ខាងក្រោមនេះ យើងខ្ញុំនឹងបង្ហាញអ្នកពីវិធីដែលអាចធ្វើឲ្យអ្នកអាចទទួលបានប្រាក់ខែខ្ពស់បាន។ តើមានអ្វីខ្លះទៅ?
1. អ្នកគួរតែធ្វើជាបុគ្គលិកដែលស្មោះត្រង់ ព្រោះបុគ្គលបែបនេះ អាចធ្វើឲ្យចៅហ្វាយនាយស្រឡាញ់ខ្លាំងណាស់។ ដូចនេះ អ្នកនឹងអាចឡើងឋានៈនៅថ្ងៃណាមួយដោយសារតែចរិតស្មោះត្រង់នេះរបស់អ្នក។
2. អ្នកគួរតែរៀនសូត្រឲ្យបានច្រើន និងខ្ពស់ ព្រោះសម័យនេះ បើគ្មានចំណេះវិជ្ជាខ្ពស់ទេ អ្នកនឹងមិនអាចទទួលបានប្រាក់ខែខ្ពស់ឡើយ។ ដូចនេះ អ្នកគួរតែផ្ទុកចំណេះដឹងឲ្យបានពេញខ្លួន ដើម្បីជាស្ពាននាំអ្នកឲ្យឡើងខ្ពស់បាន។
3. អ្នកគួរតែធ្វើជាបុគ្គលដែលស្វាហាប់ម្នាក់ ដោយមិនគួរចាំតែយកការងារមកឲ្យអ្នកធ្វើទេ ដោយអ្នកគួរតែដើររកការងារធ្វើខ្លះ ទើបអាចធ្វើឲ្យចៅហ្វាយនាយមើលឃើញ ហើយផ្តល់ប្រាក់ខែខ្ពស់ដល់អ្នក។
4. មិនថាអ្នកធ្វើអ្វីទេ អ្នកគួរតែមានទំនួលខុសត្រូវក្នុងខ្លួនជានិច្ច ព្រោះវាសំខាន់ណាស់។ បើអ្នកមានស្មារតីទទួលខុសត្រូវ នោះការងារអ្នកនឹងអាចទទួលបានជោគជ័យ ហើយប្រាក់ខែអ្នកក៏អាចឡើងផងដែរ។
5. អ្នកគួរតែខំប្រឹងឲ្យអស់ពីសមត្ថភាព ដើម្បីទទួលបានផលខ្ពស់។ នៅពេលដែលអ្នកអាចបង្កើតចំណូលខ្ពស់ដល់ក្រុមហ៊ុន នោះប្រាក់ខែអ្នកក៏មិនទាបដែរ។
6. អ្នកគួរតែរៀនចេះពិភាក្សាគ្នា ដោយមិនគួរប្រកាន់យកតែគំនិតរបស់ខ្លួននោះទេ ព្រោះអាចធ្វើឲ្យអ្នកមិនងាយសម្រេចជោគជ័យ។ ដូចនេះ អ្នកគួរតែចេះយកគំនិតអ្នកដទៃមកគិតពិចារណា ទើបការងារអ្នកអាចដំណើរការល្អ។
7. អ្នកគួរតែធ្វើការជាក្រុម ដោយចេះសហការគ្នា ទើបអ្នកងាយឡើងឋានៈ និងប្រាក់ខែបាន ដោយសារតែលទ្ធផលដ៏ខ្ពស់អស្ចារ្យរបស់អ្នក។ ដូចនេះ វិធីទាំងនេះ អ្នកអាចយកមកប្រើបាន ដើម្បីអាចទទួលបានប្រាក់ខែដ៏ខ្ពស់ដែលអ្នកនឹកស្មានមិនដល់៕
