ប្រសិនជាអ្នកគេងក្នុងបន្ទប់តែម្នាក់ឯង អ្នកអាចសាកល្បងគេងដោយមិនស្លៀកពាក់ក្នុងពេលយប់បាន ព្រោះវាអាចផ្តល់អត្ថប្រយោជន៍ជាច្រើនដល់អ្នក។ តើមានអ្វីខ្លះទៅ?

1.    នៅពេលដែលអ្នកគេងស្រាត នោះអ្នកនឹងមិនសូវប្រឈមមុខនឹងអាការៈឈឺពោះពេលមករដូវឡើយ។ ម្យ៉ាងទៀត ចំពោះនារីដែលមានដៃជើងត្រជាក់ខ្លាំង ហើយគេងមិនលក់ ក៏អាចព្យាបាលបានដែរ ដោយអ្នកងាយនឹងគេងលក់ណាស់។

2.    មានពេលខ្លះ មកពីខោអាវតឹងពេកធ្វើឲ្យអ្នកពិបាកនឹងគេងលក់ណាស់។ ដូចនេះ អ្នកអាចគេងដោយមិនចាំបាច់ស្លៀកពាក់បាន នោះរាងកាយអ្នកនឹងអាចមានភាពធូលស្រាល ដោយជួយអ្នកឲ្យងាយស្រួលគេងលក់ណាស់។

3.    ក្រោយពេលដែលអ្នកគេងបែបនេះ នោះអ្នកនឹងអាចស្រកទម្ងន់បាន ដោយធ្វើឲ្យឈាមអ្នកដើរស្រួលតែម្តង។

4.    ស្បែកអ្នកនឹងប្រែជាស្អាត ព្រោះស្បែកថ្មីងាយដុះឡើងមកប្តូរស្បែកចាស់ណាស់។ ដូចនេះ សម្រស់អ្នកនឹងមិនងាយធ្លាក់ចុះឡើយ ដោយអាចរក្សាសភាពស្អាតដូចស្បែកក្មេងអញ្ចឹង។

5.    ប្រសិនជាអ្នកតែងតែកើតមានអាការៈទល់លាមក ឈឺចង្កេះ រាក ឬឈឺក្បាល អ្នកអាចគេងបែបនេះបាន ព្រោះវាអាចជួយធ្វើឲ្យឈាមក្នុងរាងកាយអ្នកដើរស្រួល ដោយធ្វើឲ្យអាការៈទាំងនោះអាចធូលស្រាលបាន។

6.    ប្រសិនជាអ្នកតែងតែកើតមានចិត្តអន្ទះសារ មិនស្ងប់ អ្នកអាចជ្រើសរើសការគេងបែបនេះបាន នោះអ្នកនឹងមិនកើតមានអាការៈនេះឡើងទៀតទេ។ ដូចនេះ ក្រោយពេលដែលអ្នកប្រើវិធីគេងបែបនេះ នោះសុខភាព និងសម្ជស្សអ្នកនឹងល្អជាមិនខានឡើយ៕