Join with Health.com.kh on Telegram

ជាតិជាកុមារតែងតែចង់ញ៉ាំអាហារកៃឆ្នៃ អាហារមិនផ្តល់សុខភាព ព្រមទាំងចូលចិត្តមើលទូរស័ព្ទ ទូរទស្សន៍ ។ល។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ធ្វើឲ្យឪពុកម្តាយតែងបារម្ភថា វាអាចប៉ះពាល់ដល់គំហើញរបស់កូនពួកគាត់បាន។ ពិតណាស់ ការឲ្យកូនពាក់វ៉ែនតាគឺជាដំណោះស្រាយ ប៉ុន្តែវាអាចកើតមានជមួយនឹងផលវិបាក និងការទទួលខុសត្រូវថា ក្មេងតូចបំផុតប្រហែលជាមិនអាចប្រើវាបានឡើយ។ ភាពមើលឃើញរបស់ខភ្នែកដែលចុះខ្សោយលើកុមារកអាចនាំឲ្យមានផលវិបាកដល់ភ្នែកបានដែរ ដោយសារតែក្មេងត្រូវការលូតលាស់។ 

តាមការសិក្សាថ្មីមួយបានឲ្យដឹងថា ភាពភ័យខ្លាចរបស់ឪពុកម្តាយកើតឡើងពិតមែន ដោយសារតែការសិក្សាមួយបានភ្ជាប់ទំនាក់ទំនងការកង្វះអាហារូបត្ថម្ភគឺប្រឈមនឹងភាពមើលឃើញរបស់ភ្នែក។ ឪពុកម្តាយត្រូវតែព្យាយាមបញ្ចូលអាហារសម្បូរជីវជាតិ ជាពិសេសផ្តល់សុខភាពដល់ភ្នែកតែម្តង ដើម្បីឲ្យកូនញ៉ាំជំរុញដល់សុវត្ថិភាពរបស់ភ្នែកក្នុងរយៈពេលដែលគេស្ថិតក្នុងសភាពលូតលាស់ខ្លាំង។ ដើម្បីជំរុញដល់ការបន្ថយភាពខ្សោយរបស់ភ្នែក យកល្អគួរតែបញ្ចូលអាហារទាំងអស់នេះទៅក្នុងរបបអាហាររបស់កូនផង៖

បន្លែពណ៌បៃតង

បន្លែពណ៌បៃតងដូចជា សាឡាត ស្ពៃស្ពីនាច ឬត្រកួន អាចរកទិញបានយ៉ាងស្រួលក្នុងស្រុកយើង ហើយវាក៏ផ្តល់សុខភាពល្អ និងសម្បូរជីវជាតិបំផុតសម្រាប់សុខភាពភ្នែកជាពិសេសផងដែរ។ វាសម្បូរទៅដោយជាតិកាលស្យូម ដែក វីតាមីន និងសរសៃ ហើយក៏ជួយជំរុញដល់មុខងារប្រព័ន្ធភាពស៊ាំផងដែរ។ 

ត្រីសម្បូរខ្លាញ់

ត្រីសម្បូរខ្លាញ់គឺសម្បូរទៅដោយអាស៊ីតខ្លាញ់អូេមហ្គាបី និងប្រាំមួយដែលអាចផ្តល់ភាពអស្ចារ្យដល់ភាពឃើញច្បាស់របស់ភ្នែក។ ត្រីធូណា និងសាលម៉ុងគឺជាត្រីសម្បូរខ្លាញ់ដ៏ពេញនិយមបំផុត។ វាក៏ផ្តល់សុខភាពដល់បេះដូង និងស្បែកផងដែរ។ 

ស៊ុត និងប្រភពប្រូតេអ៊ីនផ្សេងៗទៀត

ប្រូតេអ៊ីនដើរតតួនាទីសំខាន់មួយក្នុងការថែរក្សាសុខភាពរបស់ភ្នែក។ (អាន:ថ្នាំងងុយគេង ពេលអ្នកគួរប្រើ)ចូរបញ្ចូលស៊ុត និងប្រភពប្រូតេអ៊ីនផ្សេងទៀតដូចជា សណ្តែក ផលិតផលធ្វើពីទឹកដោះគោ ទៅក្នុងរបបអាហារ ដើម្បីជំរុញដល់ការថយចុះនៃភាពចុះខ្សោយនៃការមើលឃើញរបស់ភ្នែក ហើយកូនក៏ទទួលបានជីវជាតិ និងសុខភាពល្អបានដែរ៕