៊ីត ដោយចាប់ផ្តើមកំទេចក្រពះរបស់អ្នក។ ដូចនេះ យូរទៅ អ្នកនឹងអាចកើតជំងឺក្រពះជាមិនខានឡើយ។
- ក្រៅពីធ្វើឲ្យក្រពះអ្នកខូច ក៏អាចធ្វើឲ្យតម្រង់នោមអ្នកខូចដែរ ដោយអាចកើតគ្រួសក្នុងតម្រង់នោមបាន។ ដូចនេះ មិនថាអ្នករវល់យ៉ាងណា ឬអ្នកចង់ស្គមយ៉ាងណា អ្នកក៏មិនគួរមិនញ៉ាំអាហារពេលល្ងាចដែរ ព្រោះវាអាចប៉ះពាល់ធ្ងន់ដល់រាងកាយរបស់អ្នកបាន។
- ឆ្លងតាមការនឿយហត់ពេញមួយថ្ងៃ ហើយអ្នកមិនបរិភោគអាហារពេលល្ងាចទៀត នឹងធ្វើឲ្យអ្នកមានអារម្មណ៍ថាឃ្លានខ្លាំង ថែមទាំងធ្វើឲ្យខួរក្បាលអ្នកនៅមិនស្ងប់ឡើយ។ ជាហេតុដែលធ្វើឲ្យអ្នកពិបាកក្នុងការគេងលក់ខ្លាំងណាស់។
- នៅពេលអ្នកមិនពិសារអាហារពេលល្ងាចក្នុងរយៈពេលយូរ អ្នកនឹងមិនមានកម្លាំង និងស្មារតីក្នុងការបំពេញការងារឡើយ ដោយធ្វើឲ្យលទ្ធផលការងារអ្នកអាចធ្លាក់ចុះជាលំដាប់។ ដូចនេះ អ្នកគួរតែបរិភោគអាហារពេលល្ងាចឲ្យបានទៀងទាត់ ទើបមិនប៉ះពាល់ដល់សុខភាព និងការងាររបស់អ្នក។
- ចុងក្រោយ ខួរក្បាលរបស់អ្នកនឹងចុះខ្សោយ ដោយធ្វើឲ្យអ្នកមិនមានខួរក្បាលដែលឆ្លាតដូចពីមុននោះឡើយ ព្រោះខួរក្បាលរបស់អ្នកមិនមានសារធាតុចិញ្ចឹមគ្រប់គ្រាន់ដើម្បីទ្រទ្រង់ឡើយ។ ជាហេតុដែលធ្វើឲ្យអ្នកគិតអ្វីមិនចេញនោះទេ៕ (អាន:ថ្នាំងងុយគេង ពេលអ្នកគួរប្រើ)