ខាងក្រោមនេះ យើងខ្ញុំនឹងបង្ហាញអ្នកពីវិធីក្នុងការយកចិត្តអនាគតម្តាយក្មេក ដោយមិនសូវបញ្ចេញកម្លាំងច្រើន។ តើមានអ្វីខ្លះទៅ?

1.    នៅពេលដែលអ្នកទៅលេងផ្ទះអនាគតម្តាយក្មេក អ្នកគួរតែទិញរបស់ទៅផ្ញើគាត់ខ្លះ។ ទោះបីជាគាត់និយាយថាមិនចាំបាច់ទិញអីមកក៏ដោយ ប៉ុន្តែអ្នកគួរតែទិញ ដើម្បីជាការបង្ហាញពីទឹកចិត្ត ហើយក៏ជាការយកចិត្តមួយផងដែរ។

2.    ប្រសិនជាអ្នកមានអារម្មណ៍ថា អ្នកមិនពូកែនិយាយស្តី ទោះនិយាយក៏អាចធ្វើឲ្យប៉ះពាល់ដល់អារម្មណ៍អ្នកដទៃ អ្នកគួរតែញញឹមឲ្យបានច្រើន។ ក្រៅពីញញឹម អ្នកគួរតែជួយបំពេញការងារផ្ទះខ្លះ ដើម្បីឲ្យពួកគាត់មើលឃើញថា អ្នកជានារីដែលអាចបំពេញការងារបានល្អ។ ដូចនេះ គាត់នឹងអាចពេញចិត្តអ្នកជាខ្លាំង។

3.    នៅពេលដែលអ្នកចូលទៅដល់ផ្ទះនោះ អ្នកគួរតែចាប់ផ្តើមរកនរណាម្នាក់ក្នុងនោះ ដែលពេញចិត្តនឹងអ្នក ឲ្យគេអាចជួយនិយាយកាន់ជើងអ្នកនៅចំពោះមុខម្តាយក្មេក។ នៅពេលដែលអ្នករកឃើញ អ្នកគួរតែចេះរកវិធីអែបអបគេ ដើម្បីឲ្យគេនិយាយល្អពីអ្នក។ ដូចនេះ អ្នកអាចអនុវត្តតាមវិធីទាំងឡាយខាងលើនេះ ដើម្បីធ្វើឲ្យម្តាយខាងប្រុសពេញចិត្តនឹងអ្នកបាន៕