មនុស្សភាគច្រើនតែងរំពឹងថា ធ្មេញទាល់របស់ពួកគេនឹងដុះមកនៅពេលវេលាណាមួយក្នុងជីវិតជាយុវវ័យ និងវ័យកណ្តាល។ ប៉ុន្តែខណៈពេលដែលមនុស្សភាគច្រើនមានធ្មេញទាល់មួយទៅបួនគ្រាប់ តែខ្លះទៀតបែរជាគ្មានទៅវិញ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ធ្មេញទាល់គឺជាប្រភេទធ្មេញថ្គាមក្រុមទីបីដែលស្ថិតនៅខាងក្រោយនៃមាត់។ ថ្វីបើវាកើតមានជាញឹកញាប់ក៏ដោយ តែវាក៏បង្កជាបញ្ហាច្រើនដែរ។ អ្នកអាចនឹងមានអាការៈឈឺចាប់នៅពេលធ្មេញទាល់ដុះទល់នឹងអញ្ចាញធ្មេញ។ ហើយថ្វីបើវាមិនមានចន្លោះគ្រប់គ្រាន់ក្នុងការដុះធ្មេញទាល់ក៏ដោយ តែវាអាចនឹងជាប់នៅក្រោមអញ្ចាញធ្មេញ។ ករណីបែបនេះអ្នកអាចនឹងត្រូវដកវាចេញ។
តាមរយៈការថតកាំរស្មីអ៊ិចនៅធ្មេញ អាចបញ្ជាក់ដឹងថា អ្នកមានក្រុមធ្មេញថ្គាមទីបីឬអត់។ មិនមែនឲ្យតែធ្មេញទាល់ដឹងថាធញវើឲ្យមានការភ្ញាក់ផ្អើលទាំងអស់ឡើយ ហើយអ្នកប្រហែលជាគិតថា វាអាចមានអ្វីខុសប្រក្រតីចំពោះសុខភាពមាត់ធ្មេញទៀតផង។ ប៉ុន្តែតាមពិតទៅ វាពិតជាមិនអីឡើយក្នុងការដែលមិនមានធ្មេញទាល់ទាំងនេះ។ វាត្រូវបានគេប៉ាន់ស្មានឃើញថា មនុស្សយើងមានពី ៥ ទៅ ៣៧ភាគរយដែលមិនមានធ្មេញទាល់ទាល់មួយ ឬច្រើននេះ។ ហើយក៏មិនដឹងហេតុផលរបស់វាដែរ។ ប៉ុន្តែរឿងនេះអាចទាក់ទងនឹងហ្សែន។
ធ្មេញទាល់អាចដុះមកក្នុងវ័យខុសៗគ្នា។ ជាធម្មតា អ្នកអាចរំពឹងថា ធ្មេញថ្គាមក្រុមទីបីនេះកើតឡើងនៅចន្លោះអាយុ ១៧ ទៅ ២១ឆ្នា។ ប៉ុន្តែអ្នកខ្លះអាចកើតលឿនជាងនេះ និងខ្លះទៀតយូរជាងនេះក៏មាន។
ពិតណាស់វាគ្មានក្បួនណាមួយដែលអ្នកត្រូវតែដកធ្មេញទាល់ចេញឡើយ ជាពិសេសបើសិនជាក្នុងមាត់មានចន្លោះសម្រាប់ធ្មេញនេះដុះហើយតាំងនៅ។ អ្នកខ្លះជ្រើសរើសការដកធ្មេញនេះចេញនៅពេលដែលវាមិនបង្កបញ្ហា ដើម្បីកុំឲ្យមានផលវិបាកនៅថ្ងៃក្រោយ។ បើសិនជាអ្នកពន្យាពេលដកធ្មេញទាល់នេះដោយសារតែមិនមានរោគសញ្ញា អ្នកប្រហែលជាអាចធ្វើការវះកាត់ដកវាចេញនៅថ្ងៃណាមួយបាន។ យ៉ាងណាមិញ ផលវិបាកញឹកញាប់បំផុតដែលទាក់ទងនឹងធ្មេញទាល់មានដូចជា៖
- ឈឺធ្មេញ
- ហើម និងឡើងក្រហមអញ្ចាញធ្មេញ
- រឹងថ្គាម
- មានការបង្ករោគនៅក្នុងមាត់
- ពុងធ្មេញ៕
ពេលដែលត្រូវជួបពេទ្យ
បើសិនជាអ្នកមានបញ្ហាឈឺធ្មេញ ឬឃើញដុះធ្មេញទាល ចូរទៅជួបពេទ្យធ្មេញដើម្បីពិនិត្យ។ ពេទ្យធ្មេញអាចនឹងថតកាំរស្មីអ៊ិចដើម្បីកំណត់ថាតើមានធ្មេញទាល់ប៉ុន្មានក្នុងមាត់។ នៅពេលអ្នកជួបបញ្ហាឈឺធ្មេញ ឬបញ្ហាណាផ្សេងទៀត គ្រូពេទ្យទំនងជាណែនាំឲ្យដកធ្មេញនេះចោល។ (អាន:ថ្នាំងងុយគេង ពេលអ្នកគួរប្រើ)រឿងនេះនឹងជួយបន្ថយការប្រឈមនឹងផលវិបាកដូចខាងក្រោមនេះ៖
- ការបង្ករោគ
- បាក់ឆ្អឹង
- ឈឺសរសៃប្រសាទ
- ពុកធ្មេញ
- រកិលធ្មេញ៕