យោងទៅតាមការសិក្សាថ្មីមួយបានបង្ហាញថា ថ្នាំបំប៉នប្រភេទស័ង្គសី និងអាស៊ីតហ្វូលីកដែលត្រូវបានគេរកឃើញយ៉ាងយូរថា អាចមានប្រសិទ្ធភាពព្យាបាលភាពមិនអាចមានកូនរបស់បុរសបាននោះ មិនត្រូវបានគេទទួលស្គាល់ថាអាចពង្រឹងដល់ចំនួនមេជីវិតឈ្មោល និងភាពខ្លាំងរបស់មេជីវិតឈ្មោលឡើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ការសិក្សាត្រូវបានធ្វើឡើងដោយអ្នកស្រាវជ្រាវជាច្រើននៃសាកលវិទ្យាល័យ Utah Health ហើយត្រូវបានចុះផ្សាយក្នុងសារព័ត៌មាន JAMA។
គ្រូពេទ្យជំនាញខាងរោគប្រព័ន្ធទឹកម៉ូត្របាននិយាយថា នេះគឺជាការសិក្សាលើលក្ខណៈសម្គាល់មួយនៃថ្នាំបំប៉នភាពមិនអាចមានកូនបានរបស់បុរស។ សារសម្រាប់បុរសទាំងអស់ ហើយក៏ជាលើកដំបូងដែរនោះគឺថា មានទិន្នន័យគុណភាពខ្ពស់មួយដែលនិយាយថា ជាតិស័ង្គសី និងអាស៊ីតហ្វូលិកមិនមានសមត្ថភាពអ្វីពង្រឹងដល់លទ្ធផលមុខងារទឹកកាមឡើយ។ ភាគច្រើននៃថ្នាំបំប៉នសមត្ថភាពមានកូនផ្ទុកទៅដោយជាតិស័ង្គសី ដែលជាជាតិរ៉ែដ៏សំខាន់សម្រាប់អភិវឌ្ឈន៍មេជីវិតឈ្មោល និងអាស៊ីតហ្វូលិក គឺជួយដល់ការបង្កើត DNA របស់មេជីវិតឈ្មោល។ ថ្នាំបំប៉នទាំងនេះក៏ត្រូវបានគេដឹងថាជា Nutraceutical សម្រាប់ជំរុញដល់ការបង្កើនចំនួនមេជីវិតឈ្មោល រូបរាង និងការធ្វើចលនារបស់វាដែរ។
អ្នកស្រាវជ្រាវបានជ្រើសរើសប្តីប្រពន្ធចំនួន ២៣៧០គូរដែលមានគម្រោងព្យាបាលភាពមិនអាចមានកូនរបស់ពួកគេ។ ក្នុងការសិក្សា បុរសតម្រុវឲ្យញ៉ាំថ្នាំបំប៉នជារៀងរាល់ថ្ងៃផង និងថ្នាំ Placebo ដែលផ្ទុកទៅដោយជាតិស័ង្គសី ៣០មីលីក្រាម និងអាស៊ីតហ្វូលិក ៥មីលីក្រាមរយៈពេល ៦ខែ។
ម៉្យាងវិញទៀត ស្រ្តីតម្រូវឲ្យបំពេញតារាងសំណួររហូតដល់ ១៨ខែក្រោយពីចាប់ផ្តើមការសិក្សាដើម្បីតាមដានលទ្ធផលនៃការមានផ្ទៃពោះរបស់ពួកគេ។ អ្នកស្រាវជ្រាវមិនបានរកឃើញភាពខុសគ្នានៃការសម្រាលកូនមានជីវិតគួរឲ្យកត់សម្គាល់ឡើយរវាងបុរសដែលញ៉ាំថ្នាំបំប៉ន (៤០៤) និងបុរសញ៉ាំថ្នាំ Placebo (៤១៦)។
បុរសទាំងពីក្រុមក៏មានលក្ខណៈស្រដៀងគ្នាចំពោះរូបរាងមេជីវិតឈ្មោល ចំនួនមេជីវិតឈ្មោល និងចលនារបស់មេជិវិតឈ្មោល។ ប៉ុន្តែ បុរសដែលលេបថ្នាំបំប៉នគឺមានអត្រានៃការខូច DNA ក្នុងមេជីវិតឈ្មោលខ្ពស់ជាងបុរសដែលលេបថ្នាំ Placebo។ បុរសដែលលេបថ្នាំបំប៉នត្អូញត្អែរអំពីផលរំខានច្រើនដូចជា ចង្អោ ឈឺពោះ ក្អួត និងបញ្ហាក្រពះពោះវៀនជាងបុរសដែលលេបថ្នាំ Placebo។ (អាន:ថ្នាំងងុយគេង ពេលអ្នកគួរប្រើ)
វានៅតែជារឿងសំខាន់ដែលបុរសគ្រប់វ័យត្រូវញ៉ាំអាហារផ្តល់សុខភាពដើម្បីរក្សាភាពមានកូនរបស់ខ្លួន ប៉ុន្តែអ្នកមិនចាំបាច់លេបថ្នាំអ្វីបន្ថែមដើម្បីជួយជំរុញដល់គុណភាពមេជីវិតឈ្មោលកាន់តែប្រសើរឡើយ៕