Join with Health.com.kh on Telegram

អ្នកមិនអាចមានបញ្ហារលាកភ្នែកដោយសារតែផោមឡើយ។ ជំនឿដែលនិយាយថា ការផោមលើខ្នើយធញវើឲ្យអ្នកគេងទៅជារលាកភ្នែកនោះគឺមិនត្រឹមត្រូវឡើយ។ ការផោមគឺជាការបញ្ចេញឧស្ម័ន Methane ដែលគ្មានបាក់តេរីឡើយ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) រាល់បាក់តេរីដែលមានក្នុងផោមនឹងស្លាប់ភ្លាមៗនៅពេលវាចេញមកខាងក្រៅរាងកាយ។ 

ប៉ុន្តែអ្នកអាចរលាកភ្នែកបានដោយសារតែលាមក។ ធម្មតាលាមកគឺមានបាក់តេរី និងវីរុសរស់នៅ ដូច្នេះវាពិតជាអាចធ្វើឲ្យរលាកភ្នែកបាន។ បើសិនជាដៃអ្នកមានប្រឡាក់លាមក ហើយយកទៅប៉ះភ្នែក នោះភ្នែកងាយនឹងមានការរលាកខ្លាំងណាស់។ សាលាបណ្តុះបណ្តាលខាងជំនាញភ្នែកសហរដ្ឋអាមេរិកបានណែនាំថា មិនត្រូវយកដៃប៉ះពាល់រន្ធគូថផ្ទាល់ហើយ យកដៃនោះទៅប៉ះនឹងភ្នែកដោយផ្ទាល់ទៀតឡើយ ព្រោះវាអាចចម្លងបាក់តេរីដែលធ្វើឲ្យរលាកភ្នែកទៅភ្នែកបាន។ 

ការរលាកភ្នែក ឬហៅថា Conjunctivitis គឺជាការបង្ករោគ ឬការរលាកនៅលើតំបន់សៗរបស់គ្រាប់ភ្នែក។ មូលហេតុរបស់វាអាចមានញឹកញាប់នោះដូចជា៖

  • អាឡែហ្ស៊ីនឹងផ្សិត លម្អងផ្កា ឬសត្វ
  • បាក់តេរីដូចជា Staphylococcus Aureus, Haemophilus Influenzae និង Moraxella Catarrhalis 
  • វីរុសដូចជា Adenovirus, Rubella និង Herpes Viruses
  • មានអ្វីចូលភ្នែក
  • សារធាតុគីមីប៉ះភ្នែក
  • ស្ទះរន្ធទឹកភ្នែក (ទារកទើបកើត)

ការរលាកភ្នែកគឺជាជំងឺឆ្លង ប៉ុន្តែប្រហែលជាឆ្លងដូចជំងឺផ្តាសាយអ៊ីចឹង។ ដើម្បីគ្រប់គ្រងការចម្លងនេះបាន យកល្អគួរតែមានអនាម័យឲ្យបានត្រឹមត្រូវដូចជា៖

  • លាងសម្អាតដៃជាញឹកញាប់ ជាពិសេសក្រោយពេលចេញពីបន្ទប់ទឹក
  • ចៀសវាងការប៉ះពាល់ភ្នែក(អាន:ថ្នាំងងុយគេង ពេលអ្នកគួរប្រើ)
  • ចៀសវាងការចែករំលែងកន្សែងជូតខ្លួន ឬរបស់ប្រើប្រាស់ផ្ទាល់ខ្លួនជាមួយអ្នកដទៃ
  • ផ្លាស់ប្តូរស្រោមខ្នើយជាញឹកញាប់៕