ការចុះទាបនៃកោសិកាគ្រាប់ឈាម Lymphocyte ឬហៅថា Lymphopenia អាចជារឿងប្រកាសអាសន្នលឿនមួយសម្រាប់ជំងឺនាពេលអនាគត ព្រោះថាចំនួនដ៏តិចមួយនេះមានជាប់ទាក់ទងការប្រឈមខ្ពស់នឹងការស្លាប់ដោយសារតែមូលហេតុគ្រប់យ៉ាងរហូតដល់ ៦០ភាគរយឯណោះ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

Lymphopenia ច្រើនតែត្រូវបានគេរកឃើញក្នុងការធ្វើតេស្តឈាមជាទម្លាប់មួយ ហើយអ្នកជំងឺច្រើនតែមិនចង់ស្រាវជ្រាវអ្វីច្រើនឡើយដោយសារតែការចុះទាបនេះមិនដឹងថាជាអ្វីឲ្យប្រាកដ។ ការសិក្សាបានបង្ហាញថា អ្នកចូលរួមសិក្សាទាំងអស់ដែលមានបញ្ហា Lymphopenia គឺប្រឈមខ្ពស់នឹងការស្លាប់ដោយសារមូលហេតុគ្រប់យ៉ាង ដោយមិនខ្វល់ថាមានកត្តាប្រឈមមុខអ្វីផ្សេងឬអត់ឡើយរួមទាំងអាយុផងដែរ។ 

ការសិក្សានេះត្រូវបានចុះផ្សាយក្នុងសារព័ត៌មាន Canadian Medical Association Journal (CMAJ) ដែលអ្នកស្រាវជ្រាវបានធ្វើទៅលើជនជាតិ Danish ១០៨១៣៥នាក់ អាយុចាប់ពី ២០ ទៅ ១០០ឆ្នាំ ដែលសិក្សាចាប់ពីឆ្នាំ ២០០៣ ដល់ ២០១៥។ ក្នុងករណីដែឡរកឃើញថាចំនួន Lymphocyte ចុះទាបមានជាប់ទាក់ទងនឹងការប្រឈមការស្លាប់ដោយមូលហេតុគ្រប់យ៉ាង ១.៦ដង និង ១.៥ ទៅ២.៨ដង ដោយសារតែជំងឺមហារីក ជំងឺបេះដូងសរសៃឈាម ជំងឺផ្លូវដង្ហើម ការបង្ករោគ និងមូលហេតុផ្សេងៗទៀត។ 

ក្នុងពេលសិក្សា មនុស្សមនុស្សស្លាប់សរុបប្រមាណ ១០៣៧២នាក់។ មនុស្សអាយុកាន់តែច្រើនគឺជាប់ទាក់ទងនឹងការថយចុះចំនួន Lymphocyte កាន់តែខ្ពស់។(អាន:ថ្នាំងងុយគេង ពេលអ្នកគួរប្រើ) Lymphopenia ក៏អាចបញ្ជាក់អំពីភាពខ្សោយនៃរាងកាយដែលនាំឲ្យកើតជំងឺនិងស្លាប់បានដែរ៕