យោងទៅតាមការសិក្សាថ្មីបានឲ្យដឹងថា អ្នកដែលញ៉ាំអាហារបួសគឺងាយនឹងឆាប់ស្រវឹងជាងអ្នកដែលញ៉ាំសាច់។ ការស្រាវជ្រាវនេះក៏ត្រូវបានចុះផ្សាយក្នុងសារព័ត៌មាន Journal of Clinical Medicine ដែលធ្វើឡើងដោយអ្នកស្រាវជ្រាវជនជាតិដាច់ មកពី Utrecht University ដែលបានធ្វើការពិសោធន៍មួយទៅលើអ្នកញ៉ាំគ្រឿងស្រវឹង១៣នាក់ ហើយបានប្រាប់រឿងនេះក្នុងសារព័ត៌មាន New York Post ទៀត។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
អ្នកចូលរួមសិក្សាទាំងអស់ត្រូវបានគេវិភាគរកមើលអាការៈស្រវឹងទាំង ២៣ ដោយដំបូងឡើងស្ថិតក្នុងកន្លែងគ្រប់គ្រងសិន ដោយពួកគេត្រូវតមញ៉ាំគ្រឿងស្រវឹងនៅពេលយប់។ បន្ទាប់មកពួកគេត្រូទៅក្រៅញ៉ាំគ្រឿងស្រវឹងនៅពេលយប់ ហើយតាមដានឥទ្ធិពលនៃភាពស្រវឹងដូចជា ឈឺក្បាល ញ័រទ្រូង ចង្អោ បែកញើស វិលមុខ ស្រេកទឹក និងខ្លាចពន្លឺ និងសម្លេង។
អ្នកចូលរួមទាំងអស់ត្រូវបានណែនាំឲ្យកត់ត្រានូវអ្វីដែលពួកគេញ៉ាំខណៈពេលកំពុងតែស្ថិតក្នុងការសិក្សា។ អ្វីដែលពួកគេញ៉ាំត្រូវបានវិភាគរកមើលគុណតម្លៃជីវជាតិ និងចង់បង្ហាញថា នរណាអាចមានការកង្វះជាតិស័ង្គសី និងវីតាមីន B3 ឬអត់។ ការកង្វះជាតិស័ង្គសីមានជាប់ទាក់ទងគ្នាយ៉ាងខ្លាំងនឹងការក្អួត និងកង្វះវីតាមីន B3 ដែលរឿងនេះនឹងធ្វើឲ្យចេញជាអាការៈស្រវឹងជាមិនខាន។
អ្នកស្រាវជ្រាវបានកត់សម្គាល់ថា ទាំងវីតាមីន B3 និងស័ង្គសីភាគច្រើនមានក្នុងផលិតផលអាហារសាច់សត្វ ដូច្នេះវាអាចនឹងមិនមានសម្រាប់អ្នកញ៉ាំបួសទេ ដូច្នេះវាក៏ធ្វើឲ្យពួកគេគេងនឹងឆាប់ស្រវឹងជាងអ្នកញ៉ាំសាច់ដែរ។
វីតាមីន B3 និងស័ង្គសីជាជីវជាតិដែលត្រូវការដើម្បីរំលាយជាតិអេតាណុលរបស់គ្រឿងស្រវឹង ទៅជា Acetaldehyde។ អ្នកត្រូវការជីវជាតិពីរនេះជាចាំបាច់ដើម្បីរំលាយជាតិស្រា។ (អាន:ថ្នាំងងុយគេង ពេលអ្នកគួរប្រើ)ដូច្នេះវាពិតជាស្រួលយល់ទេ បើសិណជាអ្នកខ្វះវា អ្នកពិតជាងាយនឹងស្រវឹងជោគខ្លួនណាស់៕