គ្រូបង្រៀន​ម្នា​ក់នៅ​ប្រទេស​ចិន ត្រូវ​កាមេរ៉ា​ចាប់បាន​សកម្មភាព​វ៉ៃ​កូនសិស្ស​មួយក្រុម​យ៉ាង​ចាស់ដៃ បន្ទាប់ពី​កូនសិស្ស​ទាំងនោះ​មិន​បានធ្វើ​កិច្ចការ​ផ្ទះ​ដែល​ខ្លួន​ដាក់ឱ្យ​។

​សិស្សៗ​ដែល​រៀន​នៅ​អនុវិទ្យាល័យ​ក្នុង​ខេត្ត​ស៊ី​ឈាន់ ប្រទេស​ចិន ខាងលើនេះ ត្រូវបាន​គ្រូ​របស់ខ្លួន បញ្ជា​ឱ្យ​ឈរ​តម្រង់​ជួរ​នៅ​ខាងក្រៅ​បន្ទប់រៀន​ដើម្បី​ទទួល​រំពាត់​ម្នាក់​ម្តងៗ​។​

​វីដេអូ​ដាក់ទណ្ឌកម្ម​សិស្ស​នេះ ត្រូវបាន​គេ​បង្ហោះ​ចែករំលែក​ក្នុងចំណោម​ក្រុម​ពិភាក្សា​បណ្តាលឱ្យ ការិយាល័យ​អប់រំ​មូលដ្ឋាន​បើក​ការស៊ើបអង្កេត​ភ្លាមៗ​លើ​បញ្ហា​នេះ​។​

​យោងតាម​គេហទំព័រ Kan Kan News បានឱ្យដឹងថា ហេតុការណ៍​នេះ​បានកើត​ឡើង​នៅ អនុ​វ​ទ្យា​ល័យ ណាន ស័ន (Nan Xuan Middle School) ក្នុង​ទីក្រុង​មាន​ជូ (Mianzhu) អំឡុង​ម៉ោង​អំ​ណាន​ពេលព្រឹក​កាលពី​ថ្ងៃទី​១៤ ខែកក្កដា​។​

​តាមរយៈ​រូបភាព​ទាំងនេះ យើង​អាច​មើលឃើញ​សិស្ស​យ៉ាងតិច​សិស្ស ១០​នាក់​ឈរ​តម្រង់​ជួរ​គ្នា ចាំ​ទទួល​រំពាត់​ពី​អ្នកគ្រូ​របស់​ពួកគេ​។ តាម​ការចោទប្រកាន់ថា អ្នកគ្រូ​ខាងលើ​បាន​ប្រើ​ដង​អំបោស វាយ​ពួកគេ​។

​តាម​ការ​អះអាងថា អ្នកគ្រូ​ដែល​បង្រៀន​មុខវិជ្ជា​ភាសា​អង់គ្លេស រូបនោះ​បាន​វ៉ៃ​សិស្ស​ទាំងនោះ មួយ​ទំហឹង​ដៃ ដល់​ថ្នាក់​ឮសូរ​ពេញ​សាលា​៕

ប្រភព៖ rasmeinews.com