ដឹងទេ “ស្លឹកស្វាយ” អាចផ្ដល់អត្ថប្រយោជន៍ស្មានមិនដល់ជាច្រើនចំពោះសុខភាព

ភាគច្រើននៃពួកយើងសុទ្ធតែដឹងអំពីអត្ថប្រយោជន៍ដ៏ប្រសើរនៃការទទួលទានផ្លែស្វាយ ប៉ុន្តែប្រហែលជាមិនធ្លាប់ចាប់អារម្មណ៍ស្លឹកនៃផ្លែឈើនេះក៏អាចផ្ដល់ផលល្អៗស្មានមិនដល់ចំពោះសុខភាព។ គួរបញ្ជាក់ផងដែរថាស្លឹកស្វាយខ្ចីអាចត្រូវបានទទួលទានជាបន្លែអន្លក់ ឬឆុងជាតែ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើស្លឹកស្វាយមានអត្ថប្រយោជន៍យ៉ាងណាខ្លះមែនទេ? ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីឥទ្ធិពលវិជ្ជមាននៃការទទួលទានស្លឹកស្វាយ ​៖

១. ពង្រឹងប្រព័ន្ធភាពស៊ាំរាងកាយ

ស្លឹកស្វាយមានផ្ទុកសម្បូរទៅដោយវីតាមីន C ដែលជាសារធាតុចិញ្ចឹមចាំបាច់សម្រាប់រក្សាប្រព័ន្ធភាពស៊ាំរាងកាយរឹងមាំ។

២. គ្រប់គ្រងកម្រិតជាតិស្ករក្នុងឈាម

វិធីដ៏មានប្រសិទ្ធិភាពបំផុតក្នុងការគ្រប់គ្រងស្ថានភាពនៃជំងឺទឹកនោមផ្អែម គឺការគ្រប់គ្រងកម្រិតត្រឹមត្រូវនៃជាតិស្ករក្នុងឈាម។ តែស្លឹកស្វាយអាចជួយបង្កើនការផលិតអាំងស៊ុយលីននិងបែងចែកគ្លុយកូសដែលធ្វើឲ្យកម្រិតនៃជាតិស្ករក្នុងឈាមថយចុះ។ ទោះជាយ៉ាងណាកុំទទួលទានតែស្លឹកស្វាយខណៈពេលកំពុងប្រើប្រាស់ថ្នាំបញ្ចុះជាតិស្ករដែលមានវេជ្ជបញ្ជាត្រឹមត្រូវ។

៣. គ្រប់គ្រងកម្រិតកូឡេស្តេរ៉ូល

កូឡេស្ដេរ៉ូលខ្ពស់អាចបង្កឲ្យមានផលប៉ះពាល់អវិជ្ជមានគួរឱ្យព្រួយបារម្ភចំពោះបេះដូង ហើយក៏ជាបញ្ហាដ៏ធំមួយសម្រាប់អ្នកដែលមានជំងឺទឹកនោមផ្អែមផងដែរ។ ទោះជាយ៉ាងណា ស្លឹកស្វាយ មានផ្ទុកសម្បូរទៅដោយសារធាតុ pectin វីតាមីន C និងជាតិសសៃដែលមានប្រសិទ្ធិភាពជួយកាត់បន្ថយកម្រិតកូឡេស្តេរ៉ូលមិនល្អ។

៤. បញ្ចុះសម្ពាធឈាម

សម្ពាធឈាមឡើងខ្ពស់ជាប្រចាំអាចបណ្ដាលឱ្យអ្នកកើតជំងឺលើសសម្ពាធឈាមដែលបង្កហានិភ័យនៃជំងឺសាហាវផ្សេងទៀតរួមមានគាំងបេះដូងនិងដាច់សសៃឈាមខួរក្បាល។ ការទទួលទានតែស្លឹកស្វាយអាចជួយបញ្ចុះសម្ពាធឈាមបានយ៉ាងប្រសើរ។ ទោះជាយ៉ាងណាកុំទទួលទានភេសជ្ជៈនេះប្រសិនបើអ្នកកំពុងប្រើប្រាស់ថ្នាំបញ្ចុះសម្ពាធឈាម។

៥. បង្កើនការរំលាយអាហារ

ការទទួលទានតែស្លឹកស្វាយខ្ចីក្រោយអាហារអាចជួយធ្វើឱ្យដំណើរការនៃការរំលាយអាហារកាន់តែមានលក្ខណៈប្រសើរឡើង។ ការទទួលទានតែស្លឹកសហវាយក៏បំបាត់បញ្ហាប្រព័ន្ធរំលាយអាហារផ្សេងៗរួមមានបញ្ហាច្រាលអាស៊ីតក្រពះ ក្រហាយទ្រូង ឈឺពោះ និងរាគផងដែរ៕