រដូវរងាត្រូវបានសម្គាល់ដឹងតាមរយៈអាកាសធាតុដែលមានលក្ខណៈស្ងួត និងខ្យល់ស្ងួត ហើយវាក៏អាចធ្វើឲ្យស្បែកបាត់បង់សំណើមធម្មជាតិផងដែរ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ជាមួយគ្នានេះដែរ ការប្រើប្រាស់ទឹកក្តៅដើម្បីងូតទឹក ឬលាងមុខក៏អាចធ្វើឲ្យជាតិប្រេងធម្មជាតិរបស់ស្បែកបាត់បង់ទៀត។ ការដែលស្បែកស្ងួតខ្លាំងអាចនាំឲ្យមានបញ្ហាដល់ស្បែកជាច្រើនដូចជា ស្បែកប្រេះ កើតមុន ហូរឈាម ស្ងួត ក្រហម ។ល។ ប៉ុន្តែការប្រើប្រាស់ផលិតផលថែរក្សាសម្រស់ និងថែរក្សាស្បែកធ្វើពីជាតិគីមីអាចបង្កគ្រោះថ្នាក់ច្រើនជាងផលល្អ ហើយអ្នកក៏ត្រូតែព្យាយាមសាកល្បងប្រើវិធីបែបធម្មជាតិដើម្បីថែរក្សាស្បែកឲ្យមានសុខភាពល្អ។ ផលិតផលធម្មជាតិមួយដែលល្អនោះគឺ ប្រេងល្ហុង ឬហៅថា Castor Oil ដែលមានប្រយោជន៍ច្រើនចំពោះសុខភាពដូចជា៖
ជាថ្នាំបន្ទន់លាមកបែបធម្មជាតិ
ប្រេងល្ហុងនេះគឺជាថ្នាំបន្ទន់លាមកបែបធម្មជាតិ ហើយក៏អាចជួយបំបាត់បញ្ហាជាច្រើនដូចជា ការទល់លាមក ឈឺពោះបែបរមួលៗ ចង្អោ ក្អួត និងរាករូស។ ប៉ុន្តែ បើសិនជាបញ្ហាក្រពះពោះវៀនកើតឡើងជាបើ អ្នកត្រូវតែទៅជួបគ្រូពេទ្យដើម្បីព្យាបាល ហើយក៏កុំពឹងផ្អែកលើវិធីទាំងនេះទៀតដែរ។
អាចប្រើជាក្រែមផ្តល់សំណើម
ដូចខ្ញុំបានបញ្ជាក់ពីខាងលើអ៊ីចឹងថា ប្រេងល្ហុងគឺជាផលិតផលផ្តល់សំណើមបែបធម្មជាតិ ហើយក៏អាចជួយផ្តល់ភាពរលោង និងស្រស់ស្អាតដល់ស្បែកថែមទៀត។ អ្នកគ្រាន់តែបន្ថែមប្រេងនេះពីរបីដំណក់ទៅលើម៉ាសបិតមុខ ឬយកវាលាបលើស្បែកក៏អាចផ្តល់សំណើមបានដែរ។
ព្យាបាលរបួស
ប្រេងល្ហុងមានសមត្ថភាពប្រឆាំងការរលាក ហើយក៏អាចជួយឲ្យរបួសឆាប់ជាវិញដែរ។ របួសតិចតួច ដាច់ដោច ស្នាមជាំ ។ល។ សុទ្ធតែអាចត្រឡប់មកល្អវិញនៅពេលលាបប្រេងល្ហុងពីរបីដងរួច។
ល្អចំពោះសុខភាពស្បែក
ក្រៅពីផ្តល់សំណើមដល់ស្បែក ប្រេងល្ហុងក៏មានប្រយោជន៍ចំពោះសុខភាពស្បែកដែរ។ វាអាចជួយបង្ការ និងព្យាបាលជំងឺមុន ការបង្ករោគនៅលើស្បែកដោយសារតែមេរោគផ្សិត ។ល។
ធ្វើឲ្យសក់ក្បាលមានសុខភាពល្អ និងរឹងមាំ
ប្រេងល្ហុងផ្ទុកទៅដោយសារធាតុជាច្រើនដែលធ្វើឲ្យសរសៃសក់កាន់តែរឹងមាំ បន្ថយភាពងាយជ្រុះ និងមើលទៅមានសុខភាពល្អតែម្តង៕(អាន:ថ្នាំងងុយគេង ពេលអ្នកគួរប្រើ)