Join with Health.com.kh on Telegram

ការបង្ករោគនៅផ្លូវទឹកម៉ូត្រគឺជាការបង្ករោគដោយបាក់តេរី។ វាអាចកើតឡើងនៅលើបំពុងបង្ហូរទឹកនោមពីតម្រងនោមមកប្លោកនោម ប្លោកនោមខ្លួនឯង បង្ហួរនោម និងតម្រងនោម។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ថ្វីបើទឹកនោមមិនមានបាក់តេរីមែន តែពេលខ្លហបាក់តេរីនៅក្នុងតំបន់ប្រដាប់ភេទអាចឆ្លងចូលទៅក្នុងផ្លូវទឹកម៉ូត្របាន។ រឿងនេះអាចនាំឲ្យមានការបង្ករោគ និងការរលាក រហូតដល់ទៅជាការបង្ករោគនៅផ្លូវទឹកម៉ូត្រ ឬហៅថា UTI។ មានកត្តាច្រើនណាស់ដែលធ្វើឲ្យប្រឈមកាន់តែខ្ពស់នឹង UTI ដោយមានទាំងការរួមភេទផងដែរ។ UTI ទំនងជានឹងកើតឡើងលើស្រ្តីយ៉ាងហោចណា់ស ៥០ ទៅ៦០ភាគរយនៃជីវិតរបស់ពួកគេ ខណៈពេលដែលបុរសមានការប្រឈមមុខតិចតួចជាង។ 

សំណួរសួរថា តើអ្នកអាចឆ្លងការបង្ករោគ UTI ពីការរួមភេទដែរទេ?

ពិតជាអាច ជាពិសេសបើសិនជាអ្នកជាមនុស្សស្រី។ ក្នុងពេលរួមផេទ ការស៊ូកបញ្ចូលលិង្គអាចនាំយកបាក់តេរីពីបង្ហួរនោមចូលទៅក្នុងប្លោកនោមបាន ហើយរឿងនេះប្រឈមកាន់តែខ្ពស់នឹងការបង្ករោគនៅផ្លូវទឹកម៉ូត្រ។ ហេតុផលដែលស្រ្តីងាយនឹងមានការបង្ករោគនៅផ្លូវទឹកម៉ូត្រដោយសារតែការរួមភេទ ដោយសារតែរចនាសម្ព័ន្ធរាងកាយរបស់ស្រ្តីតែម្តង។ ស្រ្តីមានបង្ហួរនោមខ្លីជាងបុរស មានន័យថា វានឹងផ្តល់ភាពងាយស្រួលដល់បាក់តេរីជ្រៀតចូលទៅក្នុងប្លោកនោម។ ជាមួយគ្នានេះដែរ បង្ហួរនោមស្រ្តីគឺនៅជិតនឹងរន្ធគូថថែមទៀត។ យកល្អគួរតែចាំថា អ្នកក៏អាចកើតមានការបង្ករោគនៅផ្លូវទឹកម៉ូត្រតាមរយៈការរួមភេទតាមមាត់ដែរ។ បាក់តេរីនៅតែអាចចូលទៅក្នុងបង្ហួរនោម និងបង្ករោគដូចគ្នា។

តើធ្វើម៉េចទើបអាចបន្ថយការប្រឈមនឹងការបង្ករោគនៅផ្លូវទឹកម៉ូត្រក្រោយរួមភេទបានទៅ?

ថ្វីបើវាមិនតាន់មានអំណះអំណាងពេញលេញថាអាចបង្ការការបង្ករោគនៅផ្លូវទឹកម៉ូត្របាន តែមានរឿងជាច្រើនដែលអ្នកអាចធ្វើបានដើម្បីបន្ថយការប្រឈមនឹងជំងឺនេះក្រោយរួមភេទរួច។ ខាងក្រោមនេះគឺជាគន្លឹះខ្លះៗ៖

  • វិធីសាស្រ្តដ៏មានប្រយោជន៍មួយគឺត្រូវនោមចេញជានិច្ចក្រោយរួមភេទរួច។ រឿងនេះនឹងជួយបញ្ចេញបាក់តេរីទាំងអស់ក្នុងប្លោកនោមក្រោយពីរួមភេទរួច ដូច្នេះវាក៏បន្ថយការបង្ករោគនៅផ្លូវទឹកម៉ូត្រដែរ។ 
  • ការនោមមុនពេលរួមភេទក៏ជួយបន្ថយការប្រឈមមុខដែរ
  • ការលាងសម្អាតតំបន់ប្រដាប់ភេទជាមួយទឹកក្តៅឧណ្ហៗមុនពេលរួមភេទប្រហែលជាជួយបន្ថយការប្រឈមនឹងការឆ្លងបាក់តេរីចូលទៅក្នុងបង្ហួរនោម ជាពិសេសស្រ្តីតែម្តង
  • ការពន្យាកំណើតខ្លះដូចជា ថ្នាំសម្លាប់មេជីវិតឈ្មោល អាចបង្កើនការប្រឈមនឹងការបង្ករោគនៅផ្លូវទឹកម៉ូត្របាន។ បើសិនជាអ្នកគិតថារឿងនេះនាំឲ្យមានជំងឺ ចូរជ្រើសរើសការពន្យាកំណើតផ្សេងវិញ៕ 

បន្ថែមពីឡើគម្រោងព្យាបាលទាំងឡាយដែលគ្រូពេទ្យអាចប្រាប់ យកល្អគួរតែអនុវត្តវិធីបង្ការដូចខាងក្រោមនេះផង៖

  • ញ៉ាំទឹកឲ្យបានច្រើន យ៉ាងហោចណាស់ ៦ ទៅ ៨កែវក្នុងមួយថ្ងៃ
  • ត្រូវតែទៅនោមឲ្យអស់ៗនៅពេលមានអារម្មណ៍ចង់នោមហើយ។ រឿងនេះត្រូវធ្វើឡើងជាពិសេសភ្លាមៗក្រោយរួមភេទរួច
  • សម្រាប់ស្រ្តី ក្រោយពីនោមរួច ចូរសម្អាតពិមុខទៅក្រោយ
  • ចូរថែរក្សាតំបន់ប្រដាប់ភេទឲ្យស្អាតល្អតាមរយៈការលាងសម្អាតដោយទឹកក្តៅឧណ្ហៗជារៀងរាល់ថ្ងៃ ព្រមទាំងមុនពេលរួមភេទ
  • ចូរប្រើវិធីពន្យាកំណើតណាដែលមិនមានសារធាតុសម្លាប់មេជីវិតឈ្មោល
  • ចូរចៀសវាងប្រើទឹកអប់នៅលើទ្វារមាស ឬប្រដាប់ភេទ(អាន:ថ្នាំងងុយគេង ពេលអ្នកគួរប្រើ)
  • ចូរចៀសវាងការស្លៀកខោខូវប៊ូយ និងខោទ្រនាប់តឹងៗ៕