មាននារីខ្លះនៅពេលដែលមានផ្ទៃពោះដំបូង តែងតែមានប្រតិកម្មជាច្រើន ដែលមានលក្ខណៈខុសប្រក្រតីពីធម្មតា ហើយមានអ្នកខ្លះក៏មានអាការៈក្អួតខ្លាំងខុសពីធម្មតាដែរ ដូចនេះតើគួរតែធ្វើដូចម្តេចទើបអាចបំបាត់អាការៈប្រតិកម្មទាំងនេះបានទៅ? (អាន:ថ្នាំងងុយគេង ពេលអ្នកគួរប្រើ)
ផ្លូវចិត្ត
ដំបូងអ្នកត្រូវតម្រូវផ្លូវចិត្តអ្នកឲ្យបានល្អ ដោយមិនត្រូវភ័យពេក សប្បាយចិត្តពេក ហើយបារម្ហពេកនោះទេព្រោះអាការៈទាំងនេះសុទ្ធតែមិនល្អចំពោះអ្នកឡើយ ដោយវាអាចធ្វើឲ្យអ្នកមានប្រតិកម្មផ្សេងៗបាន។
របបអាហារ
អ្នកអាចបរិភោគអាហារមួយចំនួនដែលងាយធ្វើឲ្យអ្នកងាយរំលាយអាហារ ដោយអ្នកអាចពិសារខ្ញីបាន ព្រោះវាអាចការពារអ្នកមិនឲ្យក្អួតបាន ម្យ៉ាងទៀតអាហារទាំង៣ពេលរបស់អ្នកត្រូវតែបរិភោគតិច ប៉ុន្តែបែងចែកជាច្រើនពេល។
ហាត់ប្រាណ
នៅពេលដែលអ្នកមានផ្ទៃពោះ អ្នកមិនត្រូវតែងតែគេងលើគ្រែនោះទេ អ្នកត្រូវតែដើរហាត់ប្រាណខ្លះ ហើយអ្នកត្រូវតែធ្វើការងារផ្ទះមួយចំនួនដូចជា ៖ លាងចាន ឬហាលខោអាវជាដើម។
ចេញឲ្យឆ្ងាយពីបរិស្ថានមិនល្អ
នៅពេលដែលអ្នកមានប្រតិកម្មជាមួយក្លិនផ្សេងៗ អ្នកត្រូវតែចេញឲ្យឆ្ងាយពីកន្លែងនោះ បើពុំដូច្នោះទេ អ្នកនឹងអាចមានអាការៈក្អួតបាន។
វីតាមីនB6
នៅពេលដែលអ្នកក្អួតខ្លាំង អ្នកអាចបរិភោគអាហារដែលមានវីតាមីនB6នេះបាន នោះវានឹងជួយធ្វើឲ្យអ្នកមានអាការៈធូរស្រាលបានជាងមុន។
មន្ទីរពេទ្យ
ប្រសិនជាអ្នកក្អួតខ្លាំងខុសពីធម្មតា អ្នកត្រូវតែទៅមន្ទីរពេទ្យដើម្បីពិគ្រោះជាមួយគ្រូពេទ្យជាបន្ទាន់ ទើបអ្នកមិនមានអាការៈនេះទៀត៕ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)