អាល់កាឡាំង គឺចាំបាច់ណាស់ដើម្បីរក្សាតុល្យភាពនៃអាស៊ីតក្នុងរាងកាយដើម្បីចៀសផុតបញ្ហាសុខភាពផ្សេងៗរួមបញ្ចូលទាំងជំងឺរលាកសន្លាក់ ជំងឺទឹកនោមផ្អែម កង្វះវីតាមីន D លើសសម្ពាធឈាម និងឆ្អឹងមិនរឹងមាំ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែថាតើអាហារអ្វីខ្លះជួយរក្សាអាល់កាឡាំងក្នុងរាងកាយ? ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីអាហារដែលជួយរក្សាអាល់កាឡាំងក្នុងរាងកាយ ៖
១. ភេសជ្ជៈពណ៌បៃតង
ភេសជ្ជៈធ្វើឡើងពីបន្លែបៃតង គឺជាភេសជ្ជៈសុខភាពល្អដ៏ប្រសើរបំផុតមួយចំពោះសុខភាព។ ភេសជ្ជៈបៃតងក៏ជួយរក្សាកម្រិត pH របស់រាងកាយគួរឱ្យកត់សម្គាល់។ គួរចងចាំទុកក្នុងចិត្តថាបន្លែបៃតងមានផ្ទុកក្លរ៉ូភីលដែលមានរចនាសម្ព័ន្ធដូចគ្នានឹងឈាមរបស់យើងដែរ។ ដូច្នេះការទទួលទានភេសជ្ជៈនេះអាចជួយរក្សាអាល់កាឡាំងក្នុងរាងកាយ។
២. ត្រសក់
ត្រសក់ជាបន្លែមានផ្ទុកជាតិទឹកដល់ទៅ ៩៥ ភាគរយ ដូច្នេះការទទួលទានបន្លែនេះពិតជាអាចរក្សាបាននូវកម្រិតត្រឹមត្រូវនៃអាល់កាឡាំងក្នុងរាងកាយ។ ការទទួលទានត្រសក់ក៏ជួយផ្ដល់ជាតិទឹកក្នុងរាងកាយផងដែរ។
៣. បន្លែស្រស់
ប្រសិនបើអ្នកចង់រក្សាបានមកវិញនូវកម្រិតត្រឹមត្រូវនៃអាស៊ីតក្នុងរាងកាយ ចូរប្រាកដថាអ្នកទទួលទានបន្លែស្រស់ៗបានច្រើន។ មូលហេតុនោះ គឺការចម្អិនអាហារអាចបង្កការបំផ្លាញដល់អាល់កាឡាំង ក៏ដូចជាសារធាតុចិញ្ចឹមផ្សេងៗក្នុងបន្លែ។ ក្រៅពីកិនធ្វើទឹកបន្លែ អ្នកក៏អាចប្រើប្រាស់វិធីសាស្ត្រចំហុយផងដែរដើម្បីរក្សាសារធាតុចិញ្ចឹមពេញលេញ។
៤. ប្រូតេអ៊ីនរុក្ខជាតិ
ចូរព្យាយាមទទួលទានប្រូតេអ៊ីនដែលមានប្រភពពីរុក្ខជាតិដើម្បីរក្សាបាននូវកម្រិតត្រឹមត្រូវនៃជាតិអាស៊ីតក្នុងរាងកាយ។ គ្រាប់អាល់ម៉ុននិងសណ្ដែកជាប្រភពដ៏ប្រសើរនៃប្រូតេអ៊ីន។
៥. ផ្លែឈើស្រស់
ដើម្បីរក្សាបាននូវកម្រិតត្រឹមត្រូវនៃជាតិអាស៊ីតក្នុងរាងកាយ គឺមិនពិបាកឡើយ! អ្វីដែលអ្នកត្រូវធ្វើ គឺគ្រាន់តែព្យាយាមទទួលទានផ្លែឈើស្រស់ៗ។ ផ្លែបឺរ ចេកទុំ ឪឡឹក និងក្រូចថ្លុង គឺជាជម្រើសនៃផ្លែឈើដែលប្រសើរបំផុតសម្រាប់អ្នកត្រូវការអាល់កាឡាំងបន្លែក្នុងរាងកាយ៕