ថ្ងៃឈប់សម្រាកគឺជាពេលវេលាដែលត្រូវការញ៉ាំអាហារ និងសប្បាយៗជាមួយក្រុមគ្រួសារ និងមិត្តភក្តិ។ ប៉ុន្តែការសិក្សាថ្មីបានបញ្ជាក់ថា អ្នកដែលតមអាហារពេកទំនងជាងាយមានអារម្មណ៍ឯកានៅពេលញ៉ាំអាហារពេលយប់ណាស់។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) អារម្មណ៍ឯការបែបនេះប្រហែលជាជាប់ទាក់ទងនឹងកត្តាជាច្រើនដូចជា មិនអាចចែករំលែកអាហារជាមួយអ្នកដទៃបាន។
ការសិក្សាចំនួន ៧ ដែលបានធ្វើការពិសោធន៍ និងធ្វើឡើងដោយអ្នកស្រាវជ្រាវមកពី Cornell University ក្នុងសហរដ្ឋអាមេរិក បានរកឃើញថា របបអាហារដែលតមពេក ដោយសារតែអាឡែហ្ស៊ី បញ្ហាសុខភាព សាសនា ឬទម្លាប់ ទំនងជាធ្វើឲ្យបុគ្គលនោះមានអារម្មណ៍ឯកា ជាពិសេសក្នុងពេលឈប់សម្រាកតែម្តង។ អារម្មណ៍នេះមានលក្ខណៈដូចគ្នាដោយមិនខ្វល់ពីអាយុ ឬភេទឡើយ។
កាលពីមុន អ្នកស្រាវជ្រាវបានរកឃើញថា មនុស្សយើងមានអារម្មណ៍ថាមានទំនាក់ទំនងល្អជាមួយអ្នកដទៃនៅពេលពួកគេអាចញ៉ាំអាហារដូចគ្នា ញ៉ាំអាហារពីចានតែមួយ ដែលរឿងនេះនឹងលើកទឹកចិត្តដល់ការសហការណ៍គ្នារវាងមនុស្សដែលមិនស្គាល់គ្នាផង។ ប៉ុន្តែការញ៉ាំអាហារតម អាចនាំឲ្យមានបញ្ហា “ញ៉ាំអាហារបែបបារម្ភ” មានន័យថា ពួគកេអាចនឹងមានអារម្មណ៍តក់ស្លុត បារម្ភច្រើន ឬឯកាដោយសារតែខ្វល់ច្រើនអំពីអាហាររបស់ខ្លួន។ នៅពេលអ្នកដែលតមអាហារបែបនេះមិនអាចចែករំលែកអាហារជាមួយអ្នកដទៃបាន ពួកគេនឹងបារម្ភច្រើនអំពីរឿងដែលត្រូវធ្វើទំនាក់ទំនងជាមួយ។ (អាន:ថ្នាំងងុយគេង ពេលអ្នកគួរប្រើ)
យោងទៅតាមការស្រាវជ្រាវ និងសេចក្តីរាយការពី IANS បានឲ្យដឹងថា “ញ៉ាំអាហារបែបបារម្ភ” អាចបង្កើតជាអារម្មណ៍ឯកា ដែលស្រដៀងគ្នានឹងអ្នកដែលមិនបានរៀបការ និងមានចំណូលទាបដែរ។ ប៉ុន្តែអារម្មណ៍ឯការនេះគឺខ្ពស់ជាងក្មេងសិស្សសាលាដែលមិនចេះនិយាយអង់គ្លេស ហើយរៀនអង់គ្លេសអ៊ីចឹង៕