នៅពេលដែលវេបសាយសុខភាពhealth.com.kh ត្រូវបានបង្កើតឡើងកាលពីឆ្នាំ២០១១ ក្រុមគ្រូពេទ្យ នៅក្នុងវេបសាយសុខភាពបានយល់ស្របគ្នាថាយើងត្រូវរួមគ្នាធ្វើអ្វីមួយដើម្បីចូលរួមចំណែកនៅក្នុងអប់រំប្រជាជនកម្ពុជាអោយមានការយល់ដឹងពីព័ត៌មានសុខភាព ពីព្រោះចំណេះដឹងនឹងអាចធ្វើអោយ ប្រជាជនកាន់តែយល់ដឹងអំពីការថែទាំសុខភាពរបស់ពួកគេ។

ដូច្នេះវេបសាយសុខភាពhealth.com.kh បានចាត់ទុកថាការផ្តល់ព័ត៌មានសុខភាពដែលត្រឹមត្រូវបំផុត គឺជាបេសកម្មស្នូលរបស់ខ្លួនដើម្បីចូលរួមចំណែកជាមួយរដ្ឋាភិបាល ក្រសួងសុខាភិបាល និង អ្នកពាក់ព័ន្ឋ ផ្សេងទៀតជួយផ្តល់ព័ត៌មានសុខភាពជូនប្រជាជនកម្ពុជា។

ប៉ុន្តែទោះបីជាយ៉ាងណាក្តី វេបសាយសុខភាព health.com.kh ក៏ទទួលស្គាល់ថាមានកិច្ចការជាច្រើន ទៀតដែលខ្លួនត្រូវខិតខំអស់ពីចិត្តដើម្បីចៀសវាងការយល់ច្រឡំលើកខ្លឹមសារនៃពាក្យបច្ចេកទេសវេជ្ជសាស្ត្រមួយចំនួន។

ការអប់រំប្រជាជនត្រូវបង្កើតសារមួយដ៏សាមញ្ញនិងងាយយល់ ពីព្រោះថាការប្រើប្រាស់ពាក្យ បច្ចេកទេស ខ្លាំងពេកនឹងធ្វើអោយប្រជាជនសាមញ្ញពិបាកនឹងយល់។ វាជាភារកិច្ចមួយ ដែលសារព័ត៌មាន ត្រូវធ្វើយ៉ាងណាអោយអត្ថបទមានភាពសាមញ្ញនិងងាយយល់។

នៅក្នុងដំណើរផ្លូវ ពេលខ្លះវាក៏អាចបង្កើតអោយមានជាកំហុសឆ្គងដោយអចេតនា។ វេបសាយសុខ ភាពមានភារកិច្ចនៅក្នុងការលើកកម្ពស់ខ្លឹមសារទាំងអស់ដើម្បីអោយត្រឹមត្រូវតាមវេជ្ជសាស្ត្រ។ វេបសាយhealth.com.kh ក៏មានសេចក្តីរីករាយនឹងទទួលយល់ការរិះគន់គ្រប់យ៉ាងនិង ការរួមចំណែក ពីក្រុមគ្រូពេទ្យទាំងអស់ដើម្បីជួយអោយបេសកកម្មនៃការផ្តល់ព័ត៌មានសុខភាពកាន់តែទទួលជោគជ័យនៅកម្ពុជា។

នៅពេលដែលប្រជាជនកាន់តែមានការយល់ដឹងអំពីជំងឺនានា អំពីរោគសញ្ញា វិធីបង្ការជំងឺ និងរបៀប របបរស់នៅប្រកបដោយសុខភាពនោះ ប្រជាជនកម្ពុជាកម្ពុជានឹងអាចកាត់បន្ថយ បានការកើតជំងឺ មួយចំនួនឬក៏អាចធ្វើអោយពួកគេរស់នៅប្រកបដោយសុខភាព។

វេបសាយសុខភាព health.com.kh សូមលើកទឹកចិត្តអោយមិត្តអ្នកអានទាំងអស់រួមចំណែក ជាមួយក្រុមនិពន្ឋរបស់យើងហើយផ្តល់ការរិះគន់ប្រកបដោយន័យស្ថាបនាដើម្បីធ្វើយ៉ាងណាអោយវេបសាយមួយនេះអាចរួមចំណែកជួយល់ការផ្តល់ចំណេះដឹងដ៏ត្រឹមត្រូវតាមវេជ្ជសាស្ត្រជូនប្រជាជនកម្ពុជាយើង។

ក្រុមនិពន្ឋសូមថ្លែងអំណរគុណដល់មិត្តអ្នកអានទាំងអស់ដែលផ្លល់ការគាំទ្រកន្លងមក៕