ការជ្រុះសក់តាមរដូវកាលគឺជារឿងពិត។ ការស្រាវជ្រាវបានបង្ហាញថា មនុស្សយើងអាចប្រឈមនឹងការជ្រុះសក់កាន់តែខ្លាំងក្នុងរដូវរងារ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ខណៈពេលដែលមានទ្រឹស្តីជាច្រើននិយាយអំពីមូលហេតុរបស់វា តែទស្សនៈញឹកញាប់មួយនោះគឺថា សក់ក្នុងរដូវក្តៅគឺផ្តល់ការការពារពីពន្លឺព្រះអាទិត្យល្អជាងរដូវណាផ្សេង។
យ៉ាងណាមិញ សក់ងាយនឹងជ្រុះច្រើនៗណាស់ក្នុងរដូវរងា ដូច្នេះខាងក្រោមនេះ ខ្ញុំសូមណែនាំវិធីការពារសក់ជ្រុះមួយចំនួនសម្រាប់អ្នកអាចអនុវត្តបាន៖
ប្រើប្រាស់ផលិតផលគ្មានជាតិគីមី
មូលហេតុចំបងដែលនាំឲ្យសក់ខូចខ្លាំងជាងគេនាពេលបច្ចុប្បន្ននេះគឺការប្រើប្រាស់ផលិតផលមានជាតិគីមីច្រើន។ ការប្រើប្រាស់កាន់តែច្រើន វានឹងធ្វើឲ្យសរសៃសក់ចុះខ្សោយភាពរឹងមាំរបស់វាកាន់តែខ្លាំង ជាពិសេសផ្លាស់ប្តូរស្ថានភាព និងនាំឲ្យប្រែទៅជាស្កូវលឿន។ រឿងដំបូងឡើយដែលត្រូវថែទាំងនោះគឺ លុបបំបាត់ឲ្យអស់នូវផលិតផលដែលមានជាតិគីមីច្រើនដែលជាទូទៅវាតែងតែមានតម្លៃថោកតែម្តង។
បង្កើនភាពរស់ឡើងវិញរបស់សក់
ដើម្បីបំបាត់ភាពតានតឹង និងការបំពុលបរិយាកាសប្រចាំថ្ងៃ ចូរធ្វើយ៉ាងណាឲ្យសក់រស់ឡើងវិញ តាមរយៈការប្រើម៉ាសបិតសក់ជាប្រចាំ។ យកល្អគួរតែប្រើប្រាស់គ្រឿងផ្សំពីធម្មជាតិដូចជា យ៉ាអួ ទឹកឃ្មុំ ស្រាបៀរដែលសល់ចោល ឬស៊ុត។ អ្នកអាចធ្វើរឿងនេះបានក្នុសាឡន ឬនៅផ្ទះ។
ចៀសវាងការងូតទឹកយូរៗ និងសក់
ការងូតទឹកក្តៅយូរៗ អាចធ្វើឲ្យសំណើមលើសរសៃសក់ជ្រុះអស់ ហើយស្បែកក្បាលទៅជាស្ងួត និងបែកក្រហែងបាន។ ទឹកក្តៅកាលណាប្រើប្រាស់យូរពេកអាចធ្វើឲ្យសក់ខូចរហូតបាន។ ដូច្នេះចូរជ្រើសរើសការងូតទឹកក្តៅពី ១០ ទៅ ១៥នាទីអីបានហើយ។
ម៉ាស្សាដោយប្រេងក្តៅ
ការម៉ាស្សាសរសៃសក់ដោយប្រេងគឺជារឿងសំខាន់សម្រាប់ថែរក្សាភាពរឹងមាំរបស់សក់ និងភ្លឺរលោង ព្រមទាំងផ្តល់ជីវិតដល់សរសៃសក់ទៀតផង។ យកល្អគួរតែប្រើប្រេងដូង និងប្រេងផ្លែអាលម៉ុនដើម្បីផ្តល់ជាការការពារ និងជីវជាតិដល់សរសៃសក់។ ចូរប្រាកដថា ប្រេងនោះក្តៅល្មមមុននឹងលាប។ បើសិនជាអ្នកចង់ឲ្យសក់ទៅជាក្រាស អ្នកអាចបន្ថែមប្រេងល្ហុង និងវីតាមីន E លាយជាមួយគ្នា ហើយលាបវាពីឬសសក់ហើយទុកចោលយ៉ាងហោចណាស់ ២ទៅ៣ម៉ោង។
អប់សក់ពីរដង
ការអប់សក់គឺជារឿងសំខាន់សម្រាប់គ្រងគ្រងសរសៃសក់។ ប៉ុន្តែក្នុងរដូវរងារនេះ យកល្អគួរតែបង្កើនបរិមាណនៃការអប់សក់ដើម្បីចូលក្នុងសរសៃសក់កាន់តែជ្រៅ។ ចូរធ្វើរឿងនេះជាទៀងទាត់ ដូច្នេះវានឹងជួយថែរក្សាសក់បានយ៉ាងល្អក្នុងរដូវរងា។
ប្រើប្រាស់ទឹកឃ្មុំផ្តល់សំណើម
គ្មានអ្វីអាចយកឈ្នះគ្រឿងផ្សំធម្មជាតិរបស់ទឹកឃ្មុំឡើយ។ ដើម្បីដោះស្រាយបញ្ហាអង្គែរស្បែកក្បាល និងសក់ស្ងួតខ្លាំង ចូរប្រើប្រាស់ទឹកឃ្មុំលាយជាមួយខ្ទីសដូងបន្តិច ហើយយកវាមកលាបពីឬសសក់ដល់ចុងសក់។ លាបរួចហើយ ចូរគ្របវាចោលយ៉ាងហោចណាស់ ៣០នាទី ចាំលាងជម្រះវិញជាមួយទឹកក្តៅឧណ្ហៗ។
ស្ទីម
ជាមួយនឹងការស្ទីមជាទៀងទាត់ អាចជួយបន្ថយភាពស្ងួត បង្កើនភាពរឹងមាំឡើងវិញរបស់សក់ តាមរយៈការផ្តល់សំណើមដល់ស្បែកក្បាល និងសក់ ផ្តល់ជីវជាតិដល់សរសៃក់ និងជំរុញដល់សក់កាន់តែមានសុខភាពល្អ។ (អាន:ថ្នាំងងុយគេង ពេលអ្នកគួរប្រើ)
ចូរញ៉ាំអាហារផ្តល់សុខភាព
ការកង្វះជីវជាតិអាចធ្វើឲ្យខូចសរសៃសក់ បាន។ ដូច្នេះចូរប្រាកដថា អ្នកញ៉ាំអាហារដែលសម្បូរវីតាមីន A, E និង B ។ បើសិនជាអាចចូរជ្រើសរើសថ្នាំបំប៉នប្រភេទ អូមេហ្គាបីផង។ ការញ៉ាំទឹកបានគ្រប់គ្រាន់គឺជាគន្លឹះដ៏សំខាន់៕