អេស្រ្តូជែន និងប្រូជេស្តេរ៉ូនគឺជាអ័រម៉ូនភេទពីសំខាន់ៗរបស់រាងកាយមនុស្ស។ អេស្រ្តូជែនគឺជាអ័រម៉ូនមួយប្រភេទទទួលខុសត្រូវលើការបង្កើតលក្ខណៈភេទ និងសមត្ថភាពបន្តពូជរបស់ស្រ្តី។ ប្រូជេស្តេរ៉ូនគឺជាអ័រម៉ូនមួយដើរតួនាទីលើការទ្រទ្រង់វដ្ដរដូវ និងការមានផ្ទៃពោះ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)នៅពេលអ័រម៉ូនទាំងពីរនេះចុះទាប ជាពិសេសក្នុងពេលរ៉ាំងរដូវ វាអាចមានឥទ្ធិពលអវិជ្ជមានច្រើនចំពោះអារម្មណ៍ ចំណង់ផ្លូវភេទ សុខភាពឆ្អឹង និងផ្សេងៗទៀត។ ខាងក្រោមនេះគឺជាវិធីសាស្រ្តខ្លះៗបែបធម្មជាតិក្នុងការបង្កើនអ័រម៉ូនអេស្រ្តូជែនក្នុងរាងកាយ។
សណ្តែកសៀង
សណ្តែកសៀង និងផលិតផលរបស់វាដូចជាតៅហ៊ូ គឺជាប្រភពដ៏អស្ចារ្យមួយនៃសារធាតុ Phytoestrogens ដែលស្រដៀងគ្នានឹងអេស្រ្តូជែនដែលផលិតតក្នុងរាងកាយដែរ។ ការសិក្សាមួយទៅលើសណ្តែកសៀង និងអ្នកជំងឺមហារីកសុដន់ បានរកឃើញថា ការញ៉ាំសណ្តែកសៀងច្រើន អាចបន្ថយការប្រឈមនឹងការស្លាប់ដោយសារតែមហារីកសុដន់បាន។ នេះដោយសារតែវត្តមាន Phytoestrogens តែម្តង។
វីតាមីន B
វីតាមីនប្រភេទនេះដើរតួនាទីសំខាន់ក្នុងការបង្កើត និងភ្ញោចដល់អ័រម៉ូនអេស្រ្តូជែនក្នុងរាងកាយឲ្យធ្វើការ។ វត្តមានដ៏តិចរបស់វីតាមីននេះអាចនាំឲ្យថយចុះអ័រម៉ូនអេស្រ្តូជែនបាន។ ការសិក្សាមួយដែលធ្វើការប្រៀបធៀបកម្រិតវីតាមីន B ទៅនឹងការប្រឈមនឹងមហារីកសុដន់របស់ស្រ្តីត្រៀមរ៉ាំងរដូវបានឲ្យដឹងថា កាលណាក្នុងខ្លួនមានវត្តមានវីតាមីន B2, B6 កាន់តែខ្ពស់ កាន់តែបន្ថយការប្រឈមមុខ។
វីតាមីន D
វីតាមីន D ដើរតួនាទីជាអ័រម៉ូនមួយដែរក្នុងរាងកាយ។ ទាំងវីតាមីន D និង អេស្រ្តូជែនធ្វើការជាមួយគ្នាក្នុងការបន្ថយការប្រឈមនឹងជំងឺបេះដូងសរសៃឈាម។ ទំនាក់ទំនងរបស់វាទាំងពីរនេះគឺដោយសារតែវីតាមីន D ទៅសំយោគអ័រម៉ូនអេស្រ្តូជែន។ ដូច្នេះថ្នាំបំប៉នវីតាមីន D សំខាន់ណាស់សម្រាប់អ្នកដែលមានអ័រម៉ូនអេស្រ្តូជែនទាបក្នុងខ្លួន។(អាន:ថ្នាំងងុយគេង ពេលអ្នកគួរប្រើ)
DHEA
DHEA ឬហៅថា Dehydroepiandrosterone គឺជាអ័រម៉ូនធម្មជាតិមួយដែលអាចបំលែងទៅជាអេស្រ្តូជែណ និងតេស្តូស្តេរ៉ូនបាន។ ក្នុងរាងកាយ DHEA នឹងបំលែងទៅជា Androgens មុនគេ បន្ទាប់មកទៅទៅជា អេស្រ្តូជែនក្រោយ។ ការសិក្សាមួយបានរកឃើញថា DHEA ប្រហែលជាអាចផ្តល់ប្រយោជន៍ស្រដៀងគ្នាជាច្រើនក្នុងរាងកាយដូចគ្នានឹងអេស្រ្តូជែនដែរ៕