បន្ទប់ដែលកូនគេងគឺពិតជាសំខាន់ណាស់ ដូចនេះនៅពេលដែលអ្នករៀបចំ អ្នកត្រូវតែប្រយ័ត្នពីរបស់មួយចំនួនដែលអ្នកមិនគួរដាក់។ តើមានអ្វីខ្លះទៅ? (អាន:ថ្នាំងងុយគេង ពេលអ្នកគួរប្រើ)

  1. អ្នកមិនត្រូវយកគ្រែរបស់មនុស្សធំមកជំនួសគ្រែកូនក្មេងដាក់ឲ្យកូនគេងឡើយ ព្រោះវាអាចមានគ្រោះថ្នាក់ចំពោះកូនជាខ្លាំង។
  2. នៅពេលយប់ អ្នកត្រូវតែបិតវាំងនងក្នុងបន្ទប់កូនដើម្បីឲ្យគេអាចគេងលក់ស្រួល ហើយពេលព្រឹកត្រូវតែបើកឡើងវិញ ដើម្បីឲ្យពន្លឺព្រះអាទិត្យចាំងចូលទៅក្នុងបន្ទប់ និងខ្យល់អាកាសអាចចូលទៅបាន ទើបបន្ទប់កូន​មិនពោរពេញទៅដោយមេរោគជាច្រើនដែលអាចធ្វើឲ្យគេមានជំងឺផ្សេងៗយ៉ាងងាយបំផុត។
  3. ដើម្បីការពារកូនមិនឲ្យមានគ្រោះថ្នាក់ដោយសារតែអគ្គិសនី អ្នកមិនត្រូវដាក់ទូរទស្សន៍ កុំព្យូទ័រក្នុងបន្ទប់កូនឡើយ ព្រោះវាអាចធ្វើឲ្យកូនមានគ្រោះថ្នាក់យ៉ាងងាយនៅពេលដែលអ្នកមិនចាប់អារម្មណ៍ កូនអាចប៉ះដែលអាចធ្វើឲ្យគេឆក់បានយ៉ាងងាយបំផុត។
  4. នៅក្នុងបន្ទប់កូន អ្នកមិនត្រូវដាក់កញ្ចក់ឡើយ ព្រោះវាអាចធ្វើឲ្យកូនមានអារម្មណ៍មិនស្ងប់ ដោយអាចធ្វើឲ្យគេខ្លាចបាន ដូចនេះយកល្អអ្នកមិនគួរដាក់ឡើយ ព្រោះជួនកាលអាចធ្វើឲ្យគេភ័យយ៉ាងងាយ៕ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)