ភាគច្រើននៃពួកយើងប្រហែលជាមិនធ្លាប់ដឹងទេថាថ្លើមសត្វរួមមានថ្លើមមាន់ ថ្លើមទា ថ្លើមជ្រូក និងថ្លើមគោមានផ្ទុកសម្បូរទៅដោយសារធាតុចិញ្ចឹមដែលចាំបាច់សម្រាប់សុខភាព។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ដូច្នេះទោះជាមិនចូលចិត្តក៏គួរព្យាយាមទទួលទានដែរ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីមូលហេតុដែលអ្នកគួររួមបញ្ចូលថ្លើមសត្វក្នុងរបបអាហារប្រចាំថ្ងៃ ៖
១. វាមានផ្ទុកសម្បូរទៅដោយវីតាមីន B12
នេះជាអត្ថប្រយោជន៍ដ៏ធំបំផុតមួយនៃថ្លើមសត្វ! វីតាមីន B12 គឺសំខាន់ណាស់ក្នុងការធ្វើឱ្យប្រសើរឡើងនូវមុខងារនៃកោសិកានិងការផលិតកោសិកាគ្រាប់ឈាមក្រហម។ លើសពីនេះទៅទៀតវីតាមីន B12 ក៏ចាំបាច់ណាស់ដែរសម្រាប់រក្សាសុខភាពទាំងមូលដោយជួយបង្កើនថាមពល លើកកម្ពស់អារម្មណ៍ល្អប្រសើរ បង្កើនការចងចាំ បង្កើនការរំលាយអាហារ ពង្រឹងសុខភាពសក់និងស្បែក។
២. ថ្លើមសត្វមានផ្ទុកសម្បូរទៅដោយវីតាមីន B ដទៃទៀត
ក្រៅពីវីតាមីន B12 ថ្លើមសត្វក៏មានផ្ទុកសម្បូរទៅដោយវីតាមីន B ផ្សេងទៀតរួមមាន folate បាយអូទីន និងវីតាមីន B6។ វីតាមីន B ទាំងនេះជាពិសេស folate អាចជួយរក្សាមុខងារនៃកោសិកា ក៏ដូចជាក្នុងដំណើរការ methylation ដែលចាំបាច់សម្រាប់ការបែងចែកកោសិកាបានត្រឹមត្រូវ។
៣. ថ្លើមសត្វអាចជួយទប់ស្កាត់ជំងឺខ្វះគ្រាប់ឈាមក្រហម
នោះក៏ព្រោះតែថ្លើមសត្វមានផ្ទុកសម្បូរទៅដោយជាតិដែកនិងវីតាមីន A។ ម្យ៉ាងវិញទៀតថ្លើមសត្វក៏ជាប្រភពដ៏ប្រសើរនៃសារធាតុ folate និងវីតាមីន B12 ដែលរួមផ្សំជាមួយជាតិដែកនិងវីតាមីន A អាចជួយទប់ស្កាត់ជំងឺខ្វះគ្រាប់ឈាមក្រហមគួរឱ្យកត់សម្គាល់។
សម្គាល់៖ ថ្លើមសត្វក៏ជាប្រភពដ៏ប្រសើរនៃប្រូតេអ៊ីនគុណភាពខ្ពស់និងសារធាតុចិញ្ចឹមចាំបាច់ផ្សេងទៀតរួមបញ្ចូលទាំង chromium ស័ង្កសី និងទង់ដែង។ បន្ថែមពីលើនេះទៀតថ្លើមសត្វមានផ្ទុកសារធាតុចិញ្ចឹមម្យ៉ាងហៅថា CoQ10 ដែលជួយរក្សា ក៏ដូចជាធ្វើឱ្យមុខងារនៃសសៃឈាមបេះដូងកាន់តែមានលក្ខណៈប្រសើរឡើងផងដែរ៕