អាហារពេលព្រឹកគឺជាអាហារដ៏សំខាន់បំផុតសម្រាប់ការរស់នៅប្រចាំថ្ងៃ។ វាមិនគ្រាន់តែសំខាន់ដោយសារតែយើងខានញ៉ាំអីពេញមួយយប់ទេ តែវាក៏ជួយឲ្យមានកម្លាំងសម្រាប់ចាប់ផ្តើមថ្ងៃថ្មីបន្តទៀតដែរ។ ប៉ុន្តែភាពមរមាញឹកប្រចាំថ្ងៃតែងតែអាចធ្វើឲ្យយើងមិនចង់ញ៉ាំអាហារពេលព្រឹក ឬជ្រើសរើសញ៉ាំអាហារណាដែលមិនផ្តល់សុខភាបពបាន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ខាងក្រោមនេះ ខ្ញុំសូមបង្ហាញអំពីគំនិតបង្កើតអាហារពេលប្រឹកដែលងាយ ហើយផ្តល់សុខភាពទៀតសម្រាប់ចាប់ផ្តើមថ្ងៃថ្មីបានភ្លាមៗ៖
ស៊ុត
ស៊ុតគឺជាជម្រើសអាហារពេលព្រឹកដ៏ពេញនិយមតាមពីយូរណាស់មកហើយដែលប្រជាជនទូទាំងពិភពលោកតែងជ្រើសរមកញ៉ាំ។ ដោយសារតែស៊ុតសម្បូរទៅដោយជីវជាតិ ដូច្នេះវាអាចបំពេញនូវការកង្វះជីវជាតិក្នុងរាងកាយបានយ៉ាងល្អ។ ការចម្អិនស៊ុតគឺជារឿងកាន់តែងាយស្រួលថែមទៀតដោយគ្រាន់តែចំណាយពេលតែប៉ុន្មាននាទីប៉ុណ្ណោះ។ អ្នកអាចធ្វើស៊ុតក្រឡុកញ៉ាំដោយខ្លួនឯង ឬស៊ុតស្ងោរ ដើម្បីបានជាអាហារពេលព្រឹកដែលផ្តល់សុខភាព។
បន្លែសាំងវិច
សាំងវិចដែលពោរពេញទដោយបន្លែសម្បូរជីវជាតិ និងជាតិសរៃអាចជាមធ្យោបាយដ៏អស្ចារ្យមួយដើម្បីចាប់ផ្តើមថ្ងៃថ្មីរបស់អ្នកបាន។ អ្នកអាចជ្រើសរើសបន្លែទៅតាមជម្រើសរបស់អ្នកបាន ប៉ុន្តែចូរប្រាកដថា វាត្រូវតែមានទឹកជ្រលួក និងនំបុ័ងមកជាមួយផង។(អាន:ថ្នាំងងុយគេង ពេលអ្នកគួរប្រើ) នំបុ័ងធ្វើពីស្រូវសាលីជាជម្រើសដ៏ល្អបំភុត។ ចូរព្យាយាមបង្កើតទឹកជ្រលួកដោយខ្លួនឯងទៀតផងទើបជារឿងល្អ៕
