ការមករដូវគឺជាដំណើរជីវសាស្រ្តធម្មជាតិមួយរបស់ស្រ្តី ដែលវាត្រូវកើតឡើងជារៀងរាល់ខែ ដោយត្រូវការជម្រុះភ្នាសខាងក្នុងរបស់ស្បូនមកខាងក្រៅដែលភ្នាស់នេះត្រូវបានកើតឡើងដើម្បីត្រៀមខ្លួនដើម្បីបង្កកំណើត ហើយវានឹងត្រូវជ្រុះចេញវិញជាឈាមរដូវនៅពេលគ្មានការបង្កកំណើត។ ខណៈពេលដែលនឹះគឺជាផ្នែកចុងក្រោយនៃវដ្តរដូវ តែវាក៏ជាផ្នែកមួយដែឡអ្នកសម្គាល់ដឹងថាមានអាការៈជាច្រើនកើតឡើងលើរាងកាយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ដោយសារតែអាការៈនៃការមករដូវនេះមានលក្ខណៈខុសៗគ្នាទៅតាមស្រ្តីម្នាក់ៗ តែវាពិតជាមិនមែនជារឿងងាយស្រួលឡើងក្នុងការស៊ូទ្រាំនឹងអាការៈទាំងនេះ។ ការឈឺពោះបែបរមួលៗ ឈឺខ្នង រមួលក្រពើ ឈឺក្បាល ។ល។ គឺជាអាការៈញឹកញាប់បំផុតដែលស្រ្តីជួបប្រទះក្នុងពេលមករដូវ។ ក្រៅពីនេះ អារម្មណ៍មិនល្អ និងពិបាកចិត្ត ក៏កើតឡើងជាញឹកញាប់ផងដែរ។ ប៉ុន្តែក្នុងពេល មុនពេល និងក្រោយពេលមករដូវ ស្រ្តីអាចធ្វើរឿងជាច្រើនដែលអាចធ្វើឲ្យដំណើរការណ៍នៃកាន់តែធូរស្រាលជាងមុនបាន តាមរយៈវិធីដូចខាងក្រោមនេះ៖
ញ៉ាំអាហារផ្តល់សុខភាព
ការញ៉ាំអាហារផ្តល់សុខភាពក្នុងពេល មុនពេល និងក្រោយពេលមករដូវ អាចធ្វើឲ្យជីវិតរស់នៅដោះស្រាយការមករដូវបានយ៉ាងល្អ។ បើសិនជាអ្នកធ្លាប់មានការឈឺចាប់ខ្លាំងក្នុងពេលមករដូវ ឬមករដូវមិនទៀង របបអាហារអ្នកអាចដើរតួនាទីដ៏សំខាន់បំផុតក្នុងការជួយឲ្យរដូវមកទៀងវិញ។
សកម្មភាពរាងកាយ
ស្រ្តីភាគច្រើនមើលស្រាលការហាត់ប្រាណក្នុងការសម្រួលដល់ការឈឺចាប់ក្នុងពេលមករដូវ។ សកម្មភាពរាងកាយនឹងជំរុញដល់ការរក្សាតុល្យភាពរបស់អ័រម៉ូន និងជម្នះបាននូវការលំបាកផ្សេងៗ។ បើសិនជាអ្នករស់នៅមានភាពសកម្មជាទៀងទាត់ អញនកទំនងជាមិនងាយមានការឈឺចាប់ខ្លាមងក្នុងពេលមករដូវទេ ឬក៏អាចជួយឲ្យការមករដូវទៀងទាត់ថែមទៀតផង។
អាហារផ្តល់ផាសុកភាព
បើសិនជាអ្នកឃ្លានញ៉ាំអ្វីមួយក្នុងពេលមករដូវ អ្នកត្រូវតែព្យាយាមគិតថា តើអាហារណាមួយដែលផ្តល់ផាសុកភាព។ (អាន:ថ្នាំងងុយគេង ពេលអ្នកគួរប្រើ)ឧទាហរណ៍ សូកូឡាគឺជារបស់ដែលគេចូលចិត្តញ៉ាំជាងគេក្នុងពេលមករដូវ។ បើសិនជាអ្នកត្រុវការញ៉ាំសូកូឡាមែន ចូរជ្រើសរើសសូកូឡាខ្មៅ ព្រោះវាមិនត្រឹមតែផ្តល់សុខភាពទេ តែក៏ជួយសម្រួលដល់អាការៈនៃការមករដូវបានដែរ៕