តាមការសិក្សាថ្មីមួយបានឲ្យដឹងថា មានអ្នកជំងឺត្រៀមកើតជំងឺទឹកនោមផ្អែម និងមានជំងឺទឹកនោមផ្អែមហើយកាន់តែច្រើន កំពុងតែស្វែងរកវិធីសាស្រ្តដើម្បីជួយគ្រប់គ្រងជាតិស្ករក្នុងឈាម ប៉ុន្តែការសិក្សាថ្មីបានរកឃើញថា ភេសជ្ជៈ Ketone Monester ប្រហែលជាអាចជួយដល់រឿងនេះបាន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
មានអំណះអំណាងគាំទ្រមួយដែលនិយាយថា របបអាហារប្រភេទ Ketogenic មានកាបូអ៊ីដ្រាតទាប មានប្រសិទ្ធភាពបំផុតក្នុងការគ្រប់គ្រងជាតិស្ករក្នុងឈាម និងដោះស្រាយបញ្ហាជំងឺទឹកនោមផ្អែមប្រភេទទី២បាន។
ជំងឺទឹកនោមផ្អែមប្រភេទទី២គឺជាជំងឺមួយដែលរាងកាយមិនអាចគ្រប់គ្រងជាតិស្ករក្នុងឈាមបាន ដោយសារតែខូចមុខងាររបស់អ័រម៉ូនអាំងស៊ុយលីន។ វាគឺជាជំងឺមួយដែលប្រកាសអាសន្នដល់ប្រជាជនជាច្រើន ហើយក៏កំពុងតែកើនឡើងច្រើនដែរ។
ខណៈពេលដែលជំងឺទឹកនោមផ្អែមអាចគ្រប់គ្រងបានតាមរយៈការលេបថ្នាំ ឬចាក់អាំងស៊ុយលីន អ្នកជំងឺភាគច្រើនកំពុងតែស្វែងរកជម្រើសជាច្រើនដែលមិនត្រូវការលេបថ្នាំជារៀងរាល់ថ្ងៃ ឬមិនសូវប៉ះពាល់ដល់សុខភាព។
យោងទៅតាមការសិក្សាមួយដែលចុះផ្សាយក្នុងសារព័ត៌មាន American Journal of Clinical Nutrition បានឲ្យដឹងថា ថ្នាំបំប៉ន Ketone កំពុងតែត្រូវបានគេអនុញ្ញាតិប្រើដើម្បីស្រាវជ្រាវលើជំងឺទឹកនោមផ្អែមប្រភេទទី២ ដោយសារតែវាគឺជាប្រភពផ្តល់ថាមពលធម្មជាតិរបស់រាងកាយនៅពេលជា Ketosis ឬ Ketogenic Diet។
ដើម្បីធ្វើតេស្ត អ្នកស្រាវជ្រាវបានសុំឲ្យមនុស្ស ១៥នាក់ញ៉ាំភេសជ្ជៈ Ketone ក្រោយមិនបានញ៉ាំអ្វីពេញមួយយប់។ នៅរយៈពេល ៣០នាទីក្រោយ ពួកគេតម្រូវឲ្យញ៉ាំទឹកមានជាតិស្ករ ៧៥ក្រាមហើយបូមឈាមទៅមើល។ រឿងនេះទំនងជាធ្វើឲ្យភេសជ្ជៈ Ketone អាចប្រើលើអ្នកពិសោធន៍ដើម្បីចូលក្នុងស្ថានភាពមួយឈ្មោះថា Pseudoketogenic State ដែលពួកគេអាចគ្រប់គ្រងជាតិស្ករក្នុងឈាមបានយ៉ាងល្អជាងមុន ហើយក៏មិនមានការប្រែប្រួលអាំងស៊ុយលីនអ្វីដែរ។(អាន:ថ្នាំងងុយគេង ពេលអ្នកគួរប្រើ) រឿងនេះអាចបញ្ជាក់បានថា ថ្នាំបំប៉នប្រភេទនេះប្រហែលជាមានសក្តានុភាពពិតប្រាកដ ហើយក៏ជាវិធីសាស្រ្តដ៏មានតម្លៃសម្រាប់អ្នកជំងឺទឹកនោមផ្អែមប្រភេទទី២ដែរ៕