ខាងក្រោមនេះ យើងខ្ញុំនឹងបង្ហាញអ្នកពីលាភរបស់ឆ្នាំទាំង១២ក្នុងឆ្នាំ២០២០នេះ។ តើឆ្នាំណាអាចទទួលបានលាភល្អ ហើយឆ្នាំណាគ្មានទៅ? (អាន:ថ្នាំងងុយគេង ពេលអ្នកគួរប្រើ)
ឆ្នាំជូត
ក្នុងឆ្នាំ២០២០នេះ អាចនិយាយបានថាជាឆ្នាំជាន់នឹងអ្នក ដោយធ្វើឲ្យការងារទាំងឡាយអាចជួបនឹងឧបសគ្គ។ ដូចនេះ មិនថាអ្នកបំពេញការងារអ្វីទេ សុទ្ធតែត្រូវតែប្រយ័ត្នទាំងអស់ មិនគួរធ្វេសប្រហែសឡើយ។
ឆ្នាំឆ្លូវ
ក្នុងឆ្នាំថ្មីនេះ លាភរបស់អ្នកអាចតិចជាងឆ្នាំមុន ដោយមានការសប្បាយ ហើយក៏មានការកើតទុក្ខដែរ។ ដូចនេះ មិនថាអ្នកនៅកន្លែងណាទេ គួរតែប្រយ័ត្នទាំងអស់ ទើបល្អចំពោះអ្នក។
ឆ្នាំខាល
ក្នុងឆ្នាំនេះ លាភរបស់អ្នកអាចមានលក្ខណៈនឹងនរ ដោយមុខរបរ និងជីវភាពអាចមានការរីកចម្រើនខ្លះ។ ប៉ុន្តែអ្នកក៏គួរតែប្រយ័ត្នក្នុងពេលធម្មតាដែរ ដោយមិនគួរភ្លេចខ្លួន នាំគ្រោះដល់អ្នកឡើយ។
ឆ្នាំថោះ
ក្នុងឆ្នាំ២០២០នេះ ឧបសគ្គទាំងឡាយអាចនឹងចូលមកជិតខ្លួនអ្នក ដោយរារាំងមិនឲ្យអ្នកអាចទទួលបានជោគជ័យឡើយ។ ដូចនេះ អ្នកគួរតែរក្សាចិត្តឲ្យស្ងប់ ដោយមិនគួរងាយបោះបង់ចោលអ្វីដែលអ្នកខំប្រឹងតាំងពីដើមឡើយ ដោយគួរតែប្រឹងប្រែងបន្តទៀត នោះអ្នកនឹងអាចទទួលបានជោគជ័យក្នុងថ្ងៃណាមួយជាមិនខានឡើយ។
ឆ្នាំរោង
ក្នុងឆ្នាំថ្មីនេះ អ្នកនឹងមានអ្នកជួយខ្លះ ហើយលាភមានលក្ខណៈនឹងនរ។ ប្រសិនជាអ្នកចង់ឲ្យឆ្នាំនេះទទួលបានផលខ្ពស់ អ្នកគួរតែប្រឹងឲ្យអស់ពីសមត្ថភាព។ នៅពេលដែលអ្នកតស៊ូទៅមុខ នោះអ្នកនឹងអាចទទួលបានផលធំ។
ឆ្នាំម្សាញ់
ក្នុងឆ្នាំនេះ បុគ្គលឆ្នាំម្សាញ់ លាភមិនមានអ្វីប្រែប្រួលឡើយ។ ប៉ុន្តែស្នេហារបស់អ្នកក្នុងឆ្នាំនេះអាចរីកខ្លាំង ដោយអាចទទួលបានមនុស្សដែលអ្នកស្រឡាញ់មកនៅជិតខ្លួន ថែមទាំងអាចដើរចូលជីវិតអាពាហ៍ពិពាហ៍ផងដែរ។
ឆ្នាំមមី
ក្នុងឆ្នាំ២០២០នេះ ឆ្នាំមមីជាឆ្នាំដែលឆុងនឹងឆ្នាំជូត ធ្វើឲ្យលាភអ្នកមិនសូវល្អឡើយ។ ដូចនេះ មិនថាអ្នកទៅណា ឬធ្វើអ្វីទេ គឺត្រូវតែប្រយ័ត្នទាំងអស់ ទើបអាចប្រកបដោយសុវត្ថិភាពបាន។
ឆ្នាំមមែ
ក្នុងឆ្នាំថ្មីនេះ ឆ្នាំមមែលាភក៏មិនសូវល្អដែរ ដោយធ្វើអ្វីគឺត្រូវការប្រុងប្រយ័ត្នខ្ពស់។ ជាពិសេស អ្នកមិនគួរឲ្យអ្នកដទៃដឹងអាថ៌កំបាំងអ្នកច្រើនឡើយ ព្រោះអាចផ្ទុះបានគ្រប់ពេលដោយមិនដឹងខ្លួន។
ឆ្នាំវក
ក្នុងឆ្នាំថ្មីនេះ លាភពេញមួយឆ្នាំអាចមានលក្ខណៈនឹងនរ។ ថ្វីត្បិតតែក្នុងការងារអ្នកអាចកើតមានបញ្ហា ក៏បុន្តែអ្នកនឹងអាចមានអ្នកជួយដោះស្រាយ ដោយធ្វើឲ្យអ្នកអាចទទួលបានជោគជ័យ។
ឆ្នាំរកា
ក្នុងឆ្នាំថ្មីនេះ មិនថាការងារ ជីវភាព ឬស្នេហាទេ សុទ្ធតែអាចប្រទះនឹងឧបសគ្គ។ ដូចនេះ នៅពេលដែលអ្នកធ្វើអ្វីមួយ អ្នកគួរតែប្រយ័ត្នក្នុងការបំពេញ ទើបអាចទទួលបានផលមកវិញ។
ឆ្នាំច
ក្នុងឆ្នាំនេះ បុគ្គលឆ្នាំច អាចទទួលបានការតបស្នងពីមុនមក ធ្វើឲ្យអ្នកអាចទទួលបានលុយច្រើនចូលមក។ ដូចនេះ អ្នកគួរតែក្តាប់ឲ្យជាប់ឱកាសមួយនេះ។
ឆ្នាំកុរ
ក្នុងឆ្នាំ២០២០នេះ អ្នកអាចរាងពិបាកបន្តិច ទើបអាចទទួលបានផល។ ដូចនេះ អ្នកមិនគួរបោះបង់ចោលឡើយនៅពេលដែលជួបឧបសគ្គច្រើន ទើបអ្នកអាចទទួលបានផលធំនៅពេលចុងក្រោយ៕ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)