របបអាហារផ្តល់សុខភាព និងទម្លាប់ហាត់ប្រាណគឺជាគន្លឹះដ៏សំខាន់សម្រាប់រាងកាយមានសុខភាពល្អ បន្ថយការប្រឈមនឹងជំងឺជាច្រើនដូចជាធាត់ជ្រុល និងទឹកនោមផ្អែមប្រផែទទី២ ហើយក៏ជួយឲ្យអារម្មណ៍កាន់តែមានសុខភាពល្អថែមទៀត។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)មានមនុស្សកាន់តែច្រើនចង់ចំណាយពេលវេលាហាត់ប្រាណនៅក្លិបជាងការដើរលឿនៗ ឬរត់កីឡាជាដើម ដោយសារតែហេតុផលរៀងៗខ្លួន។ ហេតុផលខ្លះគឺទាក់ទងនឹងអាកាសធាតុ និងទម្លាប់ហាត់ប្រាណជាប់លាប់ជាដើម។ បើសិនជាអ្នកត្រូវទៅហាត់ប្រាណក្នុងក្លិបមែន អ្នកប្រហែលជាដឹងអំពីសារៈសំខាន់នៃការហាត់ប្រាណ ជាពិសេសអាហារមុន និងក្រោយហាត់ប្រាណតែម្តង។ យ៉ាងណាមិញ សម្រាប់អ្នកដែលមិនធ្លាប់ដឹង យកល្អគួរតែដឹងអំពីរបបអាហារសំខាន់ពីរយ៉ាងមុនពេលអ្នករៀបចំខ្លួនទៅហាត់ប្រាណ។

តើអ្វីទៅជាសារៈសំខាន់នៃអាហារមុន និងក្រោយហាត់ប្រាណ?

យើងដឹងហើយថា ជីវជាតិដែលគ្រប់គ្រាន់អាចជំរុញដល់ការងារន់តែល្អ មិនខ្វល់ថាវាជាការងារប្រើរាងកាយ ឬប្រើចិត្តទេ ហើយវាក៏ដូចគ្នាដែរចំពោះទម្លាប់ហាត់ប្រាណ។ ការផ្គត់ផ្គង់ជីវជាតិបានយ៉ាងល្អនឹងជួយឲ្យយើងហាត់ប្រាណកាន់តែគ្រប់គ្រាន់ ហើយក៏ជួយឲ្យរាងកាយស្រួលបួលមកវិញក្រោយពីហាត់ប្រាណរួចដែរ។ ជីវជាតិនឹងជួយផ្តល់កម្លាំងហាត់ប្រាណល្អបំផុត និងបន្ថយការខូចខាតរបស់សាច់ដុំបានច្រើនបំផុតផងដែរ។ ដូច្នេះហើយ អ្នកដែលញ៉ាំអាហារដូចជា កាហ្វេខ្មៅ ផ្លែឈើ ឬទឹកម៉្សៅប្រូតេអ៊ីន សម្រាប់មុនហាត់ប្រាណ ឬក្រោយហាត់ប្រាណដើម្បីប្រាកដថា រាងកាយមានសុខភាពល្អ និងមានការខូចខាតសាច់ដុំតិចតួចបំផុតពីការហាត់ប្រាណ។ 

ផ្លែចេកជាអាហារដ៏ល្អមុនពេល ឬក្រោយពេលហាត់ប្រាណ

យោងទោតាមអ្នកជំនាញបានឲ្យដឹងថា ផ្លែចេកគឺជាអាហារត្រៀមមុនពេលហាត់ប្រាណដ៏ល្អបំផុត។ ការហាត់ប្រាណទាំងពោះទទេអាចបង្កគ្រោះថ្នាក់ច្រើនជាងគ្រោះល្អ ប៉ុន្ទែការបញ្ចូលផ្លែចេកញ៉ាំមុនពេលហាត់ប្រាណអាចជួយឲ្យរាងកាយមានសុខភាពល្អបាន។ 

សម្រាប់មុនពេលហាត់ប្រាណ អ្នកត្រូវការរបស់ដែលសម្បូរជាតិកាបូអ៊ីដ្រាត ដូច្នេះអ្នកនឹងមិនអស់កម្លាំងខណៈពេលកំពុងតែហាត់ប្រាណឡើយ។ ផ្លែចេកផ្ទុកទៅដោយជាតិកាបូអ៊ីដ្រាត និងប៉ូតាស្យូម។ វាអាចជួយជំរុញដល់មុខងារសរសៃប្រសាទ និងសាច់ដុំនៅពេលអ្នកហាត់ប្រាណ។ ជាតិសរសៃពីធម្មជាតិរបស់ផ្លែចេកនឹងជំរុញដល់ការបញ្ចេញកាបូអ៊ីដ្រាតក្នុងចរន្តឈាមយឺតៗ ដែលរឿងនេះនឹងជួយថែរក្សាកម្រិតជាតិស្ករក្នុងឈាមកាន់តែល្អ។ (អាន:ថ្នាំងងុយគេង ពេលអ្នកគួរប្រើ)ចាប់តាំងពីផ្លែចេកល្អសម្រាប់សុខភាពសាច់ដុំមក វាក៏ជួយធានាបានថា នឹងមានការខូចខាតរបស់សាច់ដុំក្នុងពេលហាត់ប្រាណតិចតួចបំផុតដែរ៕