យោងទៅតាមការស្រាវជ្រាវមួយមកពីសាកលវិទ្យាល័យ Illinois បានឲ្យដឹងថា ភេសជ្ជៈមានជាតិកាហ្វេអ៊ីនក្តៅៗដែលអ្នកតែងតែចូលចិត្តញ៉ាំប្រហែលជាមិនគ្រាន់តែជួយកុំឲ្យងងុយគេងនៅពេលព្រឹកទេ តែក៏ជួយសម្រកទម្ងន់បានដែរ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ការសិក្សានេះបានផ្តល់នូវអ្នកចូលចិត្តញ៉ាំជាតិកាហ្វេអ៊ីនទាំងអស់គ្នានូវហេតុផលមួយដើម្បីរីករាយឡើងវិញ ព្រមទាំងមានការញ៉ាំតែ ឬកាហ្វេពីរបីពេលបន្ថែមទៀតផង ដោយសារតែ ការញ៉ាំជាតិកាហ្វេអ៊ីនមានសក្តានុពលខ្លាំងក្នុងការគ្រប់គ្រងភាពធាត់ និងកម្រិតកូឡេស្តេរ៉ុលតាមរយៈ ទប់ស្កាត់ឥទ្ធិពលរបបអាហារដែលមានស្ករ និងខ្លាញ់ខ្ពស់។
យោងទៅតាមសារព័ត៌មាន Fox News បានឲ្យដឹងថា ការសិក្សានេះបានធ្វើឡើងទៅលើសត្វកណ្តុរដែលស៊ីអាហារមិនផ្តល់សុខភាពរយៈពេល បួនសប្តាហ៍ជាប់ៗគ្នា ហើយក៏មានកាបូអ៊ីដ្រាត ៤០ ទៅ ៤៥ភាគរយ និងប្រូតេអ៊ីន ១៥ភាគរយដែរ។
កណ្តុរទាំងនេះត្រូវបានឲ្យផឹកតែដែលមានសារធាតុ Phytochemicals, Flavonoids និង អាស៊ីតអាមីណេ។ ចំពោះកម្រិតជាតិកាហ្វេអ៊ីនវិញមានចាប់ពី ៦៥ ទៅ១៣៥មីលីក្រាមក្នុងមួយពេល។ កណ្តុរនេះក៏ត្រូវបានឲ្យស៊ីប្រភពជាតិកាហ្វេអ៊ីនបន្ថែមទៀតដែរ។
លទ្ធផលចុងក្រោយនៃការពិសោធន៍នេះបានបង្ហាញថា កណ្តុរដែលតម្រូវឲ្យស៊ីជាតិកាហ្វេអ៊ីនមានការថយចុះជាតិខ្លាញ់ក្នុងខ្លួនយ៉ាងគួរឲ្យកត់សម្គាល់។ ការបឺតស្រូបជាតិខ្លាញ់មានការថយចុះ ២២ភាគរយ និងការឡើងទម្ងន់ក៏ថយចុះបាន ១៦ភាគរយដែរ។ (អាន:ថ្នាំងងុយគេង ពេលអ្នកគួរប្រើ)
ការញ៉ាំជាតិកាហ្វេអ៊ីនពីតែ ឬប្រភពផ្សេងៗទៀតអាចមានឥទ្ធិពលអវិជ្ជមានចំពោះរបបអាហារមានជាតិខ្លាញ់ និងស្ករខ្ពស់ ដោយសារតែការប្រែប្រួលនៃអង់ហ្ស៊ីម Lipogenic ទាំងក្នុងជាលិកាខ្លាញ់ និងថ្លើម៕