Join with Health.com.kh on Telegram

មនុស្សយើងទាំងអស់ក្នាសុទ្ធតែចង់ឲ្យខ្លួនឯងល្អឥតខ្ចោះ ជាពិសេសនៅពេលជិតដល់ថ្ងៃរៀបអាពាហ៍ពិពាហ៍របស់ខ្លួនឯងតែម្តង។ ដូច្នេះយកល្អគួរតែចាំក្នុងចិត្តនូវវិធីថែរក្សាស្បែកកូនក្រមុំឲ្យហើយទៅ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យកល្អគួរតែចាប់ផ្តើមទម្លាប់ថែរក្សាស្បែកនេះឲ្យមែនទែន ហើយគួរតែធ្វើមុនថ្ងៃរៀបការពីរបីខែឲ្យហើយ។ គ្រាន់តែជាការផ្លាស់ប្តូរសាមញ្ញៗទាក់ទងនឹងរបៀបរស់នៅ និងរបៀបថែរក្សាសម្រស់នឹងអាចជួយឲ្យអ្នកមានភាពស្រស់ស្អាតជាពិសេសតែម្តងបាន។ ការរៀបចំខ្លួនសម្រាប់កូនក្រមុំគឺមិនគ្រប់គ្រាន់ទេបើសិនជាមិនមានមូលដ្ឋានគ្រឹះថែរក្សាសម្រស់ដូចខាងក្រោមនេះទេ។

ចាប់ផ្តើមរបបអាហារផ្តល់សុខភាព

វាគឺជារឿងល្អមួយដែលអ្នកមិនត្រូវធ្វើការផ្លាស់ប្តូររបបអាហារខ្លាំងពេកទេ ព្រោះវាអាចធ្វើឲ្យប៉ះពាល់ដល់សុខភាព និងឈានដល់ការឡើងទម្ងន់ខ្លាំងទៀតផង។ គ្រូពេទ្យបានបញ្ជាក់ថា របបអាហារដើរតួនាទីសំខាន់មួយក្នុងការថែរក្សាសុខភាពស្បែក និងសក់។ អ្នកត្រូវតែញ៉ាំអាហារសម្បូរជីវជាតិ ហើយវានឹងបង្ហាញលើស្បែកអ្នកមិនខាន។

លាងសម្អាតពីរដងនៅពេលយប់

ទម្លាប់ថែរក្សាស្បែកមុនរៀបការចាប់ផ្តើមជាមួយនឹងការលាងសម្អាតស្បែកជាប្រចាំថ្ងៃ។ កម្រិតជាតិពុលគឺខ្ពស់ណាស់ដែលវាអាចបំផ្លាញទាំងស្បែក និងសក់បាន។ ចូរប្រាកដថា អ្នកបានខិតខំបន្ថែមទៀតក្នុងការលាងសម្អាតមុខជាទៀងទាត់។ ចូរប្រើប្រាស់ផលិតផលធម្មជាតិដើម្បីសម្អាតគ្រឿងផាតមុខចេញ តែវាគួរតែមានប្រេងធម្មជាតិផងដើម្បីអាចជម្រុះក្អែលបានជ្រៅលើស្បែក និងរន្ធញើស។ 

ចូរចាប់ផ្តើមហាត់យូហ្គា

ចូរសម្គាល់តំបន់ជាច្រើនលើរាងកាយដែលត្រូវការបន្ថែមជីវជាតិ ហើយក៏ត្រូវផ្តល់សំខាន់ទៅលើការហាត់យូហ្គាបែប Asanas ព្រោះវាអាចជួយបន្ថយខ្លាញ់នៅតំបន់ទាំងនោះបាន។

ញ៉ាំទឹកឲ្យបានគ្រប់គ្រាន់

នេះគឺជាកត្តាដ៏សំខាន់បំផុតមួយក្នុងការរក្សាភាពស្រស់ស្អាតពេញមួយថ្ងៃ។ យើងទាំងអស់គ្នាសុទ្ធតែរវល់ក្នុងការរៀបចំកម្មវិធីដូច្នេះវាពិតជាងាយនឹងភ្លេចរឿងសាមញ្ញៗមួយនេះណាស់។ 

កុំភ្លេចទម្លាប់ថែរក្សាស្បែកពេលព្រឹក និងយប់

មិនខ្វល់ថា អ្នករវល់ប៉ុណ្ណាទេ មិនត្រូវភ្លេចទម្លាប់ថែរក្សាស្បែកពេលព្រឹក និងយប់ឡើយ។ ចូរលាងសម្អាតនិងផ្តល់សំណើមដល់ស្បែកពីរដងក្នុងមួយថ្ងៃ បន្ទាប់មកលាបក្រែមពេលយប់ ឬសេរ៉ូមលើមុខមុនពេលគេង។ ជាមួយគ្នានេះដែរ ចូរប្រាកដថា អ្នកបានលាបក្រែមការពារកម្តៅព្រះអាទិត្យដែលត្រឹមត្រូវគ្រប់ពេលចេញទៅខាងក្រៅផ្ទះ។ ចូរលាបវាឡើងវិញបើសិនជាអ្នកស្ថិតនៅក្រោមពន្លឺព្រះអាទិត្យយូរៗម៉ោង។ (អាន:ថ្នាំងងុយគេង ពេលអ្នកគួរប្រើ)

គ្រប់គ្រងស្រ្តេស

ស្រ្តេសគឺជាកត្តាដ៏សំខាន់មួយសម្រាប់ទម្លាប់ថែរក្សាសុខភាពស្បែកទាំងមូល។ ឥទ្ធិពលអាក្រក់មួយនៃស្រ្តេសគឺវាអាចធ្វើឲ្យកើតមុន និងស្បែកមើលទៅខូចខាត។ ចូរជ្រើសរើសវិធីសាស្រ្តផ្តល់សុខភាពដើម្បីបំបាត់ស្រ្តេសផង៕