Join with Health.com.kh on Telegram

ជំងឺទឹកនោមផ្អែមប្រភេទទី២គឺជាជំងឺទាក់ទងនឹងរបៀបរស់នៅ ដែលការធាត់ជ្រុលដើរតួនាទីជាកត្តាប្រឈមមុខដ៏សំខាន់មួយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)វាគឺជារឿងសំខាន់មួយដែលត្រូវថែរក្សាសន្ទស្សន៍ទម្ងន់ធៀបនឹងកម្ពស់ឲ្យមានសុខភាពល្អ ដូច្នេះអ្នកនឹងអាចបន្ថយការប្រឈមនឹងជំងឺទឹកនោមផ្អែមនេះបាន ជាពិសេសនៅពេលកំពុងតែមានកត្តាប្រឈមនឹងជំងឺទឹកនោមផ្អែមផ្សេងៗទៀតក្នុងគ្រួសារតែម្តង។ ហេតុដូច្នេះហើយរបបអាហារដើរតួនាទីដ៏សំខាន់មួយក្នុងការបង្ការជំងឺទឹកនោមផ្អែមប្រភេទទី២។ មិនគ្រាន់តែចាការបង្ការទេ អាហារក៏ដើរតួនាទីដ៏សំខាន់មួយក្នុងការគ្រប់គ្រងជំងឺទឹកនោមផ្អែមបានដែរ។ អ្នកដែលមានជំងឺនេះត្រូវតែប្រាកដថា ពួកគេបានយកចិត្តទុកដាក់ទៅលើរបបអាហារ និងញ៉ាំអាហារបានត្រឹមត្រូវណាស់។ អាហារដែលមានកម្រិតជាតិផ្ងែមទាប ត្រូវបានគេណែនាំជាពិសេសសម្រាប់អ្នកជំងឺទឹកនោមផ្អែមប្រភេទទី២។ 

ផ្លែអាលម៉ុនត្រូវបានចាស់ៗពីមុននិយាយថា វាល្អចំពោះការបង្កើនថាមពលខួរក្បាល។ ខណៈពេលដែលរឿងនេះមិនត្រូវបានវិទ្យាសាស្រ្តទទួលស្គាល់នៅឡើយ តែផ្លែមួយនេះមានអត្ថប្រយោជន៍ចំពោះសុខភាពផ្សេងៗទៀតទាំងកាយ និងចិត្ត ជាពិសេសគ្រប់គ្រងជំងឺទឹកនោមផ្អែមតែម្តង។ 

ផ្លែអាលម៉ុនមានកម្រិតជាតិស្ករសូន្យ ដែលមានន័យថា វាផ្ទុកទៅដោយជាតិកាបូអ៊ីដ្រាតទាបបំផុត ដែលមិនអាចធ្វើឲ្យជាតិស្ករក្នុងឈាមឡើងខ្ពស់បានឡើយ។ យ៉ាងណាមិញ ផ្លែអាលម៉ុនសម្បូរទៅដោយជាតិសរសៃ ជាតិរ៉ែ និងវីតាមីន ដែលជំរុញដល់ភាពគ្រប់គ្រាន់នៃតម្រូវការជីវជាតិរបស់រាងកាយតែម្តង។ (អាន:ថ្នាំងងុយគេង ពេលអ្នកគួរប្រើ)

អ្នកអាចញ៉ាំផ្លែអាលម៉ុនសម្រាប់អាហារពេលព្រឹកក៏បាន ឬសម្រាប់អាហារសម្រន់ក៏បាន។ ផ្លែអាលម៉ុនក៏អាចបន្ថែម និងញ៉ាំជាមួយទឹកដោះគៅដើម្បីជួយឲ្យរាងកាយកក់ក្តៅសម្រាប់រដូវរងានេះបានដែរ៕